Jeremia 51:6 - mzwDBL

⁶ Hé chwa le Babelɔn harɛ! Hé chwa lɛ he nyuune! He bɛ Babelɔn tena wechɔɡa waa koh serewe. Saŋ telo kɛ men Korowii bɔ ba kem, mɛɛ tɛr ba deŋnee ɡɛ aa chɛa.

Jeremia 51:6 ပူးပေါင်းရင်းမြစ်များ

Yela 94:1

N Naa Korowii, henee dɛɛ tɛr nɛra deŋne, ɡel ba na he bandia.

Sɛɡla 13:20

Kpɔ he te pɛl wejereme ásɛ dɛ jemɛ wa, kɛ nɛn o ne ɡɛne aa pɛa la, o dɛ na wahala.

Aesaya 48:20

Hé le Babelɔn harɛ ta, hé chwa le o nɛra bini! Hé kpɔ silɛɛ taa bol bobɛlbwa ŋɔ, “Korowii lɛ o bonɔɔna Israel tena.”

Aesaya 63:4

N liiro kɛŋɔ saŋ maa lɛ n nɛra la telo, kɛŋɔ n tɛr ba dɔma deŋne bɔ kem.

Jeremia 25:14

Wɛɛ bɔ Babelɔn tena kemee waa baa ɛa la wa, ásɛ harɛre nɛra ɡalɡa ne koojena ba laɡ ba yoma.”

Jeremia 25:16

Ba nyɔɔ tonaa, baa dɛɛroo dɛɛ yɛɛɡe, asɛ choɡla chole ba nɛ, laa maa kpɔa dɛɛ ba ba nɛɛ la wa.”

Jeremia 27:7

Harɛre nɛra bwa ɛɛ tomɔɔ, dɛ tomɛ o bibaa ne o naa ka tel kɛŋɔ o harɛ la aa chɔɡ. Ásɛ o harɛ nɛra ɛɛ tomɛ harɛre nɛra baa kpeɡa kohona ne koojena.

Jeremia 46:10

Awola tɔpere la ɛ Korowii, Koranar Bwa Kooro Tɔpere, tɔpere waa dɛ ba o dɔma kem bɔe. O tokobii nee wɛɛ ba ba kpoora, dɛ́ nyɔ ba chal sɔɔh nyɔɡre waa dɛ kpoo nyoa. Korowii, Koranar Bwa Kooro ɛɛ kpoo o dɔmaa awola tɔpere, Yufretis Moo nyoa, weekaŋle nyunduabɔr.

Jeremia 48:6

Ba ŋɔ, ‘Hé ɛ warane, dɛ́ chwa lɛ he nyuune. Hé chwa kɛŋɔ kpɔɡ bini keeɡo waa lɔ pua hɛŋle ɡbo harɛ ta ken.’

Jeremia 50:15

Hé pa mun ka yo bwɛjen Babelɔn tena dɛɛ do laa lɔŋɔre, Babelɔn tena sɛoh dɛ ba ba te ne harɛ, ba dekpeɡa ne danjwɛɛre bwa kuuɡo. A ɛ kembɔr men Korowii aa kpɔa dɛɛ tɛr ba deŋne, bɛlbwa ɡe tɛr ba deŋne bɔ kem. Hé ɛɛ ba ɡɛ tenten baa ɛ ba bala la.

Jeremia 50:28

Nɛra baa chwaa le Babelɔn harɛ dɛ ba Jerusalam la dɛ bol ŋɔ, Korowii baa dɛ tomɔ la dɛ́ ba ba bɔ Babelɔn tena kem, chɔɡa baa chɔɡ Korowii Dea la wa.

Jeremia 50:31

Babelɔn harɛ tena, he ɛ mbarafo, men Korowii, Koranar Bwa Kooro ne he dɔɔ. Dɛkalkɛ he tɔpere telo kɛŋɔ ń tɛr he deŋne.

Jeremia 50:8

N nɛra Israel tena, hé chwa le Babelɔn harɛ ta, he bɛ ɡel nomɛl ba tɔ he sie, hé tɔ sie le kaa.

Jeremia 51:11

Laa sitɔɔla ŋɔ, “Hé sar hɛma nyoo, dɛ́ kpɔ kwaa haa kpɔ tɔ he te ɡbemɡbe laa ta! Korowii di Midia koranar liire, dɛkalkɛ o dɛ nyin ó chɔɡ Babelɔn harɛ. Korowii koh o Dea la wa dɛɛ nyin ó bɔ ba ba wechɔɡa kem.

Jeremia 51:36

Anomanta, Korowii bol Jerusalam tena be ŋɔ, “Hé no, mɛɛ che he habɔɔ dɛ́ yo, dɛ́ bɔ he dɔma Babelɔn tena kem waa baa ɛ heyaa la wa. Mɛɛ tɔ Babelɔn neerare nyuunee, a ɡel ba buli bwa ɡe hweeh.

Jeremia 51:45

N nɛra Israel tena, hé chwa le ba. Hé chwa dɛ́ dɔ he nyu. Hé chwa le men Korowii bandia waa do ɔma la ta.

Jeremia 51:50

Korowii berɔ bol waa o nɛra baa lɔ Babelɔn harɛ ta be ŋɔ, “He nɛra haa chwaa dɛ dɔ he nyu la, hé le warane, he bɛ hɛlɛ. Hé lɔ bojaŋ harɛ ta te, kɛ he lii n wa, dɛɛ lii Jerusalam ɡe wa.”

Jeremia 51:56

Baa bao dɛ́ ba chɔɡ Babelɔn harɛ, dɛ́ lawɛ o laa tena bwa, ásɛ dɛ kuuɡi ba tori. Menee Korowii maa dɛ tɛr wechɔɡ-ɛɛra deŋne. Mɛɛ bɔ Babelɔn tena kemee ɡɛ aa chɛa.

Jeremia 51:9

Asɛ nɛŋhɔɔhra baa soɡe bela ŋɔ, ‘Ya takapɔ ŋɔ ya cha ba, kɛ a kaa mun ta. Hé ɡel ya ɡel ba waa tɛɛ ba, ásɛ bɛlbwa berɛ kaa o harɛ ta. Korowii kpɔ o kpeɡri dɛ tɛr ba deŋne dɛ chɔɡ ba kwaraa.’ ”

Wiile 3:64

N Naa Korowii, tɛr ba deŋne ɡɛ aa chɛa, ba waa baa ɛa la wa.

Nɛra Kura 16:26

O kah nɛra baa cheme bela la ŋɔ, “Hé laa he te kpɔ nɛnchɔɡa nɔ tɛnte deene jwɛh! He bɛ ba komɛlbwa leɡe, ásɛ ba wechɔɡa maah heya, ásɛ he ne ba bwa bɛ pɛ serewe.”

Mmarare 32:25

Laa ɛɛ chole he nɛɛ he serewe fɔɡbaahna, ɔmee kohona chole he deremi. Toli ne bonɔɔna serewe, hale bechale ba taa dɛ ɔr ne banjeni kwara aa kae ba.

Mmarare 32:41

kɛŋɔ mɛɛ sar n tokobi waa dɛ nyɛɡle laanee dɛ́ ba pa bole. Dɛ́ bɔ n dɔma kem, dɛ́ tɛr banɔ la baa hah mɛ deŋne.

Mmarare 32:43

Harɛre nɛra, hé pu Korowii nɛra hɛɡre. Korowii dɛ tɛr nɛra baa dɛ kpoo o nɛra deŋne. O dɛ bɔ ba dɔma kem dɛɛ tɛɛ ba, dɛ kpɔ o nɛra wechɔɡa dɛɛ kɛ ba.”

1 Timoti 5:22

Bɛ totoo kpɔ nɔɔra dawɛ nomɛlbwa nɛɛ dɛ leo ŋɔ ó ɛ Korowii toma, ásɛ dɛ naate ta ba wone kpoŋe tom la bini dɛ ka ɛ wechɔɡa aa, a ba maali. Nyiŋi he te kɛrɛdɛ dɛ bɛ ɡel wedoŋa bɛlbwa maali.

Wepila 16:19

Bwɛjen la peɡri atoro, asɛ harɛ nɔ ta bwɛɛre bwa paɡre. Korowii lii Babelɔnjen tena wechɔɡa la wa, dɛ ɡel ba nyɔ o danana nee a nyoa aa kpeɡa kohona kɛŋɔ seŋkpeɡa la.