Jeremia 49:15 - mzwDBL

¹⁵ Mɛɛ ɡeloo he nɛra ɡwɛɡre harɛre nɛra bwa bini, ásɛ ba haeh, dɛɛ nyiŋi he nyubaah.

Jeremia 49:15 ပူးပေါင်းရင်းမြစ်များ

Amanesoma Luk Aa Chwera Tɔn 1:51

O chaɡle o kpeɡri dɛ doŋi nɛra baa dɛ lii ba te nɛnjena la ba peɡre.

Maeka 7:10

Belaa ya dɔma ɛɛ ba a nae ásɛ sihiih kpo ba. Banee fa muɡli ya baah ŋɔ, “Leperaa Korowii haa dɛ tomɔ la dɔɔ tenɔ?” Yaa soo dɛ́ na ba chola, baa tiɡri ba nɛɛ kɛŋɔ baa dɛ tiɡri kpechɛɡre ta ken fɔɡbaahna.

Obadia 1:2

Korowii ŋɔ Edom tena be ŋɔ, “Mɛɛ ɡeloo he ɡwɛɡre harɛre nɛra bwa bini, ásɛ ba hah heya, dɛɛ nyiŋi he nyubaahna.

Yela 53:5

Belaa ba do ɔmee su ba bwa, kɛ dɛ a ta chɛ kɛŋɔ bá fe ɔmɛ. Korowii lɔ nɛra baa yo heyaa la hoɡa peɡre, he ɡelɔ sihiih kpo ba, dɛkalkɛ Korowii vɛɛh ba.

1 Samoɛl 2:30

Anomanta, men Korowii Israel tena aa dɛ tom mɛ fa baɡɛ heyaa nyoa kɛŋɔ, he dem nɛra ne he mɛɛ dem nɛraa dɛ́ do n sie, dɛ́ɛ tom mɛ kɛ sɔfore saŋ bɛlbwa dɛɛ la. Taraken te maa an ɡɛɛ ɛ kpa. Nɛra baa dɛ duu mɛ la, mɛɛ ɡeloo bá dɔ duure, nɛra baa nyiŋ mɛ dɛɛ vah la, n ɡee nyiŋ baa vah.

Jeremia 49:14

Men Jeremia no Edom waa le Korowii be o ŋɔ, “N tomɛ torome bɛl harɛre nɛra be ŋɔ, ‘Hé boa he nyoa dɛ́ ir ka yo Edom tena! Hé ir ka yoo ba laa!

Jeremia 49:16

He mbarafo neɡre heya kohona, he dɛ lii kɛ nomɛlbwa dɛ́ ɔmɛ heya, he dɛ neɡre he te. He soɡe bɔɔne bini bwejena dor. A lole kɛ he soŋnibɔr lɔ nyundua, kɛŋɔ kee yon ka sɔh o kɔr nyundujaɡla la, kɛ mɛɛ ɡeloo he le bela le harɛ.’