Jeremia 52:1 - mzwDBL

¹ Kooro Sedekia di bene fifraanɛ dɛ beŋkpoŋ dɛ di kora. O soɡe Jerusalam di kora bene fi dɛ beŋkpoŋ. O nya sɔne Hamutal, Jeremia bihaahnee o le Lebna.

Jeremia 52:1 ပူးပေါင်းရင်းမြစ်များ

2 Koranar 23:31

Kooro Jehoahas di bene fifraanɛ dɛ atoro mɔɔ dɛ di kora Juda harɛ ta. O soɡe Jerusalam di kora korobie atoro. Dɛ o nya sɔne Hamutal, o ɡe mɛɛ sɔne Jeremia, o le bwɛjen Lebna ta.

2 Koranar 24:18

Kooro Sedekia di bene fifraanɛ dɛ beŋkpoŋ dɛ di kora. O soɡe Jerusalam di kora bene fi dɛ beŋkpoŋ. O nya sɔne Hamutal, Jeremia bihaahnee o le Lebna.

2 Koranar 25:1

Kooro Sedekia aa di kora bene anuanaarɛ, korobie fi tɔpera fi ta la, Babelɔn Kooro Nebukadnesa kpɔ o laa tena bwa kaa Jerusalam, dɛ ka yoo ba. Ba baŋre ba tɛnte deene bwɛɛ la dahare, dɛ ma kwaa sawɛ bwɛjen la danjwɛɛ baa che a ta teeh jo o bini.

2 Koranar 8:22

Ba le fini, Edom tena vɛh Juda kooro toma. Gɛ saŋee bwɛjen Lebna tena ɡe vɛh o toma.

2 Webena 36:11

Kooro Sedekia di bene fifraanɛ dɛ beŋkpoŋ dɛ di kora. O soɡe Jerusalam di kora bene fi dɛ beŋkpoŋ.

Aesaya 37:8

Asiiria laa nomoa la noɔ kɛŋɔ, Asiiria koojen ne o laa tena le Lakes, dɛ kaa yo bwɛjen Lebna tena baa bɛn ba, asɛ o ir la koojen la be bela.

Jeremia 21:1

Korowii bol waa Jeremia be ɡɛ saŋ Juda Kooro Sedekia aa tomɛ Malkija bibaa Pasur, ne Maaseya bibaa sɔfo Sefania o be. Ba ŋɔ,

Jeremia 39:1

Waa aa cheɡɛ a ta Jerusalam paɡre laanee nɔ, Kooro Sedekia aa di kora Juda harɛ ta bene anuanaarɛ, korobie fi ta la, Babelɔn Kooro Nebukadnesa kpɔ o laa tena bwa kaa Jerusalam dɛ ka chɔ bar ba, dɛ yoo ba.

Jeremia 51:59

Waa men Jeremia aa kpɔa tɛ Nɛrea bibaa Seraya, baa dɛ yerɛ o nabaa Maaseya laanee teŋa nɔ. Dɛ onee dɛɛ cha Juda Kooro Sedekia ɡɛ saŋ waa di kora bene anaarɛ, asɛ o ne o la Babelɔn harɛ ta.

Habakuk 1:17

Baa ɡeloo ba teŋɛ dɛ́ kpoo harɛre nɛra kɛŋɔ pɛŋa baa wola ba sumii na naa?

Josua 10:29

Ate, Josua ne o laa tena kpɔ le Makeda, dɛ ka pu bwɛjen Lebna dɛ ka yo nɛra baa lɔ o ɡe ta.

Josua 15:42

Ane ɡee Lebna ne Ɛta dɛ Asan,