Jeremia 50:9 - mzwDBL

⁹ Mɛɛ do harɛre nɛra baa pɛ nyoa dɛ do kpeɡrii le weekaŋle nyunduabɔr, bá bar Babelɔn tena cheme, dɛ́ yoo ba, dɛ́ pɔ ba nɛ. Ba do kɛŋɔ kpaahna baa jemɛ hɛma tae kɛrɛdɛ, baa wola tae dɛɛ kur.

Jeremia 50:9 ပူးပေါင်းရင်းမြစ်များ

2 Samoɛl 1:22

Jonatan ta o hɛma aa, a nyoa wɔrɔbe, Kooro Sɔɔl ɡe kere aa dawɛ dɛɛ kpo banyoola ne o dɔma.

Yelsom 3:8

Ba bwa kpoŋe tokobie, dɛ bwa dɔ yoi wejema kɛrɛdɛ. Bɛlbwa tokobii sɛɡle o baŋ bɛl, dɛɛ kpa wobɛlbwa aa ba jwaana.

Aesaya 21:2

N na waane kɛŋɔ chaahna ken a ɛ lokua kohona. Bane le dɔŋa dɛɛ tɛ, bane ɡee chɔɡ kwaa kohona. Elam tena, hé ka lɔ tɔ ba nɛɛ dɛ́ yoo ba! Midia tena, hé bar ba bwɛjena cheme, dɛ́ tɔ ba do! Korowii ɛɛ ɡeloo wahala Babelɔn aa ba a ne la teŋe.

Aesaya 41:25

N le nomɛl o le weekaŋle nyunduabɔr. Wee leebɔree o so dɛɛ tom mɛ. Wɛɛ tiɡri koranar nɛɛ kɛŋɔ demamaa yon dɛɛ ɡbɛr teera, kɛɛ vimamaa yon dɛɛ charame choh la.

Jeremia 15:14

Mɛɛ ɡeloo he do he dɔma lɔɡa dɛɛ tom ba harɛfale haa wola o ta jemɛ ta, dɛkalkɛ n bandia iro dɛɛ fuh kɛŋɔ nii dɛɛ ba he nɛ.”

Jeremia 25:14

Wɛɛ bɔ Babelɔn tena kemee waa baa ɛa la wa, ásɛ harɛre nɛra ɡalɡa ne koojena ba laɡ ba yoma.”

Jeremia 25:26

dɛ weekaŋle nyunduabɔr koranar baa lɔ bojaŋa ne ambori bwa ta, ásɛ harɛre nɛra bwa teŋɛ dɔŋa nɛɛ dɛɛ nyɔ. Ba bwa habɔɔ la, mɔɔ Babelɔn kooro ɡe ba nyɔ danana nee la.

Jeremia 50:14

Nɛra haa jemɛ hɛma tae bwa, hé kpɔ he te dɛ́ ka bar bwɛjen Babelɔn cheme. Hé ta nɛra baa lɔ o bini hɛma, he bɛ ɡel ane ka, dɛkalkɛ ba ɛ wechɔɡa dɛ jo men Korowii nɛ.

Jeremia 50:21

Hé ir dɛ́ yo Merataim ne Pɛkɔd tena. Hé ti ba, ásɛ dɛ kpoo ba, dɛ́ chɔɡ ba kwaraa. Hé ɛ ɡɛ maa do heyaa bwa. Men Korowiirii bola.

Jeremia 50:26

Hé le bojaŋa dɛ́ ba yo Babelɔn tena, dɛ́ paɡre deene baa dɛ cheɡ mea a bini, dɛ́ boa a nyoa a daŋɛ, dɛ́ chɔɡa kwaraa he bɛ komɛlbwa ɡel.

Jeremia 50:29

“Hé yerɛ nɛra baa jemɛ hɛma tae bwa bá ba yo Babelɔn tena. Hé bar bwɛjen la cheme, he bɛ ɡel bɛlbwa dɔ bɔr chwa le. Hé bɔ ba kem ɡɛ ba we-ɛɛla aa doa, ɡɛ baa kpɔa ɛ ba bala la, dɛkalkɛ ba vɛh men Korowii, Israel Nɛŋɡoroŋ la.

Jeremia 50:3

Harɛ bɛl nɛra ɛɛ le weekaŋle nyunduabɔree, dɛ́ ba yo Babelɔn harɛ tena, ásɛ harɛ la bwa chɔ pɛɛ. Nomɛlbwa aa kae ba dɛ́ so o ta, nɛra ne kondɛɛra bwa dɛ́ ba chwae.”

Jeremia 51:11

Laa sitɔɔla ŋɔ, “Hé sar hɛma nyoo, dɛ́ kpɔ kwaa haa kpɔ tɔ he te ɡbemɡbe laa ta! Korowii di Midia koranar liire, dɛkalkɛ o dɛ nyin ó chɔɡ Babelɔn harɛ. Korowii koh o Dea la wa dɛɛ nyin ó bɔ ba ba wechɔɡa kem.