Jeremia 50:19 - mzwDBL

¹⁹ Kɛ mɛɛ berɔɔ lawɛ Israel tena ba ba harɛ ta, ásɛ ba baa di kondikwaa aa lɔ Kaamɛl Bwejen ne Basan harɛ ta. Baa di kondikwaa ɡɛ bwa baa dɛ nyin Efrem ne Gelead deŋɡarere ta.

Jeremia 50:19 ပူးပေါင်းရင်းမြစ်များ

Maeka 7:14

Ya Naa Korowii, nyiŋi he nɛra nɛɛ kɛŋɔ peteɡre aa dɛ nyiŋi peera, nɛra haa lee ba tɛ he te la. Ya do kɛ peera aa pere a te, dɛ ka do kpɔɡbaah dɛɛ di. Gel he nɛra ka do harɛpare ondɛɛɡe kɛŋɔ Basan ne Gelead ta, dɛɛ di kɛ saŋ la.

Jeremia 31:6

Tɔpere bɛl dɛ ba, ásɛ nɛra baa dɛ daah Efrem harɛ lɔŋɔre ɛɛ le deŋɡarere dor dɛɛ ŋɔ, ‘He ba ya kaa Saayɔn Bwejen waa lɔ Jerusalam la doa, Korowii yaa dɛ tomɔ la be.’ ”

Maeka 7:18

N Naa Korowii yaa dɛ tomɛ, nomɛlbwa ta do kɛŋɔ hen, he kpɔ he nɛra baa kaa wechɔɡa dɛɛ kɛ ba, he nɛra baa ɛ he kapɛrɛ nɛra la. He baah diu waa, aa biɡri, he sie dɛ lɛ kɛ hɛɛ na ya sum.

Ɛsekeɛl 38:8

Bene ane habɔɔ la, mɛɛ ɡeloo o nyin dɔmkwa, dɛ́ ka bar Israel harɛ ba fa aa yoo o chɔ pɛɛ la. O nɛraa ba boa ba nyoa le harɛre ta, ba ba so deŋnesɔɔhna ta la.

Ɛsekeɛl 36:33

Nemenɛ Korowii ŋɔ, “Awola maa ba laa he doŋa bwa kpɔ he nɛɛ la, mɛɛ berɔ ɡel he ba so he bwɛɛre la ta, dɛ́ berɛ kwaa vɔrɔwe anɔ la aa ɛ dimɡbeeni la bwa.

Ɛsekeɛl 36:24

Mɛɛ lawɛ heyaa dɛ́ boa he nyoa le harɛre la ta, dɛ́ ba he ne he ɡbaɡba harɛ ta.

Ɛsekeɛl 11:17

Berɛ ŋɔ ba be ŋɔ, ‘Men Nemenɛ Korowii ɛɛ boa ba nyoa le harɛre maa lɔ ba peɡre a ta la taa, dɛ́ berɛ kpɔ Israel harɛ la tɛɛ ba ja.’

Jeremia 32:37

‘N dɛ ba nɛra maa cheɡɛ n bandia kohona ta dɛ lɔ ba peɡre harɛre bwa ta la nyoa boara, mɛɛ berɔ ba ba bwa ne bonɔ, dɛ́ ɡel ba so deŋnesɔɔhna ta.

Jeremia 31:25

Mɛɛ ɡeloo nɛra ba bambile aa chɔɡa la dɔ bokpeɡfala, ásɛ dɛ tɛ nomɛlbwa lɔr aa kpoo o ɡwɛɡre kondikwaa o di.”

Jeremia 31:14

Mɛɛ ɡeloo sɔfore di kondikondɛɛɡaa, ásɛ n nɛra bwa ɡe dɔ ba kwaa baa dɛ nyin. Men Korowiirii bola.”

Jeremia 30:18

Korowii ŋɔ, “Mɛɛ berɔ lawɛ n nɛra ba ba harɛ ta, dɛ́ dɔ tedoma tɛ bɛlbwa ne o lolanar. Baa berɔ kwaa ma Jerusalam, dɛ́ kwaa o koodem la cheɡ o buɡ ta.

Jeremia 30:10

Anomanta, n nɛra, he bɛ ɔmɛ, Israel tena, he bɛ ɡel he bambile chɔɡ. Mɛɛ lɛ heyaa le bojaŋ harɛre taa ba, he naanar baa laɡ ba kaa bojaŋ harɛfale ta la. Ásɛ he berɛ dɔ deŋnesɔɔhna ne bosɔɔhna, nomɛlbwa aa heyaa aah kpa.

Jeremia 23:3

N ɡbabir ɛɛ boa ba bwa nyoa, dɛ́ le harɛre maa lɔ ba peɡre a ta la ta, dɛ́ berɛ teɡ ba ba harɛ baa dɔ kpɔɡa dɛɛ chwe ta. Baa loɡle biirii warɛ, ásɛ dɛ ya kohona.

Jeremia 3:18

A ɡɛ saŋ la, Juda tena ɛɛ ba ja Israel tena nɛɛ, bá bwa le bojaŋ harɛ baa laɡ ba laa ta kaa weekaŋle nyunduabɔr ta, bá kaa harɛ maa kpɔa tɛ he naawa la ta, ó ɛ he kon.”

Aesaya 35:2

Aa feo kohona, silɛɛ ne moola ba bela kɛrɛdɛ. Aa do werii kɛŋɔ Lɛbanɔn bwejena, ásɛ harɛ la do wer ne para, kɛŋɔ Kaamɛl ne Sarɔn harɛre ken. Anɔɔ dɛ́ baɡle ɡɛ Korowii yaa dɛ tomɔ we-ɛɛla aa wera, dɛ dɔ jirima kohona, o kpeɡri ɡe do kan.

Aesaya 33:9

Harɛ la chɔɡɔ, o chɔɔ pɛɛ. Sihiih kpo Lɛbanɔn kɔne, a daa serewe. Sarɔn fɛlembɔdɛɛɡe berɛ pua hɛŋle ɡbo harɛ, Basan harɛ ne Kaamɛl Bwejen ta, daa papooni dɛ chure.

Yelsom 6:5

Laa sie kpɔ n nɛ, ásɛ ba bɛ men lawɛ. He nyumpona biro kɛŋɔ bombiŋere aa teŋɛ dɔŋa nɛɛ tu le Gelead deŋɡarere ta dɛɛ ba.

Josua 17:15

Anee Josua chaŋe ŋɔ, “Dɛ he warɔ asɛ Efrem deŋɡarere harɛ la aa kanɛ tɛ heya aa, hé kaa Pɛrɛs ne Refa tena kɔne la bini, dɛ́ ka parɛ bela dɛ́ so.”

Nɛra Kura 32:1

Rubin ne Gad dea tena kondɛɛra warɔ taeh. Ba nao kɛ Jasa ne Gelead harɛre wer ne kwaa dɛɛra.

Jeremia 30:7

Tɔpechɔɡe bɛl dɛ ba, baa won kpɔ tɔpere bɛlbwa maɡɔ. Wɛɛ ɛ suna dii tɔperee tɛ Jekɔb naanar, kɛ ane a bwa, baa le a nyoaa.”

Jeremia 46:27

“N nɛra Israel tena, he bɛ ɔmɛ, he bɛ ɡel he bambile chɔɡ. Mɛɛ lɛ heyaa le bojaŋ harɛre taa ba, he naanar baa laɡ ba kaa bojaŋ harɛfala ta bwa. Ásɛ he berɛ dɔ deŋnesɔɔhna ne bosɔɔhna, nomɛlbwa aa wola won aah heyaa kpa.

Jeremia 50:6

N nɛra do kɛŋɔ peera a teɡra aa ɡela a nyoɡre ken, dɛ ɡel a do bwejena dor dɛɛ ɡaaɡe. A lɔ bwejena ne deŋɡarere ta dɛɛ ɡaaɡe, dɛ soh bela aa dɛ chɔ wa.

Ɛsekeɛl 47:18

O wee leebɔr jwɛh la ɛɛ chɔɔ le Hauran ne bwɛjen Damaskɔs baah ta, dɛ́ kpɔ Jɔɔdan Moo nyoa, Gelead ne Israel harɛ baah ta, dɛ́ kpoŋe kaa Yar Mpo ta, dɛ́ kaa bwɛɛ bɛl baa dɛ yerɔ Taama. Onɔ ɡee wee leebɔr jwɛh la.

Sekaria 10:10

Mɛɛ berɔɔ le ba ne Ijipt harɛ taa ba, dɛ́ boa ba nyoa le Asiiria harɛ ta. Mɛɛ kpɔ baa ba Gelead ne Lɛbanɔn harɛre ta, ásɛ ba warɛ harɛre la ta baa wola a taa jo.

Nɛra Kura 32:4

Korowii aa sɔɔh a nɛra kpeɡri nyoa dɛ lɛ tɛ ya Israel tena la wer ne kwaa dɛɛra, he bonɔɔna ɡe, ya dɔ kondɛɛra.

Ɛsra 2:1

Nɛra Babelɔn Koojen Nebukadnesa aa laɡ ba laa ta kaa bojaŋ harɛ Babelɔn, asɛ ba berɛ won ba Jerusalam ne Juda harɛ ta, dɛ ba so ba bwɛɛre ta laanee teŋa nɔ,