Jeremia 49:37 - mzwDBL

³⁷ Mɛɛ kpoo Elam tenaa ba dɔma baa dɛ nyin ba dɛ́ kpoo sie. Mɛɛ kpɔ n bandia kohonaa ba ta ba nɛ, dɛ́ ɡel laa tena ti ba ka tel kɛŋɔ ba bwa aa serewa. Men Korowiirii bola.

Jeremia 49:37 ပူးပေါင်းရင်းမြစ်များ

Jeremia 30:24

Korowii bandia waa do ɔma la nyoa aa won sɔɔh, atane o tonɛ o bambile bini wa. Tɔpera ane ta dɛ ba mɔɔ, ásɛ n nɛra won no waa nɔ mun.

Jeremia 48:2

Moab harɛ nyanyini tonɔ. Dɔma baa yo Hɛsbɔn tena dɛ pɔ ba nɛ, dɛɛ vɔrɔwe kɛ bá ba chɔɡ Moab harɛ. Nɛra haa lɔ bwɛɛ baa dɛ yerɔ Madmen ɡe bwa hel, dɛkalkɛ laa tena ɛɛ ba yoo baa.

Jeremia 48:39

Hé na ɡɛ Moab harɛ bwa aa chɔɡa! Hé na ɡɛ o nɛra aa dɛ wi! Hé na ɡɛ sihiih aa kpo Moab nɛra ba baŋa ɡole! Moab bwa chɔɡɔ, asɛ harɛre nɛra baa soɡa baro bambile teŋe baa mam ba.”

Jeremia 49:22

Hé na, dɔma dɛ́ ba ba yo Bosra tena, kɛŋɔ kee yon le nyundua dɛ́ paɡri kena dɛ́ ba ta jal la ken. Awola tɔpere la, Edom banyoola ɛɛ ɔmɔɔ kohona, kɛŋɔ haah loltea aa lɔɔ la ken.”

Jeremia 49:24

Damaskɔs tena ɡwɛɡrɔ, ba kpɔ ɔmee chwa kaa, asɛ bochela ne weweele su ba bwa, kɛŋɔ haah loltea aa lɔɔ la ken.

Jeremia 49:29

Hé kpɔ ba tɛnte deene ne a pateesanre, dɛ ba peera bwa kaa, hale ba laala ne nyoɡmare bwa. Ásɛ dɛ ŋɔ ba be ŋɔ, ‘Ɔmee kohona bar heyaa cheme!’

Jeremia 49:38

Mɛɛ kpoo ba koranar ne nomonomee, dɛ́ ba cheɡ n kora bela dɛɛ nyiŋi ba nɛ.

Jeremia 49:5

Korowii, Koranar Bwa Kooro ŋɔ, “Mɛɛ ɡeloo nɛra baa bar heyaa cheme kpɔ ɔmee kohona ba ta he nɛ. Baa doŋi he bwaa le, bɛlbwa aa kae ba dɛ́ boa nɛra baa koh laa waa chwa la nyoa.

Jeremia 50:36

Hé ka kpoo keame nyosonteŋna la. Ba ɡɛnɔ kohona! Hé ka kpoo ba banyoola. Ɔmee kohona chole ba nɛ.

Jeremia 6:19

Hé no, harɛre nɛra bwa, n kpɔ wenaale dɛɛ ba n nɛra nɛ, ásɛ a ɛ ba wechɔɡa kembɔr, dɛkalkɛ ba ta n waa noɛ dɛ vɛh men Mmarare ta teŋa.

Jeremia 9:15

Anomanta, kenii men Koranar Bwa Kooro, Israel tena aa dɛ tom mɛ la ɛɛ bol, ‘Mɛɛ do tɛɡchɔɡa kondikwaa ne nee taa tɛ nɛra nɔ ba di.

Jeremia 9:16

Mɛɛ lɔ baa peɡre harɛre ba ɡbabir kɛɛ ba naawa aa wola an jemɛ ta. Dɛ ɡel laa tena ti ba ka tel kɛŋɔ baa kpoo ba bwa kwaraa.’ ”

Ɛsekeɛl 12:14

Mɛɛ lɔ o nomonome ne o laa tena bwaa peɡre bobɛlbwa, ásɛ dɛ ɡel nɛra teŋɛ ba nɛɛ dɛ́ kpoo ba.

Ɛsekeɛl 32:23

Asiiria harɛ ta nɛra ŋwama lɔ lalabwɛɛ bela, asɛ o laa tena chɔ baro harɛ bini bela. Banɔ la ba fa aa kpɔ ɔmee kohona ta harɛre ta nɛra nɛɛ la, ba kpoo ba keri ne.

Ɛsekeɛl 5:12

He bɔne he bini bɔre batoro naa, weechɔɡa kɛɛ lɔree dɛ́ kpoo bɔrbeŋkpoŋ nɛra bwɛjen la bini. Baa kpɔ tokobii kpoo bɔrbeŋkpoŋ nɛra ɡe bwɛɛ la dahare, ásɛ bɔrbeŋkpoŋ nɛra baa kaa la ɡe, n lɔ ba peɡre, dɛ́ ti ba n tokobi ne.

Ɛsekeɛl 5:2

Fuh bɔre atoro la bini bɔrbeŋkpoŋ bwɛjen haa ɛo la bini saŋ haa tɔɔ do a ba a jaɡa la. Kpɔ tokobi teŋni bɔrbeŋkpoŋ bini bar bwɛjen la bini, dɛ́ kpɔ bɔrbeŋkpoŋ la aa kaa la ɡe ta, ásɛ peu kpɔa kaa, dɛkalkɛ tokobi nee mɛɛ ba ba kpoora.

Lewi Dea Tena 26:33

Kɛ he te, mɛɛ ɡeloo he peɡre, dɛ́ ka so nɛra bane harɛre ta. Laa nee mɛɛ ba heyaa doŋa, ásɛ dɛ paɡre he bwɛjena a berɛ dimɡbeeni.