Jeremia 50:5 - mzwDBL

⁵ Baa bɔɔ Saayɔn ŋwɛnɛ waa, dɛ́ kpɔ sie chaɡɛ bela kaa. Baa kpɔ ba tenee ba pɛl men Korowii, ásɛ n ne ba fɔwɛ fɔo waa do le saŋ bɛlbwa dɛɛ la, baa wola o waa soh bwa.

Jeremia 50:5 ပူးပေါင်းရင်းမြစ်များ

Mumpar 17:7

Mɛɛ ɡeloo n fɔo la do n ne hen ne he naanar baah saŋ bɛlbwa dɛɛ la, ásɛ n ɛ he ne he naanar baa ka ba la bwa Korowii haa dɛɛ tom mɛ.

2 Samoɛl 23:5

Gɛɛ Korowii ɛɛ ba n naanar andɛɛɡa sweera, dɛkalkɛ n ne o fɔwɛ fɔo waa do le saŋ bɛlbwa dɛɛ la, fɔo waa wola chɔɡ bwa, nyobaɡa waa wola charɛ. Waa bwa maa dɛ nyin laanee la, Korowiirii dɛ́ ɡel a bwa ɛ ɡɛ dɛ́ tɛ mɛ.

1 Koranar 19:10

O chaŋe ŋɔ, “Korowii Haa Ɛ Koranar Bwa Kooro, he ɡboo mɛɛ tomɛ saŋ bɛlbwa, kɛ Israel tena chɔɡ he ne ba fɔo la, dɛ paɡre kwaa baa ɛ saraha a ta dɛɛ tɛɛ la, dɛ berɛ kpoo he keamere bwa tokobie ne. N ɡboo kaa baa nyin n ɡe dɛ́ kpo.”

1 Koranar 19:14

Anee o chaŋe ŋɔ, “Korowii waa ɛ Koranar Bwa Kooro, he ɡboo mɛɛ tomɛ saŋ bɛlbwa, kɛ Israel tena chɔɡ he ne ba fɔo la, dɛ paɡre kwaa baa ɛ saraha a ta dɛɛ tɛɛ la, dɛ berɛ kpoo he keamere bwa tokobie ne. N ɡboo kaa, baa nyin n ɡe dɛ́ kpo.”

Yela 84:7

Ba dɔ bokpeɡa saŋ bɛlbwa dɛɛ la, ka tel kɛ baa na Korowii o kpeɡri aa ɡwaa voɡa bwa, Saayɔn Bwejen doa la.

Aesaya 35:8

Ŋwɛnɛjen ɛɛ chɔ belaa baa yerɔ “Ŋwɛnɛɡoroŋ Waa Dɛ Kaa Korowii be.” Wechɔɡ-ɛɛra aa o taa kpɔ, ó chɔ tɛ nɛra baa teŋɛ Korowii waa la ta, hale ɡɛna kwara aa o taa kpɔ.

Aesaya 55:3

Hé cheɡ deŋne, dɛ́ ba n be, hé no n be, ásɛ dɛ dɔ mkpa. N ne hɛɛ fɔwɛ fɔwee o do le saŋ bɛlbwa dɛɛ la, ɡɛ maa baɡɛ Devid nyoa ŋɔ, mɛɛ dɛɛ nyin o waa kasinteŋ nee la.

Jeremia 3:18

A ɡɛ saŋ la, Juda tena ɛɛ ba ja Israel tena nɛɛ, bá bwa le bojaŋ harɛ baa laɡ ba laa ta kaa weekaŋle nyunduabɔr ta, bá kaa harɛ maa kpɔa tɛ he naawa la ta, ó ɛ he kon.”

Jeremia 31:21

Hé kpɔ kwaa paaɡe á ɛ nso ŋwɛnɛ la ta, á baɡle heya ŋwɛnɛ haa kpɔ o ta kaa. Israel tena, hé berɛ ba, hé berɛ ba bwɛɛre haa le a ta kaa la ta.

Jeremia 31:6

Tɔpere bɛl dɛ ba, ásɛ nɛra baa dɛ daah Efrem harɛ lɔŋɔre ɛɛ le deŋɡarere dor dɛɛ ŋɔ, ‘He ba ya kaa Saayɔn Bwejen waa lɔ Jerusalam la doa, Korowii yaa dɛ tomɔ la be.’ ”

Jeremia 32:40

N ne baa fɔwɛ fɔwee ó chɔ le saŋ bɛlbwa dɛɛ la. Maa wedɛɛɡa maa ɛɛ ba ɡel bwa, mɛɛ kpɔ n ɔmaa do ba bini, ásɛ ba bɛ habɔɔ berɛ kpo mɛ kpa.

Jeremia 6:16

Korowii ŋɔ o nɛra be ŋɔ, “Hé ka che ŋwɛnɛ chɛchɛre ta dɛɛ nyiŋi. Hé bɔɔ ŋwɛnɛbena wa, dɛ́ jemɛ ŋwɛnɛ waa wera dɛɛ kpɔ o ta, dɛ́ so deŋnesɔɔhna ta. Anee he ŋɔ, ‘Akai, yaa o taa kpɔ.’

Ɛsekeɛl 16:61

He baa lii waa he fa aa lɔ a ta la aa, sihiih ɛɛ kpoe. Maa kpɔ he nimanar ne he nahaahnanar ba tɛɛ bá do kɛ bihaahna tɛɛ la, ate ta fɔo n ne haa fɔwa la ta jae.

Ɛsekeɛl 37:22

Mɛɛ lɔ baa pɛ bá ɛ harɛ beŋkpoŋ nɛra, dɛ́ so Israel bwejena dor. Kooro beŋkpoŋ ɛɛ nyiŋi ba nɛ, ásɛ ba bini aa pere dɛ́ ɛ harɛ anɛ nɛra kpa.

Hosia 1:11

Juda ne Israel tena ɛɛ berɔ pɛ, ásɛ dɛ le nɛmbeŋkpoŋ ó ɛ ba sitɔɔ. Ba harɛ la ɛɛ do werii ba dɔ ba te, awola ɛɛ ɛ tɔpejenii tɛ Jesreel tena.

Hosia 3:5

Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

Hosia 6:1

Israel tena berɔ ŋɔ, “Hé ɡel ya berɛ kaa Korowii be. Onee toɡri ya ola, wɛɛ berɔ chah yaa. O do yaa bola, kɛ wɛɛ vɔrɔwe ya ŋwɛraa.

Amanesoma Jɔn Aa Chwera Tɔn 7:17

Dɛ nomɛlbwa sɛoh kɛ wɛɛ ɛ Korowii tetoowaa te naa, wɛɛ won jemɛ kɛŋɔ kasinteŋ waa aa le Korowii bee mɛɛ bol la. N ɡbaɡba webaɡla laa.

We-ɛɛla 11:23

Waa la bela dɛ ka na ɡɛ Korowii aa nyin ba dɛɛ cha ba la, o sie lɛo. Anomanta, o ja ba dɛ do ba ɡbemba ŋɔ báa teŋɛ Yeesu ŋwɛnɛ ta ba bambile bwa ne.

2 Kɔrent 8:5

Ba ɛ waa dɛ ɡwaa ɡɛ ya te fe aa dɛ lii. Ba tɔ sie kpɔ ba te do N Naa Korowii nɔn ta, mɔɔ dɛ kpɔ ba te do ya ɡe nɔn ta ɡɛ Korowii aa dɛ nyin.