Jeremia 46:9 - mzwDBL

⁹ Jaɡre ne kwaa aa do kɛ torɔɡore ba vɔwɛ dɛɛ pɛla, hé le dɛ́ ka yo. Nɛra haa soɡe jaɡre ta, hé kpɔ sibeɡra le. Banyoola, hé le dɛɛ kaa, Itiopia ne Lebya harɛre baala, hé kpɔ kwaa baa kpɔa dɛɛ tɔ ɡbemɡbe dɛɛ yo laa kpoŋe, ásɛ Lidia baala harɛ ba tori.

Jeremia 46:9 ပူးပေါင်းရင်းမြစ်များ

Mumpar 10:13

Lud ne Anam ne Lɛhab dɛ Naftu tena nabaalee Misraim,

Mumpar 10:6

Ham bibaala waa lol ba laanee, Kus ne Misraim ne Put dɛ Keenan. Ba sɔna nɔ cheɡɔ tɛ ba naanar sɔna.

1 Webena 1:11

Lud ne Anam ne Lɛhab dɛ Naftu tena nabaalee Misraim,

Aesaya 66:19

Mɛɛ ɛ waane ba binii, dɛ́ tomɛ banɔ la baa le a nyoa la, ásɛ ba la bojaŋa harɛre nɛra baa wola n waa noɛ dɛ na n jirima ne n kpeɡri la be. Harɛre nɛra kɛŋɔ, Taases ne Lebya dɛ Lidia tena. Lidia tena nɔ jemɛ to tae taeh, ne Tubal ne Grik tena harɛ. Gɛ harɛre nɔ nɛra bee baa ba laŋa dɛ́ ka bol n kpeɡri maa dɔa la waa baɡ ba.

Jeremia 30:5

“N no lɔŋɔ waa do ɔma kohona, hundam chole bobɛlbwa, deŋnesɔɔhna aa wola toole bela.

Jeremia 47:3

Baa dɛɛ no jaɡre aa dɛ chwa nakpale sii, ne kwaa aa do kɛ torɔɡore kɔbare sii. Mɛɛnanar aa ke nyiŋi ba bii dɛ́ cha ba, dɛkalkɛ ɔmee chole ba nɛɛ kohona, baa wola won ɛ wobɛlbwa.

Jeremia 51:11

Laa sitɔɔla ŋɔ, “Hé sar hɛma nyoo, dɛ́ kpɔ kwaa haa kpɔ tɔ he te ɡbemɡbe laa ta! Korowii di Midia koranar liire, dɛkalkɛ o dɛ nyin ó chɔɡ Babelɔn harɛ. Korowii koh o Dea la wa dɛɛ nyin ó bɔ ba ba wechɔɡa kem.

Ɛsekeɛl 27:10

Pɛɛsea ne Lidia dɛ Put harɛre baalaa ɛ he laa tena. Ba kpɔ kwaa baa kpɔa dɛɛ tɔ ba te ɡbemɡbe, ne buni ɡbɛrɛre saɡɛ he danjwɛɛre ta, dɛ ɡel he dɔ sɔn ne jirima.

Ɛsekeɛl 30:4

Laa tena dɛ ba ba yo Ijipt tena, Itiopia tena loo ɛɛ kuu. Baa ba kpoo Ijipt tena la, baa pa ba kondɔɔh kaa, dɛ́ chɔɡ harɛ la ó berɛ dimɡbia.

Ɛsekeɛl 30:5

Baa kpoo Itiopia ne Lidia ne Arab, dɛ Lebya harɛre laa tena baa kaa kpɔ ba, ba ba cha ba la bwa laa taa, dɛ́ kpoo n nɛra la bini bane ɡe.’ ”

Neehum 3:9

Onee dɛɛ nyiŋi Itiopia ne Ijipt harɛre ta, o kpeɡri ta nyoa dɔe, Put ne Lebya harɛre nɛra bwa ɡe jao dɛɛ chao.

We-ɛɛla 2:10

bane le Frejea ne Pamfilia, bane le Ijipt ne Lebya harɛ, Sairini jwɛɛh bela. Ya bane le Rom.

1 Kɔrent 1:8

Ya Dɔɔ Yeesu Kristo nɔɔ dɛɛ ba ɡela he che kiŋkiŋ ka tel he serewe bena, ásɛ awola tɔpere waa ba la, wechɔɡa bɛlbwa bɛ he nɛɛ do.