Jeremia 48:41 - mzwDBL

⁴¹ Baa pɔ bwɛjen Kereɔt nɛɛ, dɛ́ chɔɡ ba dekpeɡa bwa. Awola tɔpere la, Moab banyoola ɛɛ ɔmɔɔ kɛŋɔ haah loltea aa lɔɔ ken.

Jeremia 48:41 ပူးပေါင်းရင်းမြစ်များ

Aesaya 21:3

A ɡɛ waa maa naa la ɡelɔ n bwadabii wee mɛ chweeh ken, kɛŋɔ loltea aa lɔ haah ken. Waa maa noa la ɡelɔ maa won ɛ wobɛlbwa, n ɛo chinchaŋ waa maa naa la wa.

Aesaya 13:8

Ɔmee ɛɛ chole ba nɛɛ, ba bwara wee ba chweeh, baa beɡre ba te kɛŋɔ loltea aa lɔ haah. Ba nyoa ɛɛ kpoo kohonaa, ásɛ sihiih kpo ba, baa nyiŋi dɔŋa.

Jeremia 49:22

Hé na, dɔma dɛ́ ba ba yo Bosra tena, kɛŋɔ kee yon le nyundua dɛ́ paɡri kena dɛ́ ba ta jal la ken. Awola tɔpere la, Edom banyoola ɛɛ ɔmɔɔ kohona, kɛŋɔ haah loltea aa lɔɔ la ken.”

Jeremia 30:6

Hé pɛɛ no! Baa lɛɛ won kpoŋe tea dɛ́ lolɛ bie aa? Aah ɛrɛɛ mɛɛ na baala ba bwara aa kpeɡa, ba nɔɔra dawɛ ba teene ta kɛŋɔ haah loltea aa lɔɔ nɔɔ? Nomɛlbwa siebɔr ɡwaŋɔ kohona.

Jeremia 6:24

Jerusalam tena ŋɔ, “Ya no ba wa, asɛ ya bwara yɔr, weweele ne bambiteŋa ɡel ya do kɛŋɔ loltea aa lɔ haah ken.

1 Tesalonika 5:3

Gɛ saŋ nɛra aa ba ŋɔ, “Bobɛlbwa sɔɔhnɔ, ya dɔ deŋnesɔɔhna name te” la, belaa dɛ harɛchɔɡ la ɛɛ ba ba piɡra. Wɛɛ piɡruu kɛŋɔ haah naa kpoŋe tea asɛ lol tea lɔɔ la ken. Gɛ saŋ la, baa bɔree dɔ dɛ chwa ka sɔh.

Jeremia 51:30

Babelɔn laa tena ɡel yoi dɛ ka so ba dekpeɡa bini. Ba bokpeɡa tonɔ ba do kɛŋɔ haahna ken. Ba kuuɡi bune baa kpɔa dɛɛ kaɡre ba doonyojena bwa, dɛ kpaa nii do ba deene ta.

Jeremia 50:43

Babelɔn kooro no ba wa, ɔmee ɡel o bwara yɔr. Weweele ne bambiteŋa ɡel o ɔmɛ kɛŋɔ haah loltea aa lɔɔ ken.

Jeremia 49:24

Damaskɔs tena ɡwɛɡrɔ, ba kpɔ ɔmee chwa kaa, asɛ bochela ne weweele su ba bwa, kɛŋɔ haah loltea aa lɔɔ la ken.

Jeremia 4:31

N dɛ no lɔŋɔ kɛ haah loltea aa lɔɔ, wɛɛ eeh dɛɛ lolɛ o biloɡle. A kaa ɛ kɛŋɔ Jerusalamee do kɛŋɔ haah waa dɛ wi o hweera pi, dɛɛ tɛɡre nɔɔra ŋɔ, “Akwe, n na wa, ba dɛ ba dɛ́ ba kpo mɛ.”

Jeremia 4:9

Korowii ŋɔ, “Awola tɔpere la, kooro ne nomonome bwa bambile ɛɛ teŋoo, sɔfore nyoa kpo kohona, ásɛ bɔyɔra kohona chole n keamere nɛ.”

Jeremia 48:24

ne Kereɔt ne Bosra, dɛ Moab bwɛɛre aa lɔ bojaŋ ne anɔ la aa bɛna bwa ta.

Jeremia 50:37

Hé chɔɡ ba jaɡre ne kwaa aa do kɛ torɔɡore la! Hé ka kpoo laa tena baa ba dɛ cha ba la bwa! Hé na ɡɛ baa ɡwɛɡra! Hé chɔɡ deene baa dɛ cheɡ laala a yoɡ aa kpeɡa a bini. Baa paa kɛŋɔ laa ta kwaa kaa.

Emɔs 2:2

Mɛɛ ɡeloo nii ba fuh Moab harɛ, dɛ́ fuh dekpeɡa aa bar bwɛjen Kereɔt. Moab tena ɛɛ serewoo, a ɡɛ saŋ laa tena aa dɛɛ do ɡbɔɡa dɛɛ hoh laa bɛle la.