Jeremia 49:7 - mzwDBL

⁷ Gɛ Koranar Bwa Kooro aa dɛ bol Edom tena wa laanee nɔ. “Wejerema toole Teman waa lɔ Edom harɛ ta kpa aa? Nɛra toole dɛ́ won ja nɛra kpa kɛɛ? Ba wejema bwa ɛ pɛɛpɛɛ aa?

Jeremia 49:7 ပူးပေါင်းရင်းမြစ်များ

Mumpar 25:30

Belaa o ŋɔ Jekɔb be ŋɔ, “Ɛ warane dɛ́ tɛ mɛ he kondikonswɛɛma nɔ ane. Dɛkalkɛ lɔr dɛ kpo mɛ taeh. Anomanta, ba kpɔɔ dɛɛ yerɛ Edom. O munii kɛŋɔ konswɛm.”

Mumpar 27:41

Gɛ Jekɔb aa neɡre o mɛɛ o soŋe andɛɛɡa tɛo la, Esɔ haoh. O lii o nyu bini ŋɔ, “Aa biɡri bɛlbwa n mɛɛ sewɛ. Ba baa ɛ o lwe tonaa, ásɛ n kpo Jekɔb.”

Mumpar 32:3

Belaa Jekɔb tomɛ toroma ŋɔ bá tɔ o sie dɛ́ kaa o dɔɔ Esɔ be. Dɛ Esɔ soɡe harɛ bɛl baa dɛ yerɛ bela Edom.

Mumpar 36:11

Elifas bibaala waa lol ba laanee, Teman ne Omar ne Sefo ne Gatam dɛ Kenas.

Mumpar 36:15

Gɛ nɛra nɔ aa teŋa nɔ ɛ koranar Esɔ naanar bini. Esɔ biloɡle Elifas bibaala waa lol ba laanee, Teman ne Omar ne Sefo dɛ Kenas,

Mumpar 36:34

Kooro Jobab ɡe aa baa sewɛ la, Husam waa le Teman harɛ taa baa di kora.

Mumpar 36:8

Asɛ Esɔ ka so Edom harɛ ta deŋɡarere ta.

1 Webena 1:53

ne Kenas ne Teman dɛ Mibsar,

Job Tɔn 2:11

Dɛ Job dɔ daamanar batoro bane. Bɛlee Teman te Elifas, ne Bildad waa le Su harɛ ta, dɛ Sofar o ɡe aa le Naama harɛ ta. Ba no wahala waa dɛ na la, dɛ ka cheme, dɛ bwa sɛh kɛŋɔ baa lao, dɛ́ ka bwɛɛlo.

Job Tɔn 4:1

Belaa Teman te Elifas ŋɔ Job be ŋɔ,

Yela 137:7

N Naa Korowii, lii waa Edom tena aa ɛa awola Babelɔn tena aa pɔ Jerusalam tena nɛɛ la. Ba do lɔŋɔre ŋɔ, “Hé kuuɡu, ó bwa chɔ harɛ.”

Aesaya 21:11

Waa aa chiɡ Edom harɛ ta Korowii bol baɡle Aesaya chaahna ta laanee nɔ. Nomɛl lɔ Edom dɛ pɛɛ ŋɔ, “Nɛn haa dɛ daah, aa biɡruu mɔɔ bɔr chaah naa?”

Aesaya 29:14

Anomanta, mɛɛ ba nyokpowaa nee ba ta ba nɛɛ ja, ba bwara yɔr. Aa ɡeloo wejerema ɡɛn, ásɛ nɛra baa jemɛ waa bini waa ɛ pɛɛpɛɛ.”

Jeremia 12:14

Anomanta, Korowii ŋɔ, “Harɛre nɛra ba nyu bini aa kpeɡa, ba so bar harɛ maa kpɔa tɛ n nɛra Israel tena ba ba chɔɡo la, mɛɛ le ba ne ba harɛre taa, kɛŋɔ ba yon fuɡri dua la ken, dɛ́ lɛ Juda tena le ba bini.

Jeremia 18:18

Asɛ nɛra la bane ŋɔ, “Hé ba ya vɔrɔwe Jeremia vɔrɔwa, dɛkalkɛ sɔfore waa baa dɛ bol la ɛɛ do lee, wejerema ɡe webaɡla aa tonɛ, ɡɛɛ Korowii keamere ɡe waa la ɛɛ ba cheɡa. Anomanta, hé ɡel ya nyin waane dawɛ o nɛ, dɛ́ ɡel waa waa dɛ bol la noe.”

Jeremia 25:21

ne Edom ne Moab dɛ Amɔn harɛre ta,

Jeremia 25:23

ne Dedan ne Tema ne Bus, dɛ banɔ la baa lɔ bojaŋ harɛre ta bwa,

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 49:20

Anomanta, hé no Edom tena vɔrɔwa men Korowii aa dɛ vɔrɔwe wa, ne ɡɛ maa dɛ nyin n ɛ bwɛjen Teman tena. Hale ba bii bwa, baa laɡ ba laa taa kaa, ásɛ ɔmee ne bambiteŋa chole ba nɛ.

Jeremia 8:9

Sihiih ɛɛ kpo wejerema la bwaa, baa wiluu á do kɛŋɔ bel aa laɡ ba. Baa vɛh n waa la nomanta, ba ta wejema bɛlbwa dɔe kpa.

Wiile 4:21

Edom ne Us tena, hé hɛɡre dɛ́ ɡel he sie lɛ. He ɡe chɔɡa dɛ ba, hɛɛ yɛɛɡoo mumɡbal ne, ásɛ sihiih kpo heya.

Ɛsekeɛl 32:29

Edom tena ne ba koranar ne ba nomonjena bwa chɔ bela. Dɛ ba laa tena fa kpeɡri taeh, kɛ ane a bwa, ba ɡarɔ kpoo ba laa ta. Ba chɔ nɛra ba fa aa wola men Korowii tomɛ la baah ta lalabwɛ.

Daneɛl 11:41

Wɛɛ ba Israel Harɛdɛɛɡe la taa, harɛre ta nɛra ɛɛ serewoo, kɛ Edom ne Moab harɛre ta nɛra dɛ Amɔn harɛ ta nomonome te ɛɛ le a nyoaa.

Joel 3:19

Ijipt harɛ dɛ ba pɛɛ chɔe, ásɛ Edom harɛ berɛ pua hɛŋle ɡbo harɛ, yoi baa kaa yo Juda harɛ ta tena, dɛ kpoo nɛra baa wola wechɔɡa ɛɛ la wa.

Habakuk 3:3

N Naa Korowii, he le Teman harɛ ta ba. He ɛ Korowii Haa Do Goroŋ dɛ le Paran Bwejen ta. He jirima tɔ nyundua, asɛ nɛra bwa ɛɛ kpɛɛre harɛ nɔ ta.

Mmarare 23:7

He bɛ nɛra baa dɛ yer ba Edom tena hah, he lolanaree dɔŋa. Gɛɛ Ijipt tena ɡe, he bɛ ba ɡe hah, he fa soɡe ba harɛ ta kɛ hɔɔhra ka.