Jeremia 50:2 - mzwDBL

² “Bol Babelɔn harɛ waa baɡle harɛre nɛra bwa. Ir fraŋkaa, á baɡle waa aa dɛ ba! Bɛ wobɛlbwa kpɔ sɔh, ŋɔ, ‘Babelɔn dɛ́ ba paɡra. Baa paɡre ba voɡ Maadukuu, ásɛ sihiih kpo Babelɔn harɛ voɡa aa ɛ kii kwaa la bwa.’

Jeremia 50:2 ပူးပေါင်းရင်းမြစ်များ

Yela 64:9

Nɛwɛnyina bwa ɛɛ ɔmɔɔ, dɛ́ na waa Korowii aa ɛa, dɛ́ kpɔ do ba liire bini.

Yela 96:3

Hé bol o jirima waa baɡle harɛre nɛra, dɛ́ bol o nyokpowe-ɛɛla waa baɡle nɛra bwa.

Yela 97:7

Sihiih kpo nɛra baa dɛ tomɛ voɡa bwa, nɛra baa kpɔ voɡare dɛɛ maŋkura ba te, ne voɡa bwa dɛ ɡuŋi Korowii sie.

Aesaya 12:4

Awola tɔpere la, hɛɛ ɡo yelee ŋɔ, “Hé yerɛ Korowii sɔn, hé jaamo. Hé ɡel harɛre nɛra bwa jemɛ ɡɛ waa ɛa, ásɛ dɛ berɛ baɡ ba ɡɛ o sɔn aa kana.

Aesaya 13:2

Hé kpɔ laa fraŋkaa ka pa deŋɡare daa aa wola toole o ta, ásɛ dɛ kpɔ takpeɡ ŋɔ laa tena ba, dɛ́ ir nɔɔra baɡ ba bá ka jo nɛnjena bwɛɛ la ta dɛ́ yoo ba.

Aesaya 21:9

Na, baa bɛl waa cheɡɛ kon waa do kɛ torɔɡo bini ne jaɡre dɛ ba. Asɛ nɛn waa dɛ daah la ŋɔ, “Bwɛjen Babelɔn paɡrɔ! O paɡrɔ! Voɡare aa lɔ o ta bwa, ba paɡre a bwa burbur ken bil harɛ.”

Aesaya 37:19

Ba pa ba voɡare do nii ta a fuh, dɛkalkɛ a ɛ daa ne bwea nɛn aa sɛah.

Aesaya 39:1

A ɡɛ saŋ dɛ Babelɔn harɛ ta kooro bɛl sɔne Mɛrɔdak Baladan, o mɛɛ sɔne Kooro Baladan. Kooro Mɛrɔdak Baladan aa no Kooro Hɛsɛkea weela waa la, o chwerɛ tɔne dɛ kpɔ koŋkɛɛla ja tomɛ ŋɔ, bá kpɔ ka tɛo.

Aesaya 46:1

Korowii ŋɔ, “Babelɔn tena voɡa Bel ne Nɛbo baa dɛ toma la di sihiih, ba paa dawɛ keeɡore ta a ɛ bontɔɡa a chea dɛɛ koh.

Aesaya 48:20

Hé le Babelɔn harɛ ta, hé chwa le o nɛra bini! Hé kpɔ silɛɛ taa bol bobɛlbwa ŋɔ, “Korowii lɛ o bonɔɔna Israel tena.”

Aesaya 48:6

He no waa n fa aa bola baɡle heyaa asɛ a ɛ ɡɛ. A chɛ kɛŋɔ hé sɛh kɛŋɔ a ɛ kpela. Le fini dɛɛ kaa mɛɛ bol wefala aa sɔah maa wola he be bolɛ la he bee.

Jeremia 10:11

Korowii berɔ ŋɔ, “Ŋɔ ba be ŋɔ voɡare aa wola wone ta nyundua ne harɛ nɔ la, a dɛ ba chɔɡa le harɛ nɔ ta kwaraa.”

Jeremia 10:15

A waa ta tɔnɔ bɛlbwa dɔe, dɛ ɛ kwaa a wa aa dɔ wesoma. A chɔɡa saŋ telo Korowii ba naa, wɛɛ chɔɡ a bwaa.

Jeremia 31:10

Korowii ŋɔ, “Harɛre nɛra, hé no, hɛ́ɛ bol n waa la mpo nyoa bojaŋ harɛre ta. N lɔ n nɛra Israel tena peɡre, kɛ mɛɛ berɔ boa ba nyoa, ásɛ dɛ nyiŋi ba nɛɛ kɛŋɔ peteɡre aa dɛ nyiŋi peera la ken.

Jeremia 4:16

Taa la ŋɔ, “Ŋɔ ɡɛ waa nɔ harɛre nɛra be, dɛ́ bola Jerusalam ɡe be ŋɔ, ‘Laa tena baa wara le bojaŋ harɛ ta dɛɛ ba, dɛɛ dooɡe laa lɔŋɔre dɛ́ ba yo Juda harɛ bwɛjena.

Jeremia 4:6

Hé ir fraŋkaa chaɡɛ Saayɔn. He bɛ hɛlɛ, hé chwa dɛ́ lɛ he nyu. N kpɔ wenaale le weekaŋle nyunduabɔr dɛɛ ba, chɔɡa tenten nee mɛɛ ba he nɛ.”

Jeremia 46:14

“Bol waa nɔ Ijipt bwɛjen Miɡdol ne Mɛmfes, dɛ Tapanes nɛra be ŋɔ, ‘Hé nyin bɔra che dɛɛ kpa, dɛkalkɛ Babelɔn laa tena dɛ ba ba chɔɡ harɛre nɛra baa bar heyaa cheme.’

Jeremia 50:46

Babelɔn harɛ baa paɡre tonaa, harɛ ɛɛ jiɡruu, ásɛ harɛre nɛra ɛɛ no Babelɔn tena lɔŋɔre.”

Jeremia 51:12

Hé ir fraŋkaa ásɛ laa tena jemɛ dɛ́ ba kuuɡi Babelɔn danjwɛɛre. Hé le laa tena la bane ba ba ja dɛɛ daah bwɛɛ la dahare, bane ɡe chɔ baro.” Korowii dɔɔ kpɔ liire ŋɔ wɛɛ chɔɡ Babelɔn tenaa.

Jeremia 51:27

Hé ir fraŋkaa harɛ la ta! Hé hoh bɛla ásɛ harɛre nɛra jemɛ! Hé boa harɛre nɛra nyoa ásɛ ba ka yo Babelɔn tena. Bol Ararat ne Mini dɛ Askenas harɛre nɛra be. Le laa sitɔɔ waa tɔ ba sie, dɛ́ kpɔ jaɡre aa wara kɛŋɔ tontombɛ dɛ́ ka yo.

Jeremia 51:31

Nae toroma na teŋɛ dɛ kaa bol Babelɔn kooro be ŋɔ, ba kuuɡi o bwɛjen la danjwɛjen dɛ jo o bini.

Jeremia 51:44

Mɛɛ tɛr voɡ Baal waa lɔ Babelɔn deŋnee, dɛ́ ɡel o uɡe komɛlbwa waa dia. Harɛre nɛra aa berɛ dɛɛ tomɔ dɛ́ kpɔ kwaa baa tɛo kpa. Babelɔn danjwɛɛ bwa dɛ́ ba kuuɡa.

Jeremia 51:47

Anomanta, saŋ bɛl dɛ ba, ásɛ n chɔɡ voɡa aa lɔ Babelɔn harɛ ta. Sihiih ɛɛ kpo harɛ la nɛra bwaa, ásɛ ba kpoo ba ba serewe chɔ o ta.

Jeremia 51:52

Kɛ Korowii ŋɔ, “Tɔpera ane dɛ ba bala ásɛ n chɔɡ Babelɔn harɛ voɡa, ásɛ nɛra baa do ba bola bwa ɛɛ pɛmɛ harɛ la ta.

Jeremia 51:8

Babelɔn ɛɛ piɡru paɡre dɛ́ chɔɡ. Hé wi dɛɛ tɛ o nɛra! Hé nyin noo aa ɛ tɛɛɡa do ba ŋwɛra ta, a ken ɛɛ ɡeloo bá dɔ bokpeɡa.

Jeremia 52:31

Baa lawɛ Juda Kooro Jehoiachin laa ta kaa Babelɔn harɛ bene fifraatoro dɛ anuanɛ la, ɡɛ saŋee Babelɔn Kooro Evil Mɛrɔdak di kora. O tɛ ŋwɛnɛ dɛ ɡel ba le Kooro Jehoiachin dea korobie fi dɛ anɛ, tɔpera fifraanɛ dɛ anue ta.

Jeremia 6:18

Anomanta, harɛre nɛra, hé no, ásɛ dɛ hweli waa aa dɛ ba n nɛra nɛɛ chiɡa.

Daneɛl 1:2

Korowii ɡelɔ o pɔ Juda Kooro Jehoiakim nɛ, dɛ pa laala baa kpɔa cheɡ Korowii Dea la ane kaa Babelɔn harɛ ka cheɡ o voɡ dea bini, bela baa dɛ cheɡ laala a yoɡ aa kpeɡa.

Daneɛl 3:14

Anee Kooro Nebukadnesa bɔɔ ba ŋɔ, “A ɛ kpela kɛŋɔ he vɛh n voɡa la ne suuɡaswɛm voɡ maa cheɡo la toma aa?

Sefania 2:11

Korowii ɛɛ ɡeloo ɔmee kohona chole ba nɛ, dɛ́ chɔɡ ba voɡare aa lɔ harɛ la ta bwa. Ásɛ harɛ bɛlbwa ta nɛra ɛɛ tomɔ, bɛlbwa ɛɛ dɛɛ tomɔɔ o ɡbaɡba harɛ taa.

Wepila 18:2

O nyɛɡɔ kohona ŋɔ, “O paɡrɔ oo, o paɡrɔ! Babelɔnjen la paɡrɔ, dɛ berɛ kwaa aa dɛ ir nɛra nɛɛ ne Bɔnsam kwaa te bɛlbwa ne jumbisale baa kia la dobɔr,