Jeremia 48:36 - mzwDBL

³⁶ N wio dɛɛ tɛ Moab ne Kir Haresɛt tena, kɛŋɔ baa dɛ hoh kalipe dɛɛ ɡo lweyela ken. Ba kondɔɔh baa dɔa bwa le ba nɔn ta.

Jeremia 48:36 ပူးပေါင်းရင်းမြစ်များ

2 Koranar 3:25

Ba chɔɡ ba bwɛjena, asɛ Israel tena baa chwaa dɛɛ kaa la, bɛlbwa kpɔ vamtor bwe ta harɛdɛɛɡe la ta, ka tel kɛŋɔ waa sua, asɛ nenapale bɛlbwa nyu teŋe, dɛ teŋni daa aa dɛ nɔnɛ ɡe bwa ta. Ba bwɛjen baa dɛ yerɔ Kir Haresɛt ɡboo baa ka, kɛ baala baa kpoŋe vamtore baa bar bwɛjen la dɛ yoo ba.

Sɛɡla 11:4

Kondɔɔh ta tɔnɔ dɔe seo tɔpere, kɛ he waa toɡrɔ aa, a dɛ lee seo ta.

Sɛɡla 13:22

Nɛra ba wa aa toɡra naanaree dɛɛ di ba kapɛrɛre, kɛ nɛnchɔɡa te kapɛrɛre dɛ kaa nɛra ba wa aa toɡra be.

Sɛɡla 18:11

Kondɔɔhna dɛ lii kɛŋɔ ba kondɔɔh do kɛ bwɛjen baa ma danjwɛkpeɡ baro, ba dɛ lii kɛŋɔ o ɛ kon waa dɛ ba wona lɛɛ ba.

Aesaya 15:5

N bambile dɛ wee mɛ Moab tena wa. Nɛra baa soɡe harɛ la ta chwao kaa Soar, hale dɛ ka tel Eɡlat Sɛleseya. Bane teehnɔ kaa Luhit, baa dɛ kaa la bwa, dɛ ba ne wii. Bane chwao kpɔ Horonaim ŋwɛnɛ dɛɛ wi ba chɔɡa wa.

Aesaya 15:7

Ba cheɡɛ ba kondɔɔh baa dɔa bwa ɡale Dajaŋa Nenabɔɔ, dɛɛ ba kpɔe ka sɔh.

Aesaya 16:11

N dɛ hime Moab wa, n tea bini chɔɡ kohona Kir Haresɛt wa.

Aesaya 63:15

N Naa Korowii, ba sie ne harɛ le nyundua boɡoroŋ bela haa soɡa ne jirima haa dɔa dɛ́ nyiŋi yaa. Leperaa nyina he fa aa dɛ nyin ya waa la dɔɔ? Leperaa he kpeɡri la dɔɔ? He nyina ne he tedoma la sɛ? Bɛ yaa ta.

Jeremia 17:11

Nɛn waa dɛ nyin suuɡa sibeɡra ne la, o do kɛŋɔ jal waa tee hala aa wola o kwaa ɛɛ. Naate soɡa bini tama la, wɛɛ paŋɛ o kondɔɔh laanee, ásɛ a habɔɔ ó na kɛ o ɛ ɡɛnewa.

Jeremia 4:19

Anee Jeremia ŋɔ, “N weweele kan, a kan kohona to! N bwara bwaa dɛɛ wee mɛ mɛɛ beɡre n te. N loo kuu, n bambile ɛɛ lɔ kohona! Maa won tɔ nyoa, dɛkalkɛ n no bɛla sii, dɛ no laa lɔŋɔre.

Jeremia 48:31

Anomanta, n wio dɛɛ tɛ Moab tena, ba ɡbosoro waa mɛɛ wi. N wio dɛɛ tɛ Kir Haresɛt baala.