Jeremia 48:26 - mzwDBL

²⁶ Korowii ŋɔ, “Hé tɛ Moab tena sen bá nyɔ dɛɛ kohona, dɛkalkɛ ba ɛ men Korowii deŋnekpeɡ. Hé ɡel ba chɔ dɛɛ ɡbaɡre ba chwɛɛra ta, dɛ́ berɛ akwekwe nɛra.

Jeremia 48:26 ပူးပေါင်းရင်းမြစ်များ

Job Tɔn 15:25

dɛkalkɛ banee nɛra baa ume nɔn dɛ pa Korowii Waa Ɛ Kpeɡri Bwa Dɔɔ nɛ, dɛ yo Korowii dɛ vɛoh la.

Job Tɔn 9:4

Korowii dɔ wejema, dɛ do kpeɡri taeh! Umee dɛ́ won ɛ deŋnekpeɡ o nɛ, á chiɡu kɛrɛdɛ nɔ?

Yela 2:4

Korowii soɡe o kookara ta nyundua dɛɛ mam ba, ba waa ɛ wesale o be.

Yela 59:8

Kɛ hen n Naa Korowii te, he dɛ mam ba, he dɛ di nɛra baa wola hen tomɛ la loro.

Yela 60:3

He ɡelɔ he nɛra na wahala kohona, ya valɛ dɛɛ yɛɛɡe kɛŋɔ yaa nyɔ sen dɛ dɛɛ ken.

Yela 75:8

Korowii kpoŋe numol, o bandia aa do kɛŋɔ danana nee suu. O fuɡa kɛŋɔ seŋkpeɡa tɛ nyubinikpeɡ tena bwa ba nyɔ, ba nyɔ a bwa a tonɛ kwaraa.

Kaala 5:2

Anee kooro la ŋɔ, “Umee Korowii n duuru, dɛ́ tɛ Israel tena ŋwɛnɛ ba kaalɔ? Maa Korowii bɛlbwa jemɛ, anomanta, maa ban ŋwɛnɛɛ tɛ ba kaa.”

Kaala 9:17

Kɛ ane a bwa, he ta dɛ maŋkura he te dɛɛ tɔ n nɛra nɛɛ ŋɔ haa ɡel ba kaa.

Aesaya 10:15

Kpanfɛ ɛɛ won ŋɔ o ɡwaa nɛn waa kpɔɔ dɛɛ teŋe daa aa, kɛɛ saradaa ɛɛ won ŋɔ o ɡwaa naate waa dɛ ɛ o ne toma aa? Guli ɛɛ won ɡɔɔ o te dɛ nɛn laa kpɔɔ waa? Kɛɛ da ɛɛ won ɡɔɔ nɛn aa?

Aesaya 19:14

Korowii perewi sibir ta ba nɛ, dɛ ɡel Ijipt tena ɛ sakaa ba we-ɛɛla ta, kɛŋɔ sennyɔdɛɛ yon chwɛɛ dɛɛ ɡbaɡre a ta la.

Aesaya 28:8

Chwɛɛra ɡboo ba teeburre bwa, a bobɛlbwa sese ta kae dɛ do wer.

Aesaya 29:9

Jerusalam tena nyoa ta kpoe yaa? He bwara ta yɔraa? He mwaalo ne, a ɡel he nyoŋe, he ta sen nyɔe kɛ dɛ ɡe dɛɛ, he dɛ yɛɛɡe, kɛ he ta seŋkpeɡa nyɔe.

Aesaya 51:17

Jerusalam tena, hé ir nyu ne, hé ir! He nyɔ Korowii danana nee a nyoa aa kpeɡa kɛŋɔ sen la, he nyɔ a bwa kwaraa dɛ dɛɛ, dɛɛ yɛɛɡe.

Aesaya 63:6

Bandia nee n tiɡri harɛre nɛra bwa nɛ, dɛ fuɡe ba chal ta harɛ.”

Jeremia 48:39

Hé na ɡɛ Moab harɛ bwa aa chɔɡa! Hé na ɡɛ o nɛra aa dɛ wi! Hé na ɡɛ sihiih aa kpo Moab nɛra ba baŋa ɡole! Moab bwa chɔɡɔ, asɛ harɛre nɛra baa soɡa baro bambile teŋe baa mam ba.”

Jeremia 48:42

Baa chɔɡ Moab harɛ nɛra bwaa, dɛkalkɛ ba vɛh men Korowii.

Jeremia 50:29

“Hé yerɛ nɛra baa jemɛ hɛma tae bwa bá ba yo Babelɔn tena. Hé bar bwɛjen la cheme, he bɛ ɡel bɛlbwa dɔ bɔr chwa le. Hé bɔ ba kem ɡɛ ba we-ɛɛla aa doa, ɡɛ baa kpɔa ɛ ba bala la, dɛkalkɛ ba vɛh men Korowii, Israel Nɛŋɡoroŋ la.

Jeremia 51:39

Ba dɛ nyin kondikwa kohona kɛɛ? Mɛɛ ɛ kondikondɛɛɡaa cheɡ ba, ásɛ ba di dɛ́ nyɔ sen dɛɛ lɛ ba sie, dɛ́ mamɛ dɛɛ moo. Baa iruu ka chɔ baa wola won ir kpa bwa. Men Korowiirii bola.

Jeremia 51:57

Mɛɛ ɡeloo o koranar ne nomonome, ne wejerema dɛ laa tena, nyɔ sen dɛɛ. Baa chɔ domii baa wola won ir kpa. Men Koranar Bwa Kooro maa ɛ Kooro laanee bola.”

Jeremia 51:7

Babelɔn fa do kɛŋɔ suuɡaswɛm numol, dɛ do men Korowii nɔn ta, dɛ ɡel harɛre nɛra bwa nyɔ o bini sen, dɛ dɛɛ dɛ bwa ɛɛ we choɡla.

Wiile 1:21

Ba no n wii maa dɛ wii, kɛ nomɛlbwa toole dɛ́ ba larawe n bwara. N dɔma bwa no n wenaale wa, asɛ ba sie lɛ kɛ haa kpɔa ba ta n nɛ. Gel tɔpere bɛl haa baɡɛ nyoa o waa la ba, ásɛ ba ɡe bwara nyɛɡ kɛ n kwaa nɔ.

Wiile 3:15

Waa aa do kpeli ɡboo o kpɔ tɛ mɛ. A ɛɛ mɛ kondikwaa ne nee mɛɛ nyɔ.

Wiile 4:21

Edom ne Us tena, hé hɛɡre dɛ́ ɡel he sie lɛ. He ɡe chɔɡa dɛ ba, hɛɛ yɛɛɡoo mumɡbal ne, ásɛ sihiih kpo heya.

Daneɛl 11:36

Siiria kooro la ɛɛ ɛ ɡɛ waa dɛ nyinii, dɛɛ ɛ mbarafo, dɛɛ ɡɔɔ o te ŋɔ o ɡwaa voɡ bɛlbwa, hale Nemenɛ Korowii waa kana la. Wɛɛ ɛ ɡɛ waa nɔ bwaa ka tel saŋ Korowii aa tɛr o deŋne. Korowii ɛɛ ɛ waa waa bola ŋɔ wɛɛ ɛo laanee.

Daneɛl 5:23

He ɛ deŋnekpeɡ Korowii waa dɛ di kora nyundua nɛ, dɛ ka kpɔ numoli aa lɔ o Dea he ne he nomonjena, ne he haahna dɛ he sɛnanar kpɔ nyɔ sen. He kpɛɛ voɡa baa kpɔ suuɡapoŋa, ne suuɡaswɛm, ne ayaawa, ne bune, ne daa dɛ bwea ɛa aa wola na, aa wola waa no kɛɛ dɛɛ no waa mun la. Kɛ Korowii he mkpa ne he wobɛlbwa aa lɔ o nɔn ta la te, he ta duure kpɔe tɛo.

Daneɛl 8:10

Nyeɡlejeɡa la wono kpeɡ kohona, dɛ ka tel nyundua laa kwaa aa wara dɛ ɛ weweela la be, asɛ dɛ taɡɛ a bini ane ta harɛ, dɛ tiɡri a nɛ.

Neehum 3:11

Gɛɛ he Niniwe tena ɡe ɛɛ ba dɛɛra dɛ́ chwa ka sɔh, dɛ́ nyin bɔr ka marɛ he dɔma bɛ heyaa na.

Habakuk 2:16

Jirima he fe aa dɔ la ɛɛ berɛ sihiih. He saŋ telo name, hé nyɔ dɛ́ chɔ mumɡbal! Korowii ɛɛ ɡeloo he ɡbaɡba nyɔ o danana nee aa su numol, ásɛ ncho dii tɔ jirima he fe aa dɔ la ta.

2 Tesalonika 2:4

Wɛɛ ɛ o tenee dɛ́ ɡwaa komɛlbwa nɛra aa dɛ toma dɛɛ yera ba dɔɔranar, hale wɛɛ kpɔ Korowii Dea berɛ sobɔr dɛ́ ŋɔ onee Korowii.

Wepila 16:19

Bwɛjen la peɡri atoro, asɛ harɛ nɔ ta bwɛɛre bwa paɡre. Korowii lii Babelɔnjen tena wechɔɡa la wa, dɛ ɡel ba nyɔ o danana nee a nyoa aa kpeɡa kohona kɛŋɔ seŋkpeɡa la.