Jeremia 49:23 - mzwDBL

²³ Korowii bol bwɛjen Damaskɔs tena waa dɛ ŋɔ, “Bwɛjena Hamat ne Aapad tena liire chɔɡɔ, dɛkalkɛ ba ta amanesoma noɛ. Ba bambile dɛ wure kɛŋɔ mpo nehɛma aa taa dɛɛ kaa bobɛlbwa ken.

Jeremia 49:23 ပူးပေါင်းရင်းမြစ်များ

Mumpar 14:15

Bɔr aa joa la, Abram bɔne o bonɔɔna la bini kuore ta, asɛ ba ka yo nɛra la dɛ pɔ ba nɛ. Ba doŋ ba ɡɛ naaa dɛ ka tel bobɛl baa dɛ yerɛ bela Hoba waa lɔ Damaskɔs weekaŋle nyunduabɔr.

Mumpar 15:2

Anee Abram ŋɔ, “Nemenɛ Korowii, bɔkwa konee hɛɛ ba kpɔe tɛ mɛ ó ɡwaa kɛŋɔ maa wola bie lolɛ bwa nɔɔ? N bonɔɔ Eliesa waa le Damaskɔs laanee dɛɛ ba n kapɛrɛ dii.

2 Samoɛl 17:10

Hale banyoola baa do ɔma kɛŋɔ nyujente ɡba la dɛ ɔmɔ, dɛkalkɛ nomɛlbwa waa lɔ Israel harɛ ta jemɔ kɛ he mɛɛ ɛ banyoo tenten, o laa tena ɡe do kpeɡri.

2 Samoɛl 8:9

Hamat Kooro Tou aa baa no kɛŋɔ Kooro Devid yo Kooro Hadadesa dɛ pɔ o ne o laa tena bwa nɛɛ la,

1 Koranar 11:24

Resɔn nɔɔ fa boa baala bane nyoa dɛ ɛ ba nomoa ɡɛ saŋ Kooro Devid aa kpoo Soba tena la. Asɛ ɡɛ dɔm la kaa bwɛjen Damaskɔs, dɛ ka lɛ bela dɔɔh dɛɛ di bela kora.

2 Koranar 17:24

Asiiria koojen kpɔ nɛra le Babelɔn harɛ bwɛjena ane baa dɛ yera Kuta ne Ava ne Hamat dɛ Sefavaim, dɛ kpɔ ba ka so Samaria bwɛjena ta, Israel tena baa laɡ ba laa ta kaa la buɡ ta. Ba kpɔ bela berɛ ba bwɛjena dɛ so bela.

2 Koranar 18:34

Leperaa bwɛjena Hamat ne Aapad tena voɡa dɔɔ? Sefavaim ne Hena dɛ Iva tena ɡe voɡare sɛ? A wono lɛ Samaria tena aa?

2 Koranar 19:13

Leperaa bwɛjena Hamat ne Aapad ne Sefavaim dɛ Hena kɛɛ Iva koranar dɔɔ?”

2 Koranar 5:12

Anɔ bwa habɔɔ, bwɛjen Damaskɔs Mojena Abana ne Faapar laa wera Israel harɛ ta neerare bwa ta, ń fee ka sɔ n bwara kwaa raa?” Anomanta, o laa berɛ bandia ne dɛ kaa.

2 Webena 16:2

Kooro Asa kpɔ suuɡapoŋa ne suuɡaswɛm cheɡ deene baa kpɔ kwaa a yoɡ aa kpeɡa dɛɛ cheɡ a bini Korowii Dea la, ne anɔ la aa lɔ o koodem bela, dɛ tomɛ ba kpɔ ka tɛ Siiria Kooro Bɛn Hadad, dɛ o soɡe Damaskɔs waa ɛ harɛ la bwɛjen tenten ta dɛɛ di kora.

Kaala 15:15

Ɔmee ɛɛ lawɛ Edom koranaree kohona, Moab nomonome bwara yɔr baa chel, Keenan tena ɡe bwa ɛɛ heo kwara.

Aesaya 10:9

Gɛ maa chɔɡ bwɛjena Kaakɛmes ne Kalno ne Aapad ne Hamat dɛ Damaskɔs la, ɡɛɛ n chɔɡ Samaria ɡe.

Aesaya 11:11

Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.

Aesaya 13:7

Gɛ saŋ telaa, nomɛlbwa bwara ɛɛ yɔroo, ásɛ ba hwɛɡa ɡe tonɛ.

Aesaya 36:19

Leperaa bwɛjena Hamat ne Aapad voɡa dɔɔ? Sefavaim tena voɡare sɛ? A wono lɛ Samaria tena aa?

Aesaya 37:13

Leperaa bwɛjena Hamat ne Aapad ne Sefavaim dɛ Hena kɛɛ Iva koranar dɔɔ?”

Aesaya 57:20

Wechɔɡ-ɛɛra te do kɛŋɔ mpo nehɛma aa wola won bobeŋkpoŋ che, dɛ yon che doŋa bwa soo siwi baa ta la ken.

Aesaya 7:8

Damaskɔs laa Siiria harɛ bwɛjen aa? Kooro Resin ɡee Damaskɔs nyu te. Onee umeo? Bonɔ bene fifraanumɛl dɛ anue dɛ Israel harɛ paɡrɔ, waa bwɛbirii tel kpa.

Jeremia 39:5

Babelɔn laa tena la ti ba dɛ ka lawɛ Kooro Sedekia Jeriko harɛ bɛl waa chɔa kaa ta. Ba lawɔ ka tɛ Babelɔn Kooro Nebukadnesa, ɡɛ saŋ dɛ o lɔ bwɛjen Ribla waa lɔ Hamat harɛ ta. Belaa Babelɔn Kooro Nebukadnesa ka bol o waa dɛ pao bolchɔɡe.

Ɛsekeɛl 27:18

Damaskɔs tena ne he di bona kwaa haa dɔa kohona la wa. Ba kpɔ sen le Hɛlbɔn, dɛ pee pona ɡe le Saha ba charɛ laala he be.

Emɔs 6:2

Hé la bwɛjen Kalne ka na, dɛ́ le bela la bwɛjen Hamat, dɛ́ berɛ kaa Filisti tena bwɛjen Gat. Ba ɡwaa he harɛre anɛ nɔ naa? Ba harɛ la kan ɡwaa he kon aa?

Neehum 2:10

Niniwe bwa chɔɡɔ, ba pa o kwaa bwa kwaraa, o chɔ pɛɛ. Ɔmee su o nɛra bwa, ba natuune sɔɔh, ba bwara ɛɛ sa, ba siebɔra ɡwaŋre.

Nɛra Kura 13:21

Ate, ba chiɡ ŋwɛnɛ ta dɛ ka sɔh nyiŋi harɛ la. Ba cheɡɛ Sin pua hɛŋle ɡbo harɛ ta, dɛ ka le Rehob waa lɔ Lebo Hamat ŋwɛnɛ ta.

We-ɛɛla 27:20

Tɔpera aŋwɛnɛ bwa dɛ yaa wee na, yaa weweela ɡe na, asɛ peu la ɡe na dɛɛ ta kpeɡri nɛɛ ɡɛ. Ate, dɛ yaa ya nyuune te waa lii kɛŋɔ yaa ɛ nɛraa kpa.

We-ɛɛla 9:2

dɛ ka soŋo ŋɔ ó tɛo o nɔn bini tɔn ásɛ o kpɔ ɡaaɡe bwɛɛ la baa dɛ yerɔ Damaskɔs la cheremi deene ta, ásɛ dɛ o na Yeesu ŋwɛnɛfale tena la bɛlbwa naa, baalee yoo, haahnee yoo, ó laɡ ba dɛ́ vɔɡ ba, dɛ́ kpɔ ba ba Jerusalam.

2 Kɔrent 11:32

Maa lɔ bwɛjen Damaskɔs la, bwɛɛ la nomoa waa lɔ Kooro Aretas lɔɡa le nɛra ŋɔ báa daah doonyoone aa lɔ danjwɛɛ waa bar bwɛɛ la bwa cheme ta la, ásɛ dɛ laɡ mɛ.

Mmarare 20:8

Sitɔɔla la teŋɛ dɛ bol ja ŋɔ, ‘Hé bini bɛlbwa o bwara aa yɔra wɛɛ ɔmɛ la, kaa dem dɛ bɛ ba kpɔ maah o bala.’

Josua 14:8

Nɛra n ne baa laŋa la ɡelɔ ya nɛra la bwara yɔr baa ɔmɛ, kɛ n te, dɛ n dɛ yarada Korowii kɛrɛdɛ.

Josua 2:11

Yaa no ɡɛ la, ya jum jaoh ya bambile chɔɡ ɡɛ haa ɛa la wa. Dɛkalkɛŋɔ Korowii haa dɛ tomɔ laanee nyundua ne harɛ bwa kooro.