Jeremia 49:25 - mzwDBL

²⁵ Ba chwao ɡel bwɛjen o sɔn fa aa lea, bwɛɛ men Korowii sie aa dɛ lɛ o ta kohona.

Jeremia 49:25 ပူးပေါင်းရင်းမြစ်များ

Aesaya 1:26

Mɛɛ berɔ ɡel he dɔ nɛra baa bol he waa dɛɛ pa bole, ne nɛra baa dɛɛ ja heyaa kɛŋɔ he fa aa dɔɔ ba wubwa la. Ásɛ mɔɔ bá berɛ yerɛ heyaa Kasinteŋ Diile bwɛ, Nɛndɛɛɡa bwɛ.”

Jeremia 33:9

Ásɛ a che bwɛjen Jerusalam nɛra nɛ n dɔ silɛɛ ne jirima dɛ duure, ásɛ harɛre nɛra bwa ɔmɛ dɛɛ chel, wedɛɛɡa maa ɛa tɛ Jerusalam tena, ne ɡɛ maa ɡela ba wobɛlbwa do wer tɛɛ ba la wa.”

Jeremia 48:2

Moab harɛ nyanyini tonɔ. Dɔma baa yo Hɛsbɔn tena dɛ pɔ ba nɛ, dɛɛ vɔrɔwe kɛ bá ba chɔɡ Moab harɛ. Nɛra haa lɔ bwɛɛ baa dɛ yerɔ Madmen ɡe bwa hel, dɛkalkɛ laa tena ɛɛ ba yoo baa.

Jeremia 48:39

Hé na ɡɛ Moab harɛ bwa aa chɔɡa! Hé na ɡɛ o nɛra aa dɛ wi! Hé na ɡɛ sihiih aa kpo Moab nɛra ba baŋa ɡole! Moab bwa chɔɡɔ, asɛ harɛre nɛra baa soɡa baro bambile teŋe baa mam ba.”

Jeremia 51:41

Korowii bol Babelɔn waa ŋɔ, “Na ɡɛ baa yo Babelɔn, bwɛjen harɛ nɔ nɛra bwa fa aa dɛ kpɛɛro dɛɛ tɛo jirima la. Na ɡɛ waa chɔɡa dɛ kpɔ bambiteŋa kohona ba ta harɛre nɛra bwa nɛ.

Daneɛl 4:30

O ŋɔ, “Bwɛjen Babelɔn waa do kan ken nɔ, menee doo o ɛ n koobwɛ, dɛ́ kpɔ baɡle n kpeɡri kohona ne n jirima maa dɔa.”

Wepila 18:10

Baa che bojaŋee, dɛkalkɛŋɔ baa ɔmɛ o hɔhɔrɔwa waa dɛ na laanee dɛ́ɛ ŋɔ, “Akwe! Akwe! Bwɛjen Babelɔn la o tena fa aa dɛ di kpeɡri ɡa la, waa puu kerabeŋkpoŋ o paɡre.”