Jeremia 49:29 - mzwDBL

²⁹ Hé kpɔ ba tɛnte deene ne a pateesanre, dɛ ba peera bwa kaa, hale ba laala ne nyoɡmare bwa. Ásɛ dɛ ŋɔ ba be ŋɔ, ‘Ɔmee kohona bar heyaa cheme!’

Jeremia 49:29 ပူးပေါင်းရင်းမြစ်များ

Mumpar 37:25

Ba soɡo dɛɛ di kwa, belaa ba ha sie nyiŋi, dɛ na Ismael bonadiire ne ba nyoɡmare aa cheɡɛ konsɔɔhsoma baa dɛ fuah, ne dapɛɡa ane baa dɛ ɛ ane tɛɛɡa, ne korobo le Gelead harɛ baa kaa Ijipt harɛ.

Job Tɔn 1:3

dɛ dɔ peera kaɡboŋa anuanɛ, nyoɡmare kaɡboŋa atoro ne nae kaɡboŋ baa kpɔa dɛɛ parɛ, ne keeɡore lafraanue, dɛ dɔ bonɔɔna ne toli ɡe kohona. Job aa dɔ kwaa kohona nomanta, dɛ onee suuɡate dɛ ɡwaa nɛra baa lɔ wee leebɔr harɛ la bwa ta.

Yela 120:5

N na waa kɛŋɔ maa soɡe Mɛsɛk ne Keda tena baa ɛ nyubinikpeɡ tena baah.

Yela 31:13

N noɔ nɛra ɡalɡa ɛɛ ŋwalɛ ŋɔ, ɔmee kohona chole n nɛ. Ba dɛ vɔrɔwe n vɔrɔwa, dɛ́ kpo mɛ.

Aesaya 13:20

Nomɛlbwa aa belaa so kpa bwa, nɛra ba taa dɛ lol ba ne banɔ la ba ta aa dɛ ba ba lola bwa. Arab tena baa vala dɛɛ valɛ aa ba tɛnte deene baŋre bela, peteɡra kwara aa ba peeraa teɡɛ la bela á ka di kpa.

Aesaya 60:7

Baa kpɔ Keda peera bwaa ba tɛ heya, Nɛbayɔt pebala ɡe ɛɛ he kwaa, ásɛ he kpoora saraha kon ta tɛ men Korowii, dɛ́ kpɔ jirima ba n Dea.

Jeremia 10:20

Ya tɛnte deene chɔɡɔ, a ŋwɛɛra bwa chaa. Ya bii bwa kaalɔ ɡel yaa, beŋkpoŋ kwaraa toole, dɛ́ baŋre ya tɛnte deene, kɛɛ dɛ́ nyin sobɔra tɛ yaa.”

Jeremia 4:20

Wekpeɡa ane balaa, dɛ ane teŋɔ, harɛ la bwa berɛ dimɡbia. Kerabeŋkpoŋ dɛ n tɛnte deene maa soɡe a ta bwa chɔɡɔ.

Jeremia 46:5

Bɔkwaa mɛɛ na nɔɔ? Ɔmee kohona chole Ijipt laa tena nɛɛ ba le habɔɔ chwa dɛɛ kaa. Babelɔn laa tena yoo ba dɛ pɔ ba banyoola nɛ. Ba kpɔ bochela chwa dɛɛ le, bɛlbwa aa kee dɛɛ nyiŋi, ɔmee kohona su ba bwa. Men Korowiirii bola.

Jeremia 49:24

Damaskɔs tena ɡwɛɡrɔ, ba kpɔ ɔmee chwa kaa, asɛ bochela ne weweele su ba bwa, kɛŋɔ haah loltea aa lɔɔ la ken.

Jeremia 49:5

Korowii, Koranar Bwa Kooro ŋɔ, “Mɛɛ ɡeloo nɛra baa bar heyaa cheme kpɔ ɔmee kohona ba ta he nɛ. Baa doŋi he bwaa le, bɛlbwa aa kae ba dɛ́ boa nɛra baa koh laa waa chwa la nyoa.

Jeremia 6:25

Yaa won ŋɔ yaa leo kaa dahare, kɛɛ dɛ ka valɛ ŋwɛnɛre ta, dɛkalkɛ ya dɔma kpɔ ba te dɛ kpoŋe ba dɔmkwa, asɛ ɔmee kohona bar yaa cheme.”

Habakuk 3:7

N na Kusan tena tɛnte deene bini baa ɔmɛ taeh, ɡɛɛ Midian tena ɡe bwara ɛɛ sa ba tɛnte deene bini.

2 Kɔrent 4:8

Nɛra dɛ ha yaa kohona, kɛ baa ya nɛɛ pɔ. Waa dɛ hiah yaa ya nyiŋi ɡɛ yaa ɛ kahonɛ, kɛ ya bwara aa yɔr, yaa ɡel.

2 Kɔrent 7:5

Yaa ba Makidoonia harɛ ta habɔɔ kwaraa la, ya bwara ta yaa sɔɔhnɛ. Bobɛlbwa yaa kpɔ la, ya ne wahalaa. Dɛ yoi laa nɛra ɛɛ yo yaa kwara naa, dɛ ya ne bambiwɔrɔbaa.

Sitɔɔla 6:5

Ba cheɡɛ ba tɛnte deene ba ne ba kondɛɛra fuɡe le aa, ba do kɛŋɔ tontombɛ ken. Haa won kure ba ne ba nyoɡmare. Ba dɛ so harɛ la ta dɛ́ chɔɡ ba kwaa bwa.

Sitɔɔla 7:12

Dɛ Midian ne Amalɛk tena ne wee leebɔr tena la su fɛlembɔjen la bini pirim kɛŋɔ tontombɛ ken. Ba nyoɡmare ɡe warɛ kɛŋɔ mpo nyoa hɛŋle ken, haa won kur ba.

Sitɔɔla 8:21

Asɛ Seba ne Salmuna ŋɔ, “He ɡbaɡba den kpoo yaa, a ta chɛ kɛ he kpɔ nomoa toma tɛ bechala.” Anomanta, o suuhno tel ba be dɛ kpoo ba, dɛ laa kondɛɛɡa baa kpɔ suuɡaswɛm ɛa a do ba nyoɡmare baŋa la foo.

Sitɔɔla 8:26

Suuɡaswɛm deŋna kwaa baa ba a ne la tɔɡre ɛɛ ɛ suuɡapoŋa kaɡboŋ lafraanuanɛɛ. Ba dɔ bwara kondɛɛɡa ne baŋa kwaa ne laala kɔla Midian koranar aa dɛ do, dɛ kwaa aa lɔ ba nyoɡmare baŋa baa wola a te kure ja.