Jeremia 5:27 - mzwDBL

²⁷ Gɛ kpaah yon pa jumbii su ɡbɛr bini la, ɡɛɛ ba pa laala baa cheɡɛ ŋwɛnɛchɔɡa ta su ba deene. Anee ɡela ba dɔ suuɡa dɛɛ di kpeɡri.

Jeremia 5:27 ပူးပေါင်းရင်းမြစ်များ

Job Tɔn 12:6

Kɛ ŋwɛɛra ne nɛra baa wola Korowii tomɛ soɡe deŋnesɔɔhna ta, kwaa baa dɛ tomɛ la taa ba kpeɡri do.

Aesaya 3:14

Korowii dɛ ba o nɛra nomonome ne ba sitɔɔla waa bola dɛ́ pa bole. O ŋɔ, “Heyaa he n daa koo. Heyaa pa nyaara kwaa le ba be kɛŋɔ laa ta kwa, dɛ kpɔ su he be deene.

Jeremia 12:1

Jeremia ŋɔ, “N Naa Korowii, saŋ bɛlbwa maa kpɔ n waa bil he sie la, he konee dɛɛ do som. Mɛɛ bol he waa bola dɛ́ pa bole aŋwɛnɛ ta waa. Ɛrɛɛ nyubinikpeɡ tena wobɛlbwa yon dɛɛ chiɡ ba kɛrɛdɛ nɔɔ? Ɛrɛɛ nɛnchɔɡa ɛɛ dɔ bosɔɔhna nɔɔ?

Jeremia 8:5

Bɔkwa waa bala nɛra nɔ berɛ habɔɔ kpo mɛ nɔɔ? Ɛrɛɛ saŋ bɛlbwa Jerusalam tena ɛɛ le habɔɔ nɔɔ? Ba sie ta dɛ lɛ waa aa ɛ nyosone ta, baa nyin kɛ bá berɛ ba n be.

Jeremia 9:6

Jeremia, nyosonteŋna binii he so, ba nyosone teŋa nomanta, ba vɛɛh mɛ kɛ menee Korowii baa dɛ tom mɛ. Men Korowiirii bola.”

Hosia 12:9

Menee Korowii haa dɛ tom mɛ n lawɛ heyaa le Ijipt harɛ ta la. Mɛɛ berɔɔ ɡel he so tɛnte deene bini ja, kɛŋɔ ɡɛ saŋ he fa aa soɡe a bini tɔpejena dii maa lea cheɡ ta la.

Maeka 1:12

Marɔt tena, he lɔ bonyɛɡa ta, dɛɛ kpa kɛŋɔ he dɔ bosɔɔhna, dɛkalkɛŋɔ Korowii kpɔ chɔɡa ba ta he nɛ, hale a tel bwɛjen Jerusalam doonyojen tonɛ.

Sefania 1:9

A ɡɛ tɔpere la, mɛɛ tɛr nɛra baa dɛ tomɛ voɡa deŋnee, ne banɔ la baa kpoo nɛra, dɛ ŋwɛ ba laala dɛ pa ka su ba voɡ baa dɛ tomɔ dea la ɡe deŋnee.

Wepila 18:2

O nyɛɡɔ kohona ŋɔ, “O paɡrɔ oo, o paɡrɔ! Babelɔnjen la paɡrɔ, dɛ berɛ kwaa aa dɛ ir nɛra nɛɛ ne Bɔnsam kwaa te bɛlbwa ne jumbisale baa kia la dobɔr,