Jeremia 50:46 - mzwDBL

⁴⁶ Babelɔn harɛ baa paɡre tonaa, harɛ ɛɛ jiɡruu, ásɛ harɛre nɛra ɛɛ no Babelɔn tena lɔŋɔre.”

Jeremia 50:46 ပူးပေါင်းရင်းမြစ်များ

Jeremia 49:21

Edom harɛ baa paɡre tonaa, harɛ ɛɛ jiɡruu ásɛ harɛre nɛra ɛɛ no Edom tena lɔŋɔre, hale dɛ ka le Mposwɛm ta.

Ɛsekeɛl 31:16

Maa teŋo ta o sewɛ kaa lalabwɛɛ la, n ɡelɔ ɔmee chole harɛre nɛra nɛ, o sii waa sia la wa. Daa aa lɔ Eden bodɛɛɡe, ne dadɛɛɡa aa wera, dɛ do bela nee aa lole kohona Lɛbanɔn harɛ ta, dɛ sewɛ kaa la, o seo la tɛa bolarawa.

Ɛsekeɛl 26:18

Awola bwɛɛ la aa paɡra la, nɛra baa soɡe mpo nyoa ne ekwie ta la ɔmɔ, ba bwara yɔr a wa.’ ”

Ɛsekeɛl 32:10

Mɛɛ ɡeloo harɛre ta nɛra bwara yɔr he wa maa ba tɛr n kere le ba nɛɛ dɛ́ kpɔ aah ba la, ɔmee ɛɛ chole ba koranar nɛɛ. He chɔɡa tɔpere wee la, bɛlbwa ɛɛ ɔmɔɔ o bwara ɛɛ sa, a do kɛŋɔ o dɛ ba sewa.’ ”

Aesaya 5:7

Koranar Bwa Kooroo dɔ daa koo la, asɛ koo la che tɛ Israel tena. Daa la cheɡɔɔ tɛ Juda tena, banee daa waa chɔɔra o sie lɛ a ta la. O fe dɛ nyin kɛ baa ɛ waa aa wera, asɛ ba berɛ dɛɛ kpoo nɛra. Dɛ o dɛ nyin kɛ baa ɛ wedɛɛɡa ɡe, kɛ nɛra baa dɛ fiɡ ba wii wɛɛ no.

Aesaya 15:5

N bambile dɛ wee mɛ Moab tena wa. Nɛra baa soɡe harɛ la ta chwao kaa Soar, hale dɛ ka tel Eɡlat Sɛleseya. Bane teehnɔ kaa Luhit, baa dɛ kaa la bwa, dɛ ba ne wii. Bane chwao kpɔ Horonaim ŋwɛnɛ dɛɛ wi ba chɔɡa wa.

Jeremia 10:10

Kɛ hen N Naa Korowii, he waa dɔ kasinteŋ, henee kooro haa lole saŋ bɛlbwa. He baah diu waa, harɛ bwa dɛ chel, harɛre nɛra aa won che he bandia nyoa.

Jeremia 46:12

Harɛre nɛra bwa ɛɛ no he sihiih haa dia waa, bɛlbwa no he wii haa dɛ wi bobɛlbwa. Laa tena ɛɛ lɔ naa dɛ́ laa dɔŋa, dɛ́ bwa choɡli.”

Jeremia 51:29

Harɛ la jiɡro, dɛkalkɛ waa Korowii aa maɡla bil la telo kɛŋɔ Babelɔn harɛ chɔ pɛɛ, ásɛ nomɛlbwa aa won so bela kpa.

Jeremia 51:54

Korowii berɔ ŋɔ, “Hé no lɔŋɔre aa dɛ le Babelɔn harɛ, o nɛra dɛ wi harɛ la chɔɡa wa.

Ɛsekeɛl 27:28

Mpo nyoa harɛ ɛɛ jiɡruu, nɛra baa dɛ nyiŋi stiimae la ta aa dɛɛ wi la.

Jeremia 49:19

Gɛ nyujente yon le Jɔɔdan Moo kɔr bini ba kaa harɛdɛɛɡe ta ka di la, ɡɛɛ men Korowii ɛɛ ba Edom tena doŋa le ba harɛ ta. Ásɛ nomoa maa leo la tɔ ba sie dɛɛ nyiŋi ba nɛ. Umee bá won kpɔ maɡ mɛ nɔ? Nomɛlbwa aa won tɔŋle mɛ. Kooro besoo dɛ́ won che n sie nɔ?