Jeremia 49:35 - mzwDBL

³⁵ Koranar Bwa Kooro ŋɔ, “Mɛɛ kpoo nɛra baa jemɛ hɛma tae, dɛ ɡel Elam harɛ do kpeɡri la bwaa.

Jeremia 49:35 ပူးပေါင်းရင်းမြစ်များ

Yela 46:10

Korowii ŋɔ, “Hé ɡel yoi, dɛ́ jemɛ kɛ menee Korowii, menee kana harɛre nɛra bwa bini, n dɔŋ toole harɛ nɔ bwa ta.”

Yela 46:9

O won laa nyoa sɔɔhna harɛ nɔ ta bobɛlbwa, dɛɛ kuuɡi tori ne lampeare, dɛɛ fuh kwa baa kpɔa dɛɛ tɔ ɡbemɡbe, dɛɛ yo laa.

Aesaya 21:2

N na waane kɛŋɔ chaahna ken a ɛ lokua kohona. Bane le dɔŋa dɛɛ tɛ, bane ɡee chɔɡ kwaa kohona. Elam tena, hé ka lɔ tɔ ba nɛɛ dɛ́ yoo ba! Midia tena, hé bar ba bwɛjena cheme, dɛ́ tɔ ba do! Korowii ɛɛ ɡeloo wahala Babelɔn aa ba a ne la teŋe.

Aesaya 22:6

Elam laa tena kpoŋe hɛma ne a tori dɛ che kwaa aa do kɛ torɔɡore bini, bane ɡe so jaɡre ta. Kir laa tena ɡe kpɔ kwaa baa kpɔa dɛɛ tɔ ba te ɡbemɡbe laa ta le.

Jeremia 50:14

Nɛra haa jemɛ hɛma tae bwa, hé kpɔ he te dɛ́ ka bar bwɛjen Babelɔn cheme. Hé ta nɛra baa lɔ o bini hɛma, he bɛ ɡel ane ka, dɛkalkɛ ba ɛ wechɔɡa dɛ jo men Korowii nɛ.

Jeremia 50:29

“Hé yerɛ nɛra baa jemɛ hɛma tae bwa bá ba yo Babelɔn tena. Hé bar bwɛjen la cheme, he bɛ ɡel bɛlbwa dɔ bɔr chwa le. Hé bɔ ba kem ɡɛ ba we-ɛɛla aa doa, ɡɛ baa kpɔa ɛ ba bala la, dɛkalkɛ ba vɛh men Korowii, Israel Nɛŋɡoroŋ la.

Jeremia 51:56

Baa bao dɛ́ ba chɔɡ Babelɔn harɛ, dɛ́ lawɛ o laa tena bwa, ásɛ dɛ kuuɡi ba tori. Menee Korowii maa dɛ tɛr wechɔɡ-ɛɛra deŋne. Mɛɛ bɔ Babelɔn tena kemee ɡɛ aa chɛa.

Hosia 1:5

Awola tɔpere la, mɛɛ sɔɔh Israel laa tena nyoa Jesreel Fɛlembɔjen binii.”