Jeremia 50:42 - mzwDBL

⁴² Ba kpoŋe tori ne lampeare, ba nyu bini kpeɡri baa wola nɛn nɛɛ sune. Ba soɡe jaɡre ta a nakpale ɛɛ si kɛŋɔ mpo nehɛma aa dɛ ta ken. Ba kpɔ ba te dɛɛ ba ba yo Babelɔn tena.

Jeremia 50:42 ပူးပေါင်းရင်းမြစ်များ

Yela 46:6

Korowii kpɔ ɔmee ba ta harɛre nɛra nɛ, o kɔrɔ kɛŋɔ bwaala, asɛ harɛ mwɛɛ.

Yela 74:20

Lii fɔo ya ne haa fɔwa la wa. Nɛra sɔɔh dɛɛ ɛ naɡrenyin we-ɛɛla biro bini, harɛ nɔ ta bwa.

Aesaya 14:6

Banee kpɔ bwaawee dɛ do nɛra ba ta ba lɔɔra ɡelɛ bwa, harɛre nɛra baa pɔ ba nɛɛ la, ba ta ba fiiɡa ɡelɛ bwa.

Aesaya 47:1

Korowii ŋɔ, “Babelɔn, bwɛjen baa wola yoi dɛ pɔ he nɛ, he do kɛŋɔ bitolo waa wola baa jemɛ. Tu he kookara ta, dɛ́ ba so harɛ. Taraken baa hen ɡbɛɡbɛ kpa, he berɛ yom.

Aesaya 47:6

N baah fa di n nɛra Israel tena nɛ, n tɛr ba deŋne kɛŋɔ n nɛra laa ban ken, dɛ kpɔ ba do hen Babelɔn nɔn ta. He ta ba nɛɛ sune, hale banɔ la baa hwɛɛhra kwaraa la, he do ba hɔhɔrɔwa.

Aesaya 5:28

Ba hɛma nyɛɡre, ba harɛ ba tori dɛɛ ba tae. Jaɡre baa soɡe a ta la nafikokore kpeɡri kɛŋɔ kwɛrboɔ ken. Kwaa aa do kɛŋɔ torɔɡore nakpale dɛ kile kohona kɛŋɔ kawulewule ken.

Aesaya 5:30

Gɛ tɔpere la telaa, baa do ɡbɔɡaa, dɛ́ ba jo Israel harɛ bwa kɛŋɔ mpo yon dɛɛ si la ken. Dɛ he nyiŋi harɛ la aa, hɛɛ nao kɛŋɔ bɔr biro ásɛ sibeɡra chole nomɛlbwa nɛ, ásɛ biro tɔ bochaah ta.

Jeremia 30:14

He daamanar bwa soh he wa, bɛlbwa toole dɛɛ nyiŋi heyaa kɛrɛdɛ kpa. N baa yo heya kɛ he dɔm, dɛ tɛr he deŋne kohona, dɛkalkɛ he wechɔɡa ne he nyubinikpeɡ kan kɛrɛdɛ.

Jeremia 47:3

Baa dɛɛ no jaɡre aa dɛ chwa nakpale sii, ne kwaa aa do kɛ torɔɡore kɔbare sii. Mɛɛnanar aa ke nyiŋi ba bii dɛ́ cha ba, dɛkalkɛ ɔmee chole ba nɛɛ kohona, baa wola won ɛ wobɛlbwa.

Jeremia 50:14

Nɛra haa jemɛ hɛma tae bwa, hé kpɔ he te dɛ́ ka bar bwɛjen Babelɔn cheme. Hé ta nɛra baa lɔ o bini hɛma, he bɛ ɡel ane ka, dɛkalkɛ ba ɛ wechɔɡa dɛ jo men Korowii nɛ.

Jeremia 50:9

Mɛɛ do harɛre nɛra baa pɛ nyoa dɛ do kpeɡrii le weekaŋle nyunduabɔr, bá bar Babelɔn tena cheme, dɛ́ yoo ba, dɛ́ pɔ ba nɛ. Ba do kɛŋɔ kpaahna baa jemɛ hɛma tae kɛrɛdɛ, baa wola tae dɛɛ kur.

Jeremia 51:27

Hé ir fraŋkaa harɛ la ta! Hé hoh bɛla ásɛ harɛre nɛra jemɛ! Hé boa harɛre nɛra nyoa ásɛ ba ka yo Babelɔn tena. Bol Ararat ne Mini dɛ Askenas harɛre nɛra be. Le laa sitɔɔ waa tɔ ba sie, dɛ́ kpɔ jaɡre aa wara kɛŋɔ tontombɛ dɛ́ ka yo.

Jeremia 8:16

Ya dɛ no ya dɔma jaɡre hweera aa nyoa aa kpeɡa, dɛ le bwɛjen Dan ta. Jaɡ-bala sii kpɔ ɔmee kohona ba ta harɛ la nɛra bwa nɛ baa chel. Ba balɔ dɛ́ ba chɔɡ ya harɛ ne komɛlbwa waa lɔ o ta, ne bwɛjen la dɛ nɛra baa lɔ o ta bwa.”

Ɛsekeɛl 26:3

Anomanta, Nemenɛ Korowii ŋɔ, ‘Taaya tena, n ne he dɔɔ. Mɛɛ ɡeloo harɛre nɛra wur bá tɔ he nɛɛ kɛŋɔ mpo nehɛma ken dɛ́ yo heya.’

Joel 2:5

A ɡbɔɡa do kɛŋɔ torɔɡore sii ken, dɛ ɡah dɛɛ ɡale bwejena, a kena ɛɛ si kɛŋɔ nii aa dɛ fuh kpɔɡ ɛɛ parame la. A do kɛŋɔ laa tena baa kpeɡa kohona, dɛ kpɔ ba te dɛɛ la ka yo laa ken.

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.

Wepila 16:6

dɛkalkɛŋɔ ba fa ɡelɔ he nɛra ne he keamere chal fuɡe. Anomanta, he tɛɛ ba chal ba nyɔ. Gɛɛ ba chɛ.”