Jeremia 48:29 - mzwDBL

²⁹ Ya no Moab tena mbarafo wa, ba dɛ na ba nyu, dɛɛ ɡɔɔ ba te kohona. Mbarafo ne deŋnekpeɡ ɡboo su ba bambili.

Jeremia 48:29 ပူးပေါင်းရင်းမြစ်များ

Yela 138:6

A lole kɛŋɔ he lɔ nyundujaɡla dɛɛ nyiŋi nɛŋɡwɛɡra nɛ, kɛ mbarafo tena te, he dɛ na ba.

Sɛɡla 18:12

Maŋkurae nɛn aa dɛ maŋkura o te laanee dɛɛ ba o harɛ lɔe ne, pwɛra waa dɛ pwɛr o te ɡe ɛɛ tɛo jirima.

Sɛɡla 21:24

Nomɛlbwa waa dɛ maŋkura o te la dɛ́ ɛ mbarafo. O ɛ bammuɡli nɛn o we-ɛɛla ɛɛ ɡwaa kohona.

Sɛɡla 30:13

Nɛra bane dɛ ɛ mbarafo, dɛɛ nyiŋi nɛra nyubaahna.

Sɛɡla 8:13

Nomɛlbwa waa dɛ ɔmɛ Korowii kii wechɔɡa, anomanta, n kii mbarafo ne maŋkurae we-ɛɛla, ne wechɔɡa ŋwɛnɛre, dɛ nyosone.

Aesaya 13:11

Korowii ŋɔ, “Mɛɛ ba chɔɡ harɛ nɔɔ. Mɛɛ tɛr wechɔɡ-ɛɛra deŋnee ba wedoŋa wa, dɛ́ ɡel ɡɔɔra nɛra aa dɛ ɡɔɔ ba te la teŋe. Dɛ́ ba banɔ la baa dɛ ɛ mbarafo la ɡe ne harɛ.

Aesaya 16:6

Ya no ɡɛ Moab tena aa dɛ ɛ mbarafo, ɡɛ baa dɛ ɡɔɔ ba te dɛɛ baɡle ba te. Ba dɛ ɛ sikpeɡ dɛɛ maŋkura ba te, kɛ a ɛ wepuu.

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Amanesoma Luk Aa Chwera Tɔn 14:11

Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa dɛ pwɛr o te la, Korowii ɛɛ ɛo nɛnjenii.”

Jems 4:6

Kɛ chae Korowii aa na ya sum dɛɛ cha yaa la, on kpeɡa, ɡɛ Korowii Tɔn la aa baɡla ŋɔ, “Korowii dɛ ba nɛra baa dɛ ɛ sɔnnyin la ne harɛ, dɛɛ sune nɛra baa dɛ pwɛr ba te nɛ.”