Jeremia 51:34 - mzwDBL

³⁴ Jerusalam tena ŋɔ, “Babelɔn kooro chɔɡ ya Jerusalam tena dɛ kpoo yaa, o ɡelɔ ya do kɛŋɔ loŋ komɛlbwa aa wola toole o bini ken. O do kɛ harɛkon dɛ lawɛ yaa lile ya ola do o som o tea su, dɛ berɛ uɡe yaa ta.

Jeremia 51:34 ပူးပေါင်းရင်းမြစ်များ

Jeremia 50:17

Israel tena do kɛŋɔ kondɛɛra nyujentena aa chwaa teŋɛ a nɛɛ a peɡre ken. Asiiria koojen do kɛ nyujente dɛ lawɛ Israel tena, asɛ naate waa ka mun paɡre Israel tena hoɡa laanee Babelɔn Kooro Nebukadnesa.”

Jeremia 51:44

Mɛɛ tɛr voɡ Baal waa lɔ Babelɔn deŋnee, dɛ́ ɡel o uɡe komɛlbwa waa dia. Harɛre nɛra aa berɛ dɛɛ tomɔ dɛ́ kpɔ kwaa baa tɛo kpa. Babelɔn danjwɛɛ bwa dɛ́ ba kuuɡa.

Matiu 23:13

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa!

Job Tɔn 20:15

Nɛra kondɔɔh nyubinikpeɡ tena aa lɛa la, Korowii ɛɛ ɡeloo ba uɡe a bwa.

Neehum 2:2

Korowii berɔ dɛɛ ba Jekɔb jirima kpɔe tɛo, kɛŋɔ waa kpɔ Israel tena jirima tɛɛ ba la. A lole kɛŋɔ nɛnchɔɡa chɔɡ ba bwa, harɛ la chɔ pɛɛ, dɛ chɔɡ ɡrepo daa baa kpɔ a nɔna dɛɛ ɛ sen bwa.

Emɔs 8:4

Hé no, he nɛra haa dɛ fiiɡi nyaara dɛɛ chɔɡ nɛŋɡwɛɡra harɛ la ta,

Ɛsekeɛl 36:3

Anomanta, men Nemenɛ Korowii bolɔ ŋɔ harɛre aa bar heyaa cheme aa baa yo heyaa dɛ lɛ Israel harɛre la, ba bwa chɛɡre Israel tena.

Wiile 2:16

He dɔma bwa dɛ mamɛ dɛɛ muɡli he baah. Ba mile nyoo dɛɛ pwee ŋɔ, “Ya wono chɔɡo! Tɔpere yaa dɛ kpa laanee fini!”

Wiile 1:1

Na ɡɛ bwɛjen Jerusalam aa chɔ pɛɛ, dɛ nɛra fa su o ta ɡa! Na ɡɛ waa bera do kɛ luhaah, o waa do sum, dɛ o fa lɛ sɔn harɛre nɛra bini taeh! Bwɛjen o fa aa do kɛ haŋkooro la, o berɛ yom taraken.

Jeremia 51:49

A chɛ kɛ bwɛjen Babelɔn paɡre, kpoora baa kpoo Israel tena dɛ kpoo harɛ nɔ ta nɛra la ɡe wa. Men Korowiirii bola.”

Jeremia 50:7

Nomɛlbwa waa ka puu ba la dɛ́ yoo ba. Ba dɔma yon ŋɔ, ‘Ya ta bolchɔɡe dii, dɛkalkɛ ba ɛ wechɔɡa dɛ jo Korowii waa tɛɛ ba kondikwaa la nɛ, Korowii ba naawa fa aa kpɔ ba hwɛɡa bwa do o nɛɛ kohona la.’

Aesaya 34:11

Kwiu bwa soo siwi, ne ɡaahɡaahre lɛ bela dɔɔh. Korowii ɛɛ ɡeloo harɛ la berɛ dimɡbia waa wola maree dɔ.

Sɛɡla 1:12

ya ka kwaa ba ne ba bokpeɡa sɔh, kɛɛ ya ka do ba ŋwɛnɛ ba kaa lalabwɛ.

Yela 74:13

He cheɡɛ he kpeɡri kohona ta, dɛ ɡel mpo pere, dɛ paɡre mpo bini oljena nyuune.

Hosia 8:8

Israel tena waa tonɔ, ba do kɛŋɔ konsala harɛre nɛra bini.

Aesaya 42:22

Kɛ nɛra nɔ, ba dɔma kah ba kwaa dɛ paa kaa, dɛ laɡ ba do bɔɔne bini dɛ tɔ ba do, dɛ do ba deene ɡe. Ba ɛ nɛra baa lɛ ba kwaa bwa ba be, nomɛlbwa aa wola toole dɛ́ lɛɛ ba.