Jeremia 5:24 - mzwDBL

²⁴ He ta liire dɔe ŋwɛnɛ bɛlbwa ta kɛŋɔ he kpɔ duure tɛ mɛ. Menee ɡela bwaala loɡla ne yoo bwaala ɛɛ nɛ, he kondikwaare ɛɛ do wer, hɛɛ koma bena bɛlbwa.

Jeremia 5:24 ပူးပေါင်းရင်းမြစ်များ

Mumpar 8:22

Korowii berɔ ŋɔ, “Harɛ ta aa lole nɔ, ɡɛɛ kwaa dui ne a koma ne bɔwɔb ne waa saŋ ɛɛ ba le doe, ɡɛɛ bwaala ne lɔmɔɡa saŋ, ne webaŋa ne jwaana bwa ɛɛ ba le doe.”

1 Koranar 17:1

Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”

Job Tɔn 29:23

Ba dɛ kpaa mɛ kɛŋɔ nɛra yon dɛɛ kpa bwaala la, kɛŋɔ paara aa dɛ kpa yoo saŋ bwaala ken.

Job Tɔn 38:37

Umee dɔ wejema kohona dɛ́ won kure baama ɔ? Umee ɡela aa nɛ bwaala ɔ?

Job Tɔn 5:10

O ɡelɔ bwaala ɛɛ nɛ harɛ ta, dɛ ɡel wɛɛ tel kpɔɡbaah bwa.

Yela 147:8

Onee kpɔ baama tɔ nyundua bwa, dɛ ɡel bwaala ɛɛ nɛ harɛ ta, kpɔɡa ɡe ɛɛ moɡɛ deŋɡarere ta.

Yela 65:9

He dɛ dawɛ ya wa, dɛ ɡel bwaala ɛɛ nɛ harɛ nɔ ta, o do wer dɛɛ ɛ konduula kohona. He ɡelɔ nenabɔɔne bwa suuɡi, nɛra dɔ kondikwaa dɛɛ di. Gɛ haa ɛa laanee teŋa nɔ,

Aesaya 64:7

Nomɛlbwa toole dɛɛ soŋe, nomɛlbwa aa nyin kɛŋɔ he chao. He kpɔ he te sɔh yaa, dɛ koh ya wechɔɡa waa dɛ ta yaa.

Jeremia 10:13

O bol wa aa, bwaala dɛ nɛ dɛɛ kɔɡre nyundujaɡla, o ɡelɔ baama aa dɛ nɛ bwaala ir dɛɛ le harɛ jaɡa. O ɡelɔ bwaala ɛɛ nɛ dɛɛ nyɛɡle, asɛ dɛ ɡel peu ta le bela waa lole.

Jeremia 14:22

Harɛre voɡare aa wola tɔnɔ bɛlbwa dɔe ɛɛ won ɡel bwaala nɛ aa? Nyundua ɡe ɡbo ɛɛ won ɡel bwaala wir aa? Akai, hen Korowii yaa dɛ tomɛ ɡbosoroo dɛ won ɛ. Ya hwɛɡa bwa lɔ he nɛ, dɛkalkɛ he ɡboo wona dɛɛ ɛ ɡɛ waa nɔ bwa.”

Jeremia 2:19

Hé ɡbabir nyubinikpeɡii dɛ́ ɡel he dɔ deŋnetɛra. Vɛɛh haa vɛɛh mɛ la ɡe ɡel he di bolchɔɡe. He ɡbabir nyiŋi dɛ́ na ɡɛ haa ɛ wechɔɡa he tea bini chɔɡ, ɡɛ saŋ haa vɛh men Korowii haa dɛ tom mɛ, haa wola men ɔmɛ la wa. Men Korowii, Koranar Bwa Kooroo bola.

Jeremia 3:3

A waa bwaala teŋe, dɛ ɡel nɛɛ. Kɛ he nya sihiih jwamane ta, haa sɛh ŋɔ sihiih kpo heya.

Jeremia 5:22

Menee Korowii, amɔ haa men ɔmaa? A ta chɛ kɛ hɛɛ chel n sie naa? Menee ɡela hɛŋle ɛ mpo jwɛh, o do le saŋ bɛlbwa mpo aa wola won su ɡale. Nehɛma ɛɛ won ta ɡɛ bɛlbwa, kɛɛ dɛɛ si kohona, kɛ aa won ɡale kaa hɛŋle baŋ.

Jeremia 50:5

Baa bɔɔ Saayɔn ŋwɛnɛ waa, dɛ́ kpɔ sie chaɡɛ bela kaa. Baa kpɔ ba tenee ba pɛl men Korowii, ásɛ n ne ba fɔwɛ fɔo waa do le saŋ bɛlbwa dɛɛ la, baa wola o waa soh bwa.

Hosia 3:5

Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

Hosia 6:1

Israel tena berɔ ŋɔ, “Hé ɡel ya berɛ kaa Korowii be. Onee toɡri ya ola, wɛɛ berɔ chah yaa. O do yaa bola, kɛ wɛɛ vɔrɔwe ya ŋwɛraa.

Joel 2:23

Saayɔn tena, hé ɡel he sie lɛ, hɛɛ hɛɡre Korowii haa dɛ tomɛ nɛ yoo bwaala ne bwaala loɡla waa tɛ heya kɛrɛdɛ wa. O ɡelɔ bwaala nɛ heyaa kohona.

Emɔs 4:7

Menee ɡela bwaala ɡel nɛɛ, ɡɛ saŋ aa ka korobie atoro he komɛ koo koŋkwaare. N ɡelɔ bwaala nɛ bwɛɛ beŋkpoŋ ta, dɛ ɡel o ta bɛl te ta nɛɛ. O nɛ koo bɛl ta, bɛl ta bwaala dɔe, harɛ hol.

Sekaria 10:1

Hé soŋe Korowii o fel nɛ bwaala. Korowiirii dɛɛ ɛ baama aa nɛ bwaala. Onee ɡela bwaala nɛ dɛɛ tɛ nɛwɛnyina, koo kwaa ɛɛ do wer dɛɛ tɛ nomɛlbwa.

Matiu 5:45

ásɛ nɛra jemɛ kɛ he ɛ he Mɛɛ waa lɔ nyundua la bii, dɛkalkɛ o te ɡelɔ wee lɔ dɛɛ tɛ wechɔɡ-ɛɛra ne nɛndɛɛɡa bwa, dɛ nɛ bwaala ɡe dɛɛ tɛ nɛndɛɛɡa ne wechɔɡ-ɛɛra bwa.

We-ɛɛla 14:17

Kɛ dɛ o cheɡɛ wedɛɛɡa waa dɛ ɛ la ta, dɛ ɡel he jemɛ kɛ o lole. Dɛ o dɛ tɛ heyaa bwaala ne, dɛ ɡel kondikwaa ɡee ɛ, asɛ he di dɛɛ vaɡɛ he bwara ɛɛ sɔɔh heya.”

Mmarare 28:12

Wɛɛ pili nyundua dɛ́ nɛ bwaala saŋ waa wera ta, dɛ́ kpɔ cha he toma ásɛ he dɔ dɛ́ kpɔ ane cha harɛre ane ɡe, he te aa wola ba bee la ka kemɛ bwa.

Jems 5:7

Kɛ yabala, hé lawɛ bambile, dɛ́ ka tel ɡɛ saŋ ya Dɔɔ la aa ba. Hé na ɡɛ paa yon so kpa bwaala loɡla á nɛ ó du o kwa, dɛ́ lawɛ bambile, ásɛ yoo ɡe yo mɔɔ o koo kwaa la yon ɛ la.

Wepila 11:6

Ba dɔ kpeɡri dɛ́ lawɛ bwaala o ɡel nɛɛ ɡɛ saŋ baa dɛɛ bol Korowii Waa la bwa, dɛ́ berɛ won ɡel nee berɛ chal. Ba dɔ kpeɡri kɛ bá kpɔ harɛchɔɡ waa bɛlbwa ta harɛ nɔ ta saŋ bɛlbwa baa dɛ nyin.