Jeremia 51:59 - mzwDBL

⁵⁹ Waa men Jeremia aa kpɔa tɛ Nɛrea bibaa Seraya, baa dɛ yerɛ o nabaa Maaseya laanee teŋa nɔ. Dɛ onee dɛɛ cha Juda Kooro Sedekia ɡɛ saŋ waa di kora bene anaarɛ, asɛ o ne o la Babelɔn harɛ ta.

Jeremia 51:59 ပူးပေါင်းရင်းမြစ်များ

Ɛsra 5:12

Kɛ ya naanar aa ir Korowii Waa Dɛ Di Kora Nyundua bandia nomanta, o kpɔ ba do Kooro Nebukadnesa waa ɛ Babelɔn kooro nɔn ta. Kooro Nebukadnesa chɔɡ o Dea la, dɛ lawɛ nɛra la kaa bojaŋ harɛ Babelɔn.

Jeremia 28:1

A ɡɛ waa aa teŋa nɔ chiɡo ɡɛ saŋ Juda Kooro Sedekia aa di kora bene anaarɛ korobinue te la ta. Belaa Korowii keame bɛl baa dɛ yerɔ Hanania, o mɛɛ sɔne Asuur o le Gebeɔn, o bol waa men Jeremia be Korowii Dea, nɛra la ne sɔfore bwa sie dɛ ŋɔ,

Jeremia 32:12

dɛ kpɔa tɛ Nɛrea bibaa Baruk, o nabaa sɔne Maseeya. Hanamɛl ne danseɛ tena baa jaa dɛ ɛɡre ba nɔɔra la, dɛ Juda tena baa soɡe dembaah bela la bwa la siwi ta.

Jeremia 36:4

Anomanta, men Jeremia yerɛ Nɛrea bibaa Baruk, dɛ kpɔ waa bwa Korowii aa bol n be la tɛo ó chwerɛ. Asɛ Baruk chwerɛ a bwa do tɔn bini.

Jeremia 45:1

Waa Korowii keame Jeremia aa bol Nɛrea bibaa Baruk be, ɡɛ saŋ Juda Kooro Josia bibaa Jehoiakim aa di kora bene anaarɛ ta la, dɛ Baruk dɛ chwerɛ waa Jeremia aa dɛ bol.

Jeremia 52:1

Kooro Sedekia di bene fifraanɛ dɛ beŋkpoŋ dɛ di kora. O soɡe Jerusalam di kora bene fi dɛ beŋkpoŋ. O nya sɔne Hamutal, Jeremia bihaahnee o le Lebna.