Jeremia 49:1 - mzwDBL

¹ Gɛ Korowii aa bol Amɔn tena waa laanee nɔ. “Baala toole Israel harɛ ta kpa, dɛ́ kpɔ harɛ la ɛ ba kapɛrɛ kon kɛɛ? Ɛrɛɛ nɛra baa dɛ tomɛ voɡ Molɛk berɛ ba lɛ Gad dea harɛ dɛ so o ta nɔɔ?

Jeremia 49:1 ပူးပေါင်းရင်းမြစ်များ

Mumpar 19:38

Bechala la ɡe lolɛ bibaa, asɛ dɛ pa o sɔn Bɛn Ami. O ɡee Amɔn tena bwa naa.

2 Koranar 10:33

le Jɔɔdan Moo wee leebɔr harɛ dɛ kaa Arowa weekaŋle nyundua, dɛ kaa Aanɔn Moo ta, dɛ kpɔ Gelead harɛ bwa ne Basan, bela Gad ne Rubin deene, dɛ Manasɛ wee leebɔr dea tena aa soɡa bwa.

2 Koranar 24:2

Korowii tomɛ laa tena le Babelɔn ne Siiria ne Moab, dɛ Amɔn harɛre ta ŋɔ bá ba yo Kooro Jehoiakim dɛ́ chɔɡ Juda harɛ, ɡɛ o fa aa cheɡɛ o bonɔɔna keamere nɛɛ dɛ bol ŋɔ wɛɛ ɛo la.

2 Webena 20:1

A habɔɔ la, Moab ne Amɔn dɛ Meuni tena vɔrɔwe laa, dɛ́ ba yo Juda Kooro Jehosafat ne o nɛra.

2 Webena 20:23

Amɔn ne Moab laa tena pɛo, dɛ yo Edom laa tena dɛ kpoo ba bwa kwaraa. Baa kpoo ba tonɛ la, ba berɛ sie dɔŋa be dɛɛ kpoo dɔŋa, ka tel kɛŋɔ ba bwa aa tona.

Nehemia 2:19

Asɛ Sanbalat waa ɛ Hɔrɔn te, ne Tobia waa ɛ Amɔn tena nomonome la bini bɛl, dɛ Gɛsem o ɡe aa ɛ Arab te noɔ, asɛ ba mamɛ dɛɛ muɡli ya baah ŋɔ, “Bɔkwa waa hɛɛ ɛ nɔɔ? Koojenii hɛɛ ba deŋnekpeɡ ɛɛ la.”

Nehemia 4:7

Ate, Sanbalat ne Tobia ne Arab ne Amɔn, dɛ Asdɔd tena aa noa kɛŋɔ Jerusalam danjwɛɛ baa bera kwaa dɛɛ ma la chemo dɛɛ nyin tona la, ba baah diu kɛrɛdɛ.

Yela 83:7

ne Gebal ne Amɔn ne Amalɛk, ne Filisti dɛ Taaya tena.

Yela 9:6

Ya dɔma heo, yaa ba waa lii kpa. He chɔɡ ba bwɛjena, ya soh ba waa kwaraa.

Jeremia 12:14

Anomanta, Korowii ŋɔ, “Harɛre nɛra ba nyu bini aa kpeɡa, ba so bar harɛ maa kpɔa tɛ n nɛra Israel tena ba ba chɔɡo la, mɛɛ le ba ne ba harɛre taa, kɛŋɔ ba yon fuɡri dua la ken, dɛ́ lɛ Juda tena le ba bini.

Jeremia 25:21

ne Edom ne Moab dɛ Amɔn harɛre ta,

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 27:3

Asɛ Korowii ŋɔ n be ŋɔ, ń kpɔ kala tɛ nomonome baa cheɡɛ koranar baa lɔ Edom ne Moab harɛre ta, ne bwɛjena Amɔn ne Taaya dɛ Sidon naa ta, dɛ ba Kooro Sedekia be Jerusalam la.

Jeremia 48:1

Koranar Bwa Kooro, Israel tena aa dɛ tomɔ bol Moab harɛ wa men Jeremia be ŋɔ, “Nɛbo tena, hé bwɛɛlɛ, dɛkalkɛ he bwɛɛ la dɛ ba chɔɡa. Dɔma yo Kiriataim tena dɛ pɔ ba nɛ, o danjwɛkpeɡ baa maa baro kuuɡo, asɛ sihiih kpo ba.

Jeremia 49:23

Korowii bol bwɛjen Damaskɔs tena waa dɛ ŋɔ, “Bwɛjena Hamat ne Aapad tena liire chɔɡɔ, dɛkalkɛ ba ta amanesoma noɛ. Ba bambile dɛ wure kɛŋɔ mpo nehɛma aa taa dɛɛ kaa bobɛlbwa ken.

Jeremia 49:28

Korowii bol Keda dea tena ne Hasɔ harɛre Babelɔn Kooro Nebukadnesa aa yoa dɛ pɔ ba nɛɛ la waa ŋɔ, “Hé ir, dɛ́ ka yo Keda tena, dɛ́ kpoo nɛra baa soɡe pua hɛŋle ɡbo harɛ ta wee leebɔr.

Jeremia 49:7

Gɛ Koranar Bwa Kooro aa dɛ bol Edom tena wa laanee nɔ. “Wejerema toole Teman waa lɔ Edom harɛ ta kpa aa? Nɛra toole dɛ́ won ja nɛra kpa kɛɛ? Ba wejema bwa ɛ pɛɛpɛɛ aa?

Ɛsekeɛl 21:25

Kooro haa dɛ nyiŋi Israel nɛɛ dɛ ɛ nyubinikpeɡ te kohona, he tɔpere baa tɛr he deŋne la telo tonɛ.

Ɛsekeɛl 25:1

Korowii bol waa men Ɛsekeɛl be ŋɔ,

Sefania 1:5

Mɛɛ chɔɡ nɛra baa teehna kaa deene dor kaa tomɛ wee, ne korobie dɛ weweela, ne banɔ la baa ŋwɛɛra ŋɔ ba dɛ tom mɛ kɛ dɛ berɛ kaa tomɛ voɡ Molɛk ɡe ja laanee.

Nɛra Kura 1:24

Gad naanaree, baala baa dɔ bene fifraanɛ ne a habɔɔ, dɛ́ won la laa laanee ba chwerɛ ba sɔna beŋkpoŋa beŋkpoŋa, dɛ le ba deene ne ba lolanar tɔne bini.

Mmarare 2:19

kɛ dɛ he tel Amɔn tena harɛ ta naa, he bɛ ba baah muɡli dɛ́ ba puu ba yo, dɛkalkɛŋɔ maa ɡel he dɔ ba harɛ la pera ó ɛ he kon bwa. N kpɔɔ tɛ Lɔt naanar kɛ ó ɛ ba harɛ.’

Mmarare 23:3

Amɔn tena kɛɛ Moab tena, hale ba naanar baa teŋa bele fi aa won ja Korowii nɛra bini.

Mmarare 23:4

Dɛkalkɛŋɔ ɡɛ saŋ haa le Ijipt harɛ ta dɛɛ ba la, ba vɔmɛ heyaa nee ne kondikwa. Beɔ bibaa Balam, waa le Pɛtɔ dɛ do Mɛsopoteemea harɛ ta la, ba kaa bɔɔ paa ŋɔ ó ba taah heya.