Jeremia 51:45 - mzwDBL

⁴⁵ N nɛra Israel tena, hé chwa le ba. Hé chwa dɛ́ dɔ he nyu. Hé chwa le men Korowii bandia waa do ɔma la ta.

Jeremia 51:45 ပူးပေါင်းရင်းမြစ်များ

Aesaya 48:20

Hé le Babelɔn harɛ ta, hé chwa le o nɛra bini! Hé kpɔ silɛɛ taa bol bobɛlbwa ŋɔ, “Korowii lɛ o bonɔɔna Israel tena.”

Jeremia 50:28

Nɛra baa chwaa le Babelɔn harɛ dɛ ba Jerusalam la dɛ bol ŋɔ, Korowii baa dɛ tomɔ la dɛ́ ba ba bɔ Babelɔn tena kem, chɔɡa baa chɔɡ Korowii Dea la wa.

Jeremia 50:8

N nɛra Israel tena, hé chwa le Babelɔn harɛ ta, he bɛ ɡel nomɛl ba tɔ he sie, hé tɔ sie le kaa.

Jeremia 51:50

Korowii berɔ bol waa o nɛra baa lɔ Babelɔn harɛ ta be ŋɔ, “He nɛra haa chwaa dɛ dɔ he nyu la, hé le warane, he bɛ hɛlɛ. Hé lɔ bojaŋ harɛ ta te, kɛ he lii n wa, dɛɛ lii Jerusalam ɡe wa.”

Jeremia 51:6

Hé chwa le Babelɔn harɛ! Hé chwa lɛ he nyuune! He bɛ Babelɔn tena wechɔɡa waa koh serewe. Saŋ telo kɛ men Korowii bɔ ba kem, mɛɛ tɛr ba deŋnee ɡɛ aa chɛa.

Jeremia 51:9

Asɛ nɛŋhɔɔhra baa soɡe bela ŋɔ, ‘Ya takapɔ ŋɔ ya cha ba, kɛ a kaa mun ta. Hé ɡel ya ɡel ba waa tɛɛ ba, ásɛ bɛlbwa berɛ kaa o harɛ ta. Korowii kpɔ o kpeɡri dɛ tɛr ba deŋne dɛ chɔɡ ba kwaraa.’ ”

Sekaria 2:7

Saayɔn tena, hé chwa le ba Jerusalam, he banɔ la baa lawɛ heyaa laa ta kaa bojaŋ Babelɔn harɛ ta la.

Nɛra Kura 16:26

O kah nɛra baa cheme bela la ŋɔ, “Hé laa he te kpɔ nɛnchɔɡa nɔ tɛnte deene jwɛh! He bɛ ba komɛlbwa leɡe, ásɛ ba wechɔɡa maah heya, ásɛ he ne ba bwa bɛ pɛ serewe.”

We-ɛɛla 2:40

O bol waa kohona dɛ ja ba, dɛ ɡbɛɡbɛ ba ŋɔ, “Fini nɛra wechɔɡa kan ɡa. Hé takapɔ dɛ́ laa he te le nɛnchɔɡa la Korowii aa dɛ ba ba wechɔɡa kpɔe dɛ bɔ ba kem la bini.”

2 Kɔrent 6:17

Anomanta, n bolɔ ŋɔ, ‘Hé le ba bini! Hé pere he te le ba nɛɛ kwara! He bɛ komɛlbwa waa kah doŋa leɡe, ásɛ n lɛ heya,

Wepila 18:4

N berɔ no taa bɛl o le nyundua dɛ ŋɔ, “N nɛra, hé le o be. Maa nyin kɛ he ne o pɛ dɛ́ɛ ɛ wechɔɡa, dɛ́ pɛ na wahala maa dɛ ba ɡela o na la.