Jeremia 52:17 - mzwDBL

¹⁷ Babelɔn laa tena la kuuɡi ayaawa pilare ne kwaa aa dɔ nakpale baa taɡa a do Korowii Dea, dɛ ayaawa loɡ baa dɛ yerɔ Mpo la, dɛ kpɔ a bwa kaa Babelɔn harɛ ta.

Jeremia 52:17 ပူးပေါင်းရင်းမြစ်များ

1 Koranar 7:50

O berɔ ɛ suuɡaswɛm tenten loɡbaala, ne kon baa kpɔa dɛɛ fee kandea ŋwɛn la doŋa, ne loɡa baa do nee kɛɛ chal a bini dɛ ɛ dɛɛ merɛ, ne loɡa ne kwaa baa kpɔa dɛɛ buh nii, ne dea la ɡbeni baa kpɔ suuɡaswɛm ɛa, ne ɡbeni aa lɔ Boɡoroŋ Tenten bela ɡbeni, dɛ ɡbeni aa lɔ Dea la nyoa bwa.

2 Koranar 20:17

tɔpere bɛl dɛ ba, ásɛ nɛra ba kpɔ komɛlbwa aa lɔ he koodem ne kwaa he naawa aa nyina cheɡ ba le fini nɔ kaa Babelɔn harɛ ta, komɛlbwa aa wola ka.

2 Webena 36:18

Babelɔn Kooro ɡelɔ ba pa laala aa lɔ Korowii Dea, ne anɔ la a yoɡ aa kpeɡa, dɛ do deene baa dɛ cheɡ laala a yoɡ aa kpeɡa a bini Korowii Dea, dɛ anɔ la aa lɔ kooro ne o nomonome be bwa, kɛŋɔ laa ta kwaa kaa Babelɔn harɛ.

Jeremia 52:20

Ayaawa aa lɔ pilare anɛ la ta, ne kwaa aa dɔ nakpale baa taɡa ne loɡbajen baa dɛ yerɔ Mpo, asɛ nabali fi dɛ anɛ do o lɔɡa, Kooro Solomɔn ɛa cheɡ Korowii Dea la, a kan kohona kɛŋɔ ba won maɡɛ a tɔɡre.

Wiile 1:10

Dɔma pa o laala a yoɡ aa kpeɡa bwa kaa. O ɡbabir na harɛre nɛra baa wola Korowii tomɛ aa dɛ jo Korowii Dea la bini, bela Korowii fe aa wola ban ŋwɛnɛ tɛɛ kɛ ba jo.

Ɛsekeɛl 40:49

Bela baa cheɡa dɛɛ jo la paɡri lɔ naɡale fifraatoro, le o nyoa ta kaa o tia ɡe lɔ naɡale fi dɛ anuatoro. Kwaa baa cheɡɛ a ta dɛ teeh dɛɛ kaa lɔ o ta, asɛ pilare do doonyoa daa la jwɛh.

Daneɛl 1:2

Korowii ɡelɔ o pɔ Juda Kooro Jehoiakim nɛ, dɛ pa laala baa kpɔa cheɡ Korowii Dea la ane kaa Babelɔn harɛ ka cheɡ o voɡ dea bini, bela baa dɛ cheɡ laala a yoɡ aa kpeɡa.