Jeremia 51:13 - mzwDBL

¹³ Babelɔn tena, he nɛra haa soɡe neerare aa wara nyoo dɛ dɔ kondɔɔh kohona, he serewa telo.

Jeremia 51:13 ပူးပေါင်းရင်းမြစ်များ

Mumpar 6:13

Asɛ Korowii ŋɔ Nowa be ŋɔ, “N dɛ ba nɛra bwa chɔɡa le harɛ nɔ ta. Mɛɛ chɔɡ baa, dɛkalkɛ ba ɡelɔ naɡrenyin we-ɛɛla perɛ harɛ ta bwa. Kasinteŋ, mɛɛ chɔɡ ba ne harɛ bwaa.

Yela 137:1

Ya soɡe Babelɔn harɛ neerare nyoo, belaa ya lii Saayɔn waa dɛ wi.

Aesaya 43:14

Korowii, Israel Nɛŋɡoroŋ waa ɛ he Lɛɛ la ŋɔ, “He lɛɛ nomanta, mɛɛ do laa tena bá ka yo Babelɔn. Mɛɛ kuuɡi bwɛjen la doonyoonee, ásɛ o nɛra silɛɛ berɛ wii.

Aesaya 45:3

Mɛɛ tɛɛ kondɔɔh aa sɔah nɛra aa wola an na, ásɛ he jemɛ kɛŋɔ menee Korowii Israel tena aa dɛ tom mɛ, n yerɛ he sɔn.

Aesaya 57:17

Ba wechɔɡa ne ba sibeɡra waa nomanta, n baah fa di ba nɛɛ taeh, asɛ n tɛr ba deŋne dɛ laa sie kpɔ ba nɛ. Kɛ ane a bwa ba deŋne kpeɡri, dɛɛ ɛ waa ba bambile aa lawa.

Jeremia 17:11

Nɛn waa dɛ nyin suuɡa sibeɡra ne la, o do kɛŋɔ jal waa tee hala aa wola o kwaa ɛɛ. Naate soɡa bini tama la, wɛɛ paŋɛ o kondɔɔh laanee, ásɛ a habɔɔ ó na kɛ o ɛ ɡɛnewa.

Jeremia 50:27

Hé kpoo ba laa tena bwa. Babelɔn tena bwɛɛlɛ! Ba deŋnetɛra tɔpere telo.”

Jeremia 50:31

Babelɔn harɛ tena, he ɛ mbarafo, men Korowii, Koranar Bwa Kooro ne he dɔɔ. Dɛkalkɛ he tɔpere telo kɛŋɔ ń tɛr he deŋne.

Jeremia 50:37

Hé chɔɡ ba jaɡre ne kwaa aa do kɛ torɔɡore la! Hé ka kpoo laa tena baa ba dɛ cha ba la bwa! Hé na ɡɛ baa ɡwɛɡra! Hé chɔɡ deene baa dɛ cheɡ laala a yoɡ aa kpeɡa a bini. Baa paa kɛŋɔ laa ta kwaa kaa.

Jeremia 51:36

Anomanta, Korowii bol Jerusalam tena be ŋɔ, “Hé no, mɛɛ che he habɔɔ dɛ́ yo, dɛ́ bɔ he dɔma Babelɔn tena kem waa baa ɛ heyaa la wa. Mɛɛ tɔ Babelɔn neerare nyuunee, a ɡel ba buli bwa ɡe hweeh.

Wiile 4:18

Ya dɔma dɛ nyiŋi ya vala bwa bini, a ɡel yaa won fɔɡbaahna kwaaraa valɛ. Ya tɔpere telo tonɛ, a ka tamaa ken ya serewe.

Daneɛl 5:26

Mene munii kɛŋɔ, Korowii kure he tɔpera haa di he kora ta, dɛ ba a ne a jaɡa.

Emɔs 8:2

Asɛ o bɔɔ mɛ ŋɔ, “Bɔkwaa hɛɛ na nɔ?” N chaŋe ŋɔ, “N na wɛɡrɛ daa nɔna aa bea do o bini.” Ate, Korowii ŋɔ n be ŋɔ, “N nɛra Israel tena tɔpere telo kɛ n tɛr ba deŋne, maa ba bwaraa kpɔ kɛ ba kpa.

1 Pita 4:7

Wobɛlbwa jaɡa tɔpere la telo. Anomanta, hé nyiŋi kɛrɛdɛ, dɛ́ ɡel he sie chɔ harɛ, ásɛ dɛ won dɛɛ soŋe Korowii kɛrɛdɛ.

2 Pita 2:3

Ba sibeɡra baa dɔa kohona nomanta, baa dɛɛ teŋe nyosonee ŋɔ waa baa chaɡle heya, dɛ́ neɡre heyaa dɛɛ di. Naate waa pa ba bolchɔɡe dɛɛ ba ba deŋne tɛra la, kpɔ o te dɛɛ kpaa ba saŋ bɛlbwa. Waa dom chɔ. Wɛɛ ɛɛ ba posaposa kenii.

Wepila 17:1

Belaa nyundua toroma banuanɛ baa kpoŋe loɡa anuanɛ la bɛl ŋɔ n be ŋɔ, “Ba ń baɡle ɡɛ Korowii aa dɛ ba jwamane te tenten la deŋne tɛra. O soɡe neerare nyoo.

Wepila 17:15

Nyundua torome la ŋɔ n be ŋɔ “Neerare la haa naa kɛŋɔ jwamane te la soɡe a nyoo la cheɡɔ tɛ wobol te bɛlbwa nɛra baa lɔ harɛ nɔ ta bobɛlbwa.

Wepila 18:19

Ba loo ɛɛ kuu, bá ɛ teera ta ba nyuune ta, dɛ́ɛ wiu dɛ́ɛ dooɡe lɔŋɔre, dɛ́ ŋɔ, “Akwe! Akwe! Waa pu bwɛjen kondɔɔh aa su o bwa, dɛ ɡel nɛra baa dɔ stiimaere do mpo ta berɛ dɔɔhna la. O paŋɛ komɛlbwa dɔŋhwere beŋkpoŋ.