Jeremia 48:11 - mzwDBL

¹¹ Korowii ŋɔ, “Moab tena fa soɡe deŋnesɔɔhna ta, ba ta ban lawɛ kaa harɛfale ta bwa. Ba fa do kɛŋɔ sen mun a taa lɔ loŋ bini, baa wola an fuɡe do loŋfale bini ken. A kpeɡri, a sɔɔh ɡe ta charɛ bwa, dɛ ta do ɡɛ aa doa wubwa la.

Jeremia 48:11 ပူးပေါင်းရင်းမြစ်များ

Yela 123:4

Dɔɔhna mamɛ yaa biɡri, mbarafo tena nyiŋi yaa vah.

Yela 55:19

Hen Korowii, henee dɛɛ di kora saŋ bɛlbwa, hɛɛ no n wesoŋaa dɛ́ yoo ba, dɛ́ pɔ ba nɛ. Dɛkalkɛ ba vɛh ba liire chara, baa hen ɔmɛ.

Sɛɡla 1:32

Gɛna dɛ sewɛ wejema baa vɛah wa, dɛkalkɛŋɔ ba kpɔ wejema dɛɛ ta habɔɔ, baa sie waa ta do.

Aesaya 16:6

Ya no ɡɛ Moab tena aa dɛ ɛ mbarafo, ɡɛ baa dɛ ɡɔɔ ba te dɛɛ baɡle ba te. Ba dɛ ɛ sikpeɡ dɛɛ maŋkura ba te, kɛ a ɛ wepuu.

Aesaya 24:3

Harɛ nɔ ɛɛ chɔɡoo dɛ́ chɔ pɛɛ, o komɛlbwa tonɛ kwaraa. Korowiirii bola.

Aesaya 25:6

Koranar Bwa Kooro ɛɛ yerɛ harɛre nɛra bwaa ŋɔ, bá ba di kondikonjena, dɛ́ nyɔ sendɛɛɡa dɛ́ lɛ ba sie, Saayɔn Bwejen ta Jerusalam.

Jeremia 22:21

Gɛ saŋ he wobɛlbwa aa wera tɛɛ laanee n kaeh, kɛ he ŋɔ, ‘Maa deŋnee cheɡ dɛ́ no.’ Gɛɛ he do dɛ le he bechale saŋ bwa, haa sɛɛh dɛɛ teŋɛ n waa ta.

Jeremia 48:12

Anomanta, tɔpere bɛl dɛ ba ásɛ men Korowii tomɛ nɛra bá ba fuɡe Moab tena ta, kɛŋɔ baa dɛ fuɡe sen loŋa bini la ken. Komɛlbwa aa a bini kae ba, ásɛ ba paɡre a bwa.

Jeremia 48:29

Ya no Moab tena mbarafo wa, ba dɛ na ba nyu, dɛɛ ɡɔɔ ba te kohona. Mbarafo ne deŋnekpeɡ ɡboo su ba bambili.

Jeremia 51:34

Jerusalam tena ŋɔ, “Babelɔn kooro chɔɡ ya Jerusalam tena dɛ kpoo yaa, o ɡelɔ ya do kɛŋɔ loŋ komɛlbwa aa wola toole o bini ken. O do kɛ harɛkon dɛ lawɛ yaa lile ya ola do o som o tea su, dɛ berɛ uɡe yaa ta.

Neehum 2:10

Niniwe bwa chɔɡɔ, ba pa o kwaa bwa kwaraa, o chɔ pɛɛ. Ɔmee su o nɛra bwa, ba natuune sɔɔh, ba bwara ɛɛ sa, ba siebɔra ɡwaŋre.

Neehum 2:2

Korowii berɔ dɛɛ ba Jekɔb jirima kpɔe tɛo, kɛŋɔ waa kpɔ Israel tena jirima tɛɛ ba la. A lole kɛŋɔ nɛnchɔɡa chɔɡ ba bwa, harɛ la chɔ pɛɛ, dɛ chɔɡ ɡrepo daa baa kpɔ a nɔna dɛɛ ɛ sen bwa.

Sefania 1:12

A ɡɛ saŋ mɛɛ kpɔ kandeaa ɡaaɡe Jerusalam bwa, dɛ́ tɛr nɛra baa dɛ lii kɛŋɔ wobɛlbwa ta ban hiaeh, ba nyu bini do ba som la deŋne, dɛɛ lii ŋɔ, ‘Wobɛlbwa aa ɛ wedɛɛɡa kɛɛ anchɔɡa la, Korowii waane laa.’

Sekaria 1:15

kɛ n baah di harɛre a nɛra aa dɛ lii kɛŋɔ ba soɡe deŋnesɔɔhna ta la nɛɛ kohona. Dɛ n fe dɛ na n nɛra sum, kɛ ɡɛ harɛre la nɛra ɡelɔ n nɛra wahala ɡwaa kohona.