Jeremia 48:7 - mzwDBL

⁷ Moab harɛ tena, hé kpɔ he te dawɛ he bokpeɡa ne kondɔɔh ta, kɛ ba dɛ ba heyaa yoi dɛ́ pɔ he nɛ, dɛ́ kpɔ voɡ Kemɔs kaa harɛfale ta, o ne o nomonome ne o kerekpoŋra.

Jeremia 48:7 ပူးပေါင်းရင်းမြစ်များ

Nɛra Kura 21:29

Moab tena, hé bwɛɛlɛ! Voɡ Kemɔs toroma chɔɡɔ! Voɡ la ɡelɔ ba lawɛ o bibaala laa ta kaa, ba lawɛ o bihaahna tɛ Amɔre tena Kooro Sihon.

Jeremia 49:3

Hɛsbɔn tena, hé do lɔŋɔre bwɛjen Ai chɔɡa wa. Nɛra haa lɔ bwɛjen Raba, hé ɡe wi! Hé kpɔ lweyale tɔ dɛɛ wi, dɛɛ chwa bobɛlbwa yalayala ken, dɛkalkɛ baa kpɔ he voɡ Molɛk ne o kerekpoŋra, dɛ nomonome bwaa kaa bojaŋ harɛfale ta.

Jeremia 9:23

Korowii ŋɔ, “Wejerema bɛ mbarafo ɛ ba wejema baa dɔa wa, bokpeɡa tena bɛ ba te dɛɛ maŋkura ba bokpeɡa baa dɔa wa, kɛɛ dɔɔh kpɔ o te dawɛ o kondɔɔh ta.

Yela 52:7

“Hé na, baa waa wola Korowii kpɔe ɛ o Kpeɡnɛn laanee la. O kpɔ o hwɛɡa bwa do o kondɔɔh ta, o nyu bini do kpeɡri kohona o bala chɔɡa ta.”

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

Hosia 10:13

Kɛ a ɛo kɛŋɔ haa du wechɔɡa dɛ komɛ wechɔɡa. He di he nyosone la nɔna. Haa kpɔ he te dawɛ he bokpeɡa ta, ne he laa tena baa wara dɛ jemɛ yoi nɛɛ nomanta,

Jeremia 48:46

Moab tena, hé bwɛɛlɛ! Nɛra haa dɛ tomɛ voɡ Kemɔs la, he chɔɡɔ. Ba lawɛ he bibaala ne bihaahna bwa kaa bojaŋ harɛfale ta.

Jeremia 48:13

Sihiih ɛɛ kpo Moab tena ba voɡ Kemɔs waa, kɛŋɔ sihiih aa kpo Israel tena voɡ Bɛtel baa kpɔ ba hwɛɡa dawɛ o nɛɛ la.

1 Koranar 11:33

Gɛɛ mɛɛ ba ɛɛ, dɛkalkɛ ba vɛɛh mɛ dɛ kaa tomɛ Sidon tena voɡhaah Astɔrɛt, ne Moab tena voɡ Kemɔs, dɛ Amɔn tena voɡ Molɛk. Ba ta n ŋwɛnɛre ta kpɔe, ba ta waa aa wera n be ɛɛ, kɛɛ dɛ teŋɛ me Mmarare ta kɛŋɔ Kooro Solomɔn mɛɛ Devid aa ɛa la.

Wepila 18:7

Gɛ o fa aa kpɔ o te ɛ nɛnjen dɛɛ di o nyu ɡa la, hé ɡel o na hɔhɔrɔwa dɛ́ di suna ɡe kɛrɛdɛ. O dɛ lii o nyu bini ŋɔ onee haŋkooro, o jaa ta sewɛ, o tea bini aa chɔɡ bwa.

Jeremia 43:12

Mɛɛ kpaa nii do Ijipt harɛ voɡare deene ta, ásɛ dɛ ɡel Babelɔn kooro fuh ba voɡare kɛɛ dɛ́ paa kaa. Gɛ peteɡre yon laa kpanjeɡa dɛɛ kpɔ o batakaare ta la, ɡɛɛ Babelɔn kooro ɛɛ ba doŋa laa kpɔ Ijipt harɛ ta, dɛ́ pɔ ba nɛɛ le bela kaa.

Jeremia 13:25

Anɔ la aa chɛ kɛŋɔ hé dɔ laanee la, anee n maɡɛ tɛ heya, dɛkalkɛ he vɛɛh mɛ dɛ kaa tomɛ voɡare a wa aa wola kasinteŋ dɔe. Men Korowiirii bola.

Yela 40:4

Nɛra baa kpɔ ba te dawɛ Korowii nɛɛ la, ba na som. Nɛra baa wola mbarafo tena we-ɛɛla nyiŋi, kɛɛ baa wola voɡa tomɛ la.

1 Koranar 11:7

Kooro Solomɔn do dea bwe bɛl ta Jerusalam wee leebɔr, dɛ kwaa bɔr baa dɛɛ tomɛ Moab tena voɡ Kemɔs ne Amɔn tena voɡ Molɛk aa ɛ kii kwaa la.

Sitɔɔla 11:24

Kon he voɡ Kemɔs aa tɛɛ la, he dɛ lɛ. Gɛɛ a do, kon Korowii yaa dɛ tomɔ la aa tɛ yaa la, ya ɡe won lɛ.

2 Samoɛl 5:21

Filisti tena chwao ɡel ba voɡare bela, asɛ Kooro Devid ne o laa tena paa kaa.

Jeremia 49:4

He nɛra he wa aa wola kasinteŋ dɔe, ɛrɛɛ hɛɛ ɛ mbarafo he fɛlembɔjena aa do wer kohona waɔ? He kpɔ he hwɛɡa do he kondɔɔh ta dɛ ŋɔ, ‘Nomɛlbwa aa won ba yo yaa.’ ”