Jeremia 51:7 - mzwDBL

⁷ Babelɔn fa do kɛŋɔ suuɡaswɛm numol, dɛ do men Korowii nɔn ta, dɛ ɡel harɛre nɛra bwa nyɔ o bini sen, dɛ dɛɛ dɛ bwa ɛɛ we choɡla.

Jeremia 51:7 ပူးပေါင်းရင်းမြစ်များ

Aesaya 14:4

hɛɛ kpɔ yelee sɛɡle Babelɔn kooro dɛ ŋɔ, “Hé na ɡɛ nyubinikpeɡ te la aa bera sɔɔh! Hé na ɡɛ o bandia aa ba a jaɡa!

Jeremia 13:13

Ásɛ he berɛ ŋɔ ba be ŋɔ men Korowii dɛ ba ɡela nɛra baa soɡe harɛ la ta dɛɛ, kɛŋɔ baa nyɔ sen ken. Hale koranar baa ɛ Kooro Devid naanar, ne sɔfore ne n keamere, dɛ banɔ la baa soɡe Jerusalam bwa jao.

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 50:38

Hwél che ba harɛ ta, ásɛ o neerare bwa hweeh. Voɡa aa lɔ harɛ la ta warɔ, a kpɔ ɔmee kohona ba ta harɛ la nɛra nɛɛ ba ɡɛn.

Ɛsekeɛl 23:42

N dɛ no nɛra baa wara dɛ di kwaa dɛɛ lɛ ba sie ɡbɔɡa. Ba ɛ baala baa le ba ne pua hɛŋle ɡbo harɛ ta. Gɛ baala la kpɔ nɔnloɡa do haahna la, dɛ kpɔ haŋkoo-ɡbɛrɛre aa wera pi ba.

Daneɛl 2:32

Kon la nyu ɛ suuɡaswɛm tenten, o bambile ne o nɔɔra ɛ suuɡapoŋ, asɛ o tea ne o hwie ɛ ayaawa,

Daneɛl 2:38

He nɔn taa o kpɔ nɛra, ne kpɔɡ bini ola, dɛ jumbii aa dɛ ɡah do. Henee dɛɛ nyiŋi a nɛ, bobɛlbwa aa lole. Henee kon la nyu baa kpɔ suuɡaswɛm tenten ɛo la.

Wepila 14:8

Nyundua torome nɛɛte ɡe iro teŋɛ onɔ la nɛɛ dɛ ŋɔ, “O paɡrɔ! O paɡrɔ! Babelɔn bwɛjen la waa ɡela pɛlchɔɡa ne wedoŋa dɛɛ harɛ nɔ ta bwa nɛra kɛŋɔ sen asɛ ba waa fuh Korowii baah la paɡrɔ.”

Wepila 17:2

O ne harɛ nɔ ta koranar bwa di sɛm. O wedoŋa la ɛo kɛŋɔ sen, asɛ o kpɔ tɛ harɛ nɔ ta nɛra ba nyɔ dɛ dɛɛ.”

Wepila 17:4

Haah la di toli dɛ do laaladɛɛɡa, ane swɛɛ a sie do ɡimeɡime, ane ɡe swɛɛ peihpeih dɛ do wer. O do baŋa kwaa ne deŋna kwaa ne nɔnloɡa baa kpɔ suuɡaswɛm ne bwedɛɛɡa bwa soo siwi ɛa, dɛ kpoŋe suuɡaswɛm luwee, wedoŋa ne jwamane we-ɛɛla suu.

Wepila 18:23

Kandea bɛlbwa aa belaa chaah kpa. Baa hanfala ne ba jaranar taa no bela bwa. He bonadiire ɛ nɛnjena ba dɔŋa aa wola toole harɛ nɔ ta bobɛlbwa. He wono berɛ harɛ nɔ ta nɛra bwa liire, ba nyoɡre kɛŋɔ baa kpɔ tɛɡchɔɡa dɛɛ berɛ nɛn liire la.

Wepila 18:3

dɛkalkɛŋɔ o ɡelɔ harɛ ta nɛra bwa wedoŋa ne ba pɛlchɔɡa dɛɛ ba kɛŋɔ sen, asɛ ba waa fuh Korowii baah. Harɛ nɔ ta koranar ne o bɔ jwamane. O kondɔɔh kwaa nyina kohona nomanta, harɛ nɔ ta bonadiire cheɡɛ o nɛɛ dɛ dɛɡ.”

Wepila 19:2

dɛkalkɛ ɡɛ waa bol waa dɛɛ pa bole la ɛ kasinteŋ dɛ toɡre. O pa hanjwamane tenten la waa ɛ wedoŋa, dɛ chɔɡ harɛ nɔ la bolchɔɡe, dɛ tɛr o deŋne dɛ kpɔ bɔ o bonɔɔna ne toli waa kpoo ba la kem.”