Jeremia 51:9 - mzwDBL

⁹ Asɛ nɛŋhɔɔhra baa soɡe bela ŋɔ, ‘Ya takapɔ ŋɔ ya cha ba, kɛ a kaa mun ta. Hé ɡel ya ɡel ba waa tɛɛ ba, ásɛ bɛlbwa berɛ kaa o harɛ ta. Korowii kpɔ o kpeɡri dɛ tɛr ba deŋne dɛ chɔɡ ba kwaraa.’ ”

Jeremia 51:9 ပူးပေါင်းရင်းမြစ်များ

2 Webena 28:9

Dɛ Korowii keame Ɔdɛd lɔ Samaria bela. O iro dɛ la ka cheme laa tena la ɡɛ saŋ baa ba Samaria la. O ŋɔ ba be ŋɔ, “Korowii he naawa aa tomɔ la baah di Juda tena nɛɛ waa o ɡel he yoo ba dɛ pɔ ba nɛɛ la. Kɛ he berɔ kpoo ba warɛ kohona to.

Ɛsra 9:6

dɛ soŋo ŋɔ, “N Naa Korowii maa dɛ tomɛ, sihiih dɛ kpo mɛ n di ncho ɡe kohona, kɛ maa ɡɔɔ nyu dɛɛ nyiŋi he siwi ta nɔ, dɛkalkɛ ya wechɔɡa ɡwaa ya nɛ, hale dɛɛ tel he be nyundua.

Aesaya 13:14

Hɔɔhra baa soɡe Babelɔn ɛɛ lɔɔ peɡre, dɛ́ kaa ba harɛre ta kɛŋɔ kpaahna aa jo kweɡli baah a lɔ peɡre la. Baa chwao peɡre kɛŋɔ peera aa wola teɡre dɔe ken.

Aesaya 47:15

Waa nɛra haa le he bechale saŋ dɛɛ la ba be baa jae la aa dɛ ba ɡela he na laanee. Bɛlbwa ɛɛ nyin bɔree dɛ́ chwa kaa, bɛlbwa aa lee do, dɛ́ lɛɛ.”

Jeremia 46:16

He laa tena ɛɛ teŋɔɔ dɛɛ lɔ na, dɛ́ choɡli dawɛ dɔŋa nɛ. Baa bol dɔŋa bee ŋɔ, ‘Hé ɡel ya ir, dɛ́ berɛ kaa bela yaa lea ne ya nɛra bini, ásɛ ya dɔma bɛ yaa kpoo.’

Jeremia 46:21

Laa tena baa kaa yaɡ ba ŋɔ bá ba yo tɛɛ ba aa kpeɡe dɛ́ won yo, ba do kɛŋɔ nabiiri aa jea ken. Ba ɡe ɛɛ berɔɔ chwa kaa baa wola won che ba naa ta, dɛkalkɛ ba wenaale tɔpere la telo, saŋ telo kɛ bá dɔ deŋnetɛra.

Jeremia 50:16

He bɛ ɡel ba du kwaa harɛ la ta, kɛɛ dɛ komɛ kwa. Hɔɔh bɛlbwa waa soɡe bela ɛɛ ɔmɛ laa tena baa ba yo harɛ la nɛra laanee, ásɛ dɛ bwa berɛ kaa ba harɛre ta.

Jeremia 8:20

Nɛra la do lɔŋɔ ŋɔ, “Lɔmɔɡa saŋ kaalɔ, kwaa koma ba a jaɡa, kɛ ya ta lɛɛ dɔe mɔɔ.”

Hosia 7:13

Bá bwɛɛlɛ! Ba vɛɛh mɛ dɛ berɛ habɔɔ kpo mɛ. Waa dawɛ ba nɛ, ba ɛ deŋnekpeɡ n nɛ. N pɛla lole kɛŋɔ n fee lɛɛ ba, kɛ ba teŋe nyosone dawɛ n nɛ.

Wepila 18:4

N berɔ no taa bɛl o le nyundua dɛ ŋɔ, “N nɛra, hé le o be. Maa nyin kɛ he ne o pɛ dɛ́ɛ ɛ wechɔɡa, dɛ́ pɛ na wahala maa dɛ ba ɡela o na la.

Wepila 18:5

O wechɔɡa daŋɔ tel Korowii doa, Korowii kpaŋro bil.