Jeremia 50:13 - mzwDBL

¹³ N bandia nomanta, nomɛlbwa aa Babelɔn harɛ ta soɡa ba, wɛɛ berɛ dimɡbiaa, ásɛ nɛra baa teŋa baa kaa na, ba bambile teŋe ba nyoa kpo.

Jeremia 50:13 ပူးပေါင်းရင်းမြစ်များ

Job Tɔn 27:23

Peu lɔ kpaŋa ta ba nɛɛ kɛ nɛn, ba wechɔɡa wa, o nyoa ɛɛ si dɛ taɡ ba le ba deremi.”

Jeremia 18:16

Ba harɛ ɛɛ berɛ dimɡbiaa, dɛ́ berɛ waa nɛra aa na dɛɛ mamɛ tɔpere bɛlbwa, ásɛ nɛra baa teŋa baa kaa bwa nyoa kpo dɛɛ viiɡi nyuune.

Jeremia 19:8

Chɔɡa kohona waa do kenii mɛɛ ba kpɔe ba ta bwɛjen nɔ ta, ásɛ o berɛ kon nɛra baa teŋa baa kaa na, dɛ́ ɔmɛ ba nyoa kpo, o nɛra bola baa do ba wa.

Jeremia 25:12

Kɛ bene fifraanuanɛ la baa kaa laa, wɛɛ tɛr Babelɔn kooro ne o harɛ nɛra deŋnee ba wechɔɡa la wa, ásɛ dɛ chɔɡ harɛ la o berɛ dimɡbia saŋ bɛlbwa dɛɛ la.

Jeremia 34:22

Mɛɛ do baa ásɛ ba berɛ ba bwɛjen nɔ ta. Baa ba yo nɛra baa lɔ o taa dɛ́ laɡ ba, ásɛ dɛ fuh o bwa. Mɛɛ ɡeloo Juda harɛ bwɛɛre do kɛŋɔ pua hɛŋle ɡbo harɛ ta ken, nomɛlbwa aa won so a ta. Men Korowiirii bola.’ ”

Jeremia 49:17

Edom harɛ dɛ ba kon waa do ɔma bera, ásɛ nɛra baa teŋa baa kaa na, dɛ́ ɔmɛ ba nyoa kpo, o nɛra bola baa do ba wa.

Jeremia 50:3

Harɛ bɛl nɛra ɛɛ le weekaŋle nyunduabɔree, dɛ́ ba yo Babelɔn harɛ tena, ásɛ harɛ la bwa chɔ pɛɛ. Nomɛlbwa aa kae ba dɛ́ so o ta, nɛra ne kondɛɛra bwa dɛ́ ba chwae.”

Jeremia 51:26

He bwe bɛlbwa aa werii do bá kpɔ ma dea, kɛɛ dɛ́ kpɔ pa dea mun kpa, dɛkalkɛ he dɛ ba doe kɛŋɔ pua hɛŋle ɡbo harɛ saŋ bɛlbwa dɛɛ la. Men Korowiirii bola.

Jeremia 51:29

Harɛ la jiɡro, dɛkalkɛ waa Korowii aa maɡla bil la telo kɛŋɔ Babelɔn harɛ chɔ pɛɛ, ásɛ nomɛlbwa aa won so bela kpa.

Jeremia 51:37

Babelɔn dɛ ba paɡra dɛ́ berɛ dimɡbia ne kalampoŋare sobɔr, dɛ́ berɛ kon nɛra aa na ba bambile teŋe baa mamɔ, nomɛlbwa aa won so bela.

Jeremia 51:62

Dɛ berɛ ŋɔ, ‘N Naa Korowii, he fa bolɔ ŋɔ hɛɛ chɔɡ bonɔɔ, ásɛ nɛra kɛɛ kondɛɛra aa wola won so o ta, ó berɛ dimɡbia saŋ bɛlbwa dɛɛ la.’

Ɛsekeɛl 27:36

Bonadiire baa lɔ harɛre ta dɛ chweere, he paɡrɔ aa wola were, he waa tonɛ kwaraa.”

Sefania 2:15

Gɛɛ bwɛjen o nɛra aa dɛ lii kɛ ba soɡe deŋnesɔɔhna ta, wobɛlbwa aa ban ha la ɛɛ ba nae. Ba yon ŋɔ, “Ya bwɛjen ɛ bwɛjen tenten, bwɛɛ bɛlbwa toole o habɔɔ kpa.” Hé na chɔɡa waa chɔɡa, ásɛ kpɔɡ bini ola kpɔ bela berɛ a chɔɔbɔra. Nɛra báa teŋe baa kaa bwa ɛɛ mamɔɔ dɛɛ for nɔɔra.

Sekaria 1:15

kɛ n baah di harɛre a nɛra aa dɛ lii kɛŋɔ ba soɡe deŋnesɔɔhna ta la nɛɛ kohona. Dɛ n fe dɛ na n nɛra sum, kɛ ɡɛ harɛre la nɛra ɡelɔ n nɛra wahala ɡwaa kohona.

Mmarare 29:22

He bii ne he naanar baa ka ba ne hɔɔhra baa le bojaŋa ɛɛ na weela ne ɡɛ Korowii aa chɔɡ he harɛ nɔɔ.