Jeremia 5:28 - mzwDBL

²⁸ Baa di kondɛɛɡa vaɡɛ dɛ je nomanta, ba wechɔɡa ta jaɡa dɔe. Baa bilalbii waa bolɛ dɛɛ tɛɛ ba, baa kasinteŋ bol dɛɛ cha nyaara ɡe.

Jeremia 5:28 ပူးပေါင်းရင်းမြစ်များ

Job Tɔn 12:6

Kɛ ŋwɛɛra ne nɛra baa wola Korowii tomɛ soɡe deŋnesɔɔhna ta, kwaa baa dɛ tomɛ la taa ba kpeɡri do.

Yela 119:70

Ba nyu bini kpeɡri, ba tea aa nɛn nɛɛ domɛ, kɛ he Mmarare la taa mɛɛ dɔ silɛɛ.

Yela 72:4

Gel kooro bol nyaara waa dɛɛ tɛɛ ba aŋwɛnɛ ta, dɛɛ cha ba bii, dɛ́ pɔ nɛra baa dɛ fiɡ ba la nɛ.

Yela 73:12

Gɛɛ nyubinikpeɡ tena waa do, wobɛlbwa aa ban ha, ba dɔ kondɔɔh saŋ bɛlbwa dɛɛ ja.

Yela 73:4

Baa bonyɛɡa bɛlbwa na, ba bwara kpeɡri kɛrɛdɛ.

Sɛɡla 15:25

Nɛn waa dɛ ɛ mbarafo la, Korowii dɛ chɔɡ o dem, dɛ kpɔ nɔn dɛɛ tɔ luhaahna kwaa ta.

Aesaya 1:23

He nomonome kpaŋe n nɛ, dɛ berɛ ka kpɔ ŋwɛɛra ɛ ba chamene tena. Ba dɛ nyin kɛ nɛra ɛɛ yaɡ ba sen, dɛ berɛ dɛɛ teŋɛ koŋkɛɛla ɡbo ta. Baa bilalbii waa bolɛ dɛɛ tɛɛ ba kɛrɛdɛ, ɡɛɛ baa wola sie do luhaahna waa ta.

Jeremia 12:1

Jeremia ŋɔ, “N Naa Korowii, saŋ bɛlbwa maa kpɔ n waa bil he sie la, he konee dɛɛ do som. Mɛɛ bol he waa bola dɛ́ pa bole aŋwɛnɛ ta waa. Ɛrɛɛ nyubinikpeɡ tena wobɛlbwa yon dɛɛ chiɡ ba kɛrɛdɛ nɔɔ? Ɛrɛɛ nɛnchɔɡa ɛɛ dɔ bosɔɔhna nɔɔ?

Jeremia 2:33

He dɔ sɛnanar nyina wejema taeh! Hale hanjwamanere ɛɛ won hweli le he be.

Jeremia 22:3

Hɛ́ɛ ɛ waa aa wera dɛ toɡre. Hé lɛ nɛn baa dɛ fiiɡu, dɛ́ lɛ o laala le o nomoa nɔn ta. He bɛ naɡra kɛɛ wechɔɡa kpɔ ba nɛŋhɔɔhra ne bilalbii, kɛɛ luhaahna nɛ, he bɛ nɛn waa wola wechɔɡa ɛɛ kpo harɛ nɔ ta.

Jeremia 7:6

Hé ɡel hɔɔhra ne bilalbii dɛ luhaahna fiiɡa. Hé ɡel nɛra baa wola wechɔɡa bɛlbwa ɛɛ dɛ so he bini la kpoora, dɛ́ ɡel voɡare ɡe toma, a ɡɛ ɛɛ won chɔɡ heya.

Emɔs 4:1

Hé no, haahna haa lɔ Samaria dɛ do bwara kɛ nae aa lɔ Basan harɛ ta, he dɛ fiiɡi nyaara ne nɛŋɡwɛɡra, dɛɛ ŋɔ he jaranar be ŋɔ, “Hé kpɔ sen baa tɛ yaa.”

Sekaria 7:10

He bɛ luhaahna kɛɛ bilalbii kɛɛ nɛŋhɔɔhra kɛɛ nyaara dɛɛ fiiɡi. He bɛ dɔŋa liichɔɡa dɔ.

1 Kɔrent 5:1

N dɛ no kɛ he bini bane dɛ bɔ jwamane aa wola were, hale nɛra baa wola Korowii tomɛ kwara aa wola ɡɛɛ ɛ. Ba ŋɔ he bini bɛl lawɛ o mɛɛ haah kwaraa dɛɛ chɔ.

Mmarare 32:15

Israel tena, he kpeɡo dɛ je, kɛ dɛ berɛ ɛ deŋnekpeɡ tena. He bare, dɛ do tɔɡre he bwara do wer. He berɛ habɔɔ kpo Korowii waa ta heya, dɛ vɛh he Lɛɛ waa do kɛ Bwetal dɛɛ tɛ heyaa mkpa la.