Jeremia 51:57 - mzwDBL

⁵⁷ Mɛɛ ɡeloo o koranar ne nomonome, ne wejerema dɛ laa tena, nyɔ sen dɛɛ. Baa chɔ domii baa wola won ir kpa. Men Koranar Bwa Kooro maa ɛ Kooro laanee bola.”

Jeremia 51:57 ပူးပေါင်းရင်းမြစ်များ

Aesaya 37:36

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ, dɛ ba na ɡɛ nɛra la aa serewa chɔ bobɛlbwa.

Aesaya 44:25

Menee ɡela keame nyosonteŋna waa ɛ nyosone, dɛ ɡel voɡra waa ɛ ɡɛnewa, dɛ won beɡre harɛ nɔ ta wejerema wejema, a ɛ wesale.

Aesaya 6:5

Anee n ŋɔ, “Akwe! N na wa. Wechɔɡa ɡboo n nyoa wobol bwa, asɛ n so nɛra wechɔɡa aa lɔ ba nyoo baah ta, dɛ berɛ na Koojen, Nemenɛ Korowii nɔ.”

Jeremia 13:13

Ásɛ he berɛ ŋɔ ba be ŋɔ men Korowii dɛ ba ɡela nɛra baa soɡe harɛ la ta dɛɛ, kɛŋɔ baa nyɔ sen ken. Hale koranar baa ɛ Kooro Devid naanar, ne sɔfore ne n keamere, dɛ banɔ la baa soɡe Jerusalam bwa jao.

Jeremia 25:27

Belaa Korowii ŋɔ n be ŋɔ, “Ŋɔ nɛra la be ŋɔ men Koranar Bwa Kooro, Israel tena aa dɛ tom mɛ la dɛ do ba ŋɔ, bá nyɔ n bandia danana sen la ka tel kɛŋɔ baa dɛɛ dɛ chwɛɛ, ka tel kɛŋɔ baa choɡli baa wola won ir kpa, laa maa kpɔa dɛɛ ba ba nɛɛ la wa.

Jeremia 46:18

N ŋwɛɛrɔ kɛŋɔ men Koranar Bwa Kooro aa lole saŋ bɛlbwa nɔ, menee kooro. Gɛ Tabɔ Bwejen aa jaŋa ɡwaa bwejena bwa asɛ Kaamɛl Bwejen ɡe do jaŋne che mpo nyoa la, ɡɛɛ nɛn waa ba yo heyaa la kpeɡri ɛɛ ba doe.

Jeremia 48:15

Moab harɛ dɛ ba chɔɡa, ásɛ o dɔma lɔ ba tɔ o bwɛɛre ta. Baa kpoo o bonɔndɛɛɡa bwaa, men Koranar Bwa Kooro maa ɛ kooro laanee bola.

Jeremia 50:30

Gɛ nomanta, baa kpoo Babelɔn bonɔɔna fɔɡbaahnaa, ásɛ o laa tena bwa ɡe serewe awola tɔpere. Men Korowiirii bola.

Jeremia 51:39

Ba dɛ nyin kondikwa kohona kɛɛ? Mɛɛ ɛ kondikondɛɛɡaa cheɡ ba, ásɛ ba di dɛ́ nyɔ sen dɛɛ lɛ ba sie, dɛ́ mamɛ dɛɛ moo. Baa iruu ka chɔ baa wola won ir kpa bwa. Men Korowiirii bola.

Ɛsekeɛl 20:33

Men Nemenɛ Korowii, n ŋwɛɛrɔ kɛŋɔ n taa lole nɔ, mɛɛ che n kpeɡri taa dɛ́ ir nɔn tɛr he deŋne n bandia ne,

Neehum 1:10

He sennyɔɔra, nii ɛɛ fuh heyaa kɛŋɔ sɔɔhne aa kaɡre dawii baah ken.

Neehum 3:18

Asiiria koojen, nɛra baa dɛ nyiŋi he harɛ ta kɛ peteɡra la bwa chɔɔɡɔ. He nomonjena bwa serewɔ. He nɛra la bwa peɡrɔ dɛ do bwea dor, nomɛlbwa toole dɛ́ boa ba nyoa.

Malakae 1:14

Nomɛlbwa waa dɔ pedɛɛɡe do o peera bini, dɛ baɡ mɛ nyoa ŋɔ wɛɛ kpɔɔ ba tɛ mɛ, dɛ berɛ kpɔ onɔ la waa di kirihiah ba ɛ saraha tɛ mɛ la, o neɡ mɛ. Nyotaahna lɔ o nɛ. N ɛ koojen, a chɛ kɛ harɛre nɛra bwa ɛɛ ɔm mɛ.”

Wepila 18:9

Harɛ nɔ ta koranar ba ne waa dɛ bɔ jwamane dɛɛ di ba bwara la, baa ba na o chuu kɛ o dɛ fuh la, baa wiu dɛ́ɛ dooɡe lɔŋɔre.