Jeremia 51:12 - mzwDBL

¹² Hé ir fraŋkaa ásɛ laa tena jemɛ dɛ́ ba kuuɡi Babelɔn danjwɛɛre. Hé le laa tena la bane ba ba ja dɛɛ daah bwɛɛ la dahare, bane ɡe chɔ baro.” Korowii dɔɔ kpɔ liire ŋɔ wɛɛ chɔɡ Babelɔn tenaa.

Jeremia 51:12 ပူးပေါင်းရင်းမြစ်များ

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Aesaya 11:12

Wɛɛ ir fraŋkaa harɛre nɛra nɔ bwa na, dɛ́ boa Israel tena baa laɡ ba ka so harɛre ta la nyoa, dɛ́ ɡel Juda tena baa peɡra kaa harɛ nɔ ta bobɛlbwa la bwa ba cheme.

Aesaya 13:2

Hé kpɔ laa fraŋkaa ka pa deŋɡare daa aa wola toole o ta, ásɛ dɛ kpɔ takpeɡ ŋɔ laa tena ba, dɛ́ ir nɔɔra baɡ ba bá ka jo nɛnjena bwɛɛ la ta dɛ́ yoo ba.

Jeremia 23:20

Korowii bandia la nyoa aa sɔɔh, ka tel kɛŋɔ waa ɛ o tetoowa tonɛ. Tɔpera ane dɛ ba bala, ásɛ mɔɔ he no waa nɔ mun kɛrɛdɛ.

Jeremia 4:28

Gɛ nomanta, harɛ la ta nɛra ɛɛ wiu ásɛ nyundua bwa bir, dɛkalkɛ menee bola maa nsana le. N dɔɔ kpɔ a liire, maa habɔɔ le.”

Jeremia 50:2

“Bol Babelɔn harɛ waa baɡle harɛre nɛra bwa. Ir fraŋkaa, á baɡle waa aa dɛ ba! Bɛ wobɛlbwa kpɔ sɔh, ŋɔ, ‘Babelɔn dɛ́ ba paɡra. Baa paɡre ba voɡ Maadukuu, ásɛ sihiih kpo Babelɔn harɛ voɡa aa ɛ kii kwaa la bwa.’

Jeremia 50:25

Men Korowii pili dea n dɔmkwa aa lɔ o bini, dɛ pa n bandia dɔmkwaa le, dɛkalkɛ men Koranar Bwa Kooro dɔ toma dɛɛ la ka ɛ Babelɔn harɛ ta.

Jeremia 51:11

Laa sitɔɔla ŋɔ, “Hé sar hɛma nyoo, dɛ́ kpɔ kwaa haa kpɔ tɔ he te ɡbemɡbe laa ta! Korowii di Midia koranar liire, dɛkalkɛ o dɛ nyin ó chɔɡ Babelɔn harɛ. Korowii koh o Dea la wa dɛɛ nyin ó bɔ ba ba wechɔɡa kem.

Jeremia 51:27

Hé ir fraŋkaa harɛ la ta! Hé hoh bɛla ásɛ harɛre nɛra jemɛ! Hé boa harɛre nɛra nyoa ásɛ ba ka yo Babelɔn tena. Bol Ararat ne Mini dɛ Askenas harɛre nɛra be. Le laa sitɔɔ waa tɔ ba sie, dɛ́ kpɔ jaɡre aa wara kɛŋɔ tontombɛ dɛ́ ka yo.

Jeremia 51:29

Harɛ la jiɡro, dɛkalkɛ waa Korowii aa maɡla bil la telo kɛŋɔ Babelɔn harɛ chɔ pɛɛ, ásɛ nomɛlbwa aa won so bela kpa.

Wiile 2:17

Korowii teŋɛ o nyobaɡa ta, dɛ ɛ waa o fa aa vɔrɔwa bil ŋɔ wɛɛ ɛo la. O chɔɡe, o ta he nɛɛ sune, dɛ ɡel he dɔma pɔ he nɛ, dɛɛ di he loro, he chɔɡa la wa.

Joel 3:2

Mɛɛ boa harɛre nɛra nyoa dɛ́ ba bane Jehosafat Fɛlembɔjen bini. Belaa mɛɛ ba ń ba bol ba waa dɛ́ pa bole, waa bwa baa kpɔa ɛ n nɛra Israel tena la, dɛkalkɛ ba lɔ ba peɡre harɛre nɛra bini dɛ bɔne n harɛ.

Neehum 2:1

Niniwe tena, nomɛl dɛ ba ba yo heya. Hé daah he dekpeɡ la! Hé ta sie ŋwɛnɛ ta! Hé che kiŋkiŋ, dɛ́ kpɔ he te ka yo!

Josua 8:14

Bwɛjen Ai kooro aa na Josua laa tena la, kooro ne o bwɛɛ tena la bwa kpɔ ba te dɛ le warane chɔmbibii la ne, dɛ le ka pu Israel tena la yo bobɛl waa lɔ Jɔɔdan Moo Fɛlembɔjen la nyundua. Dɛ o ta jemɛ kɛŋɔ Israel tena sɔɔh chɔ dɛɛ kpa o bwɛɛ la dahare.