Jeremia 51:38 - mzwDBL

³⁸ Babelɔn tena dɛ dooɡe lɔŋɔre dɛɛ ŋoo kɛŋɔ nyujentena ken.

Jeremia 51:38 ပူးပေါင်းရင်းမြစ်များ

2 Samoɛl 17:8

He ɡbabir jemɛ ɡɛ he mɛɛ ne o laa tena aa kpeɡa dɛ won yoi. Ba kpeɡri dɛ do ɔma kɛŋɔ sisire hansɔɔh baa pa o bii kaa ken. He mɛɛ jemɛ yoi waa kɛrɛdɛ, waa sɛh so o ne o laa tena so jwaana beŋkpoŋ ɡba.

Yela 34:10

Lɔr ɛɛ won kpo nyujentena a ɡwɛɡre, kɛ banɔ la baa dɛ no Korowii be la, kondɛɛɡa aa ban paŋɛ.

Yela 58:6

N Naa Korowii, fome n dɔma nyena aa do kɛŋɔ nyujentena nyenkpaahna.

Aesaya 35:9

Nyujentena aa belaa do, kpɔɡ bini olchɔɡe bɛlbwa aa ŋwɛnɛ la taa kpɔ. Nɛra Korowii aa lɛɛ ba la ɡbosoo dɛɛ ba o ta kpɔe.

Aesaya 5:29

Ba ɡbɔɡa do kɛŋɔ nyujentena aa dɛ si. Gɛ nyujente lawɛ ol dɛ́ yon tuuɡu dɛɛ kaa dɛɛ kɔɡre la, ɡɛɛ ba lawɛ n nɛra dɛɛ kaa, dɛɛ ɛ, nomɛlbwa aa wola won lɛɛ ba.

Jeremia 2:15

He dɔma do kɛŋɔ nyujentena dɛɛ si, dɛ ɡel he harɛ berɛ pua hɛŋle ɡbo harɛ. He bwɛɛre fuoh, nɛra chwa le a ta kaa.

Sekaria 11:3

Hé no koranar baa do kɛ peteɡra la wii baa dɛ wi, ba jirima baa dɔa bwa tonɔ. Hé no nyujentena sii aa dɛ si kohona, kɔr o daa aa fara a do o bini Jɔɔdan Moo nyoa bwa chɔɡɔ.

Sitɔɔla 16:20

Delaela yerɔ ŋɔ, “Samsen, Filisti tena la pui!” O ir dom ta dɛ lii kɛŋɔ, “Mɛɛ le busee ɡɛ n fa aa dɛ ɛ la, dɛ́ kpɔ n bokpeɡa lɛ n te.” Dɛ o ta jemɛ kɛ Korowii laa nɔn kpɔ o nɛ.