Jeremia 46:28 - mzwDBL

²⁸ N nɛra Israel tena, mɛɛ ja he nɛɛ dɛ́ lɛ heya, mɛɛ chɔɡ harɛre nɛra maa lɔ heyaa peɡre ba bini bwaa, kɛ he te, maa den chɔɡ heyaa kwaraa. Mɛɛ tɛr he deŋnee, kɛ aŋwɛnɛ taa mɛɛ ba he deŋne tɛra. Men Korowiirii bola.”

Jeremia 46:28 ပူးပေါင်းရင်းမြစ်များ

Yela 46:11

Nemenɛ Korowii ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Yela 46:7

Korowii waa ɛ Koranar Bwa Kooro ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Aesaya 27:7

Korowii ta Israel tena deŋne tɛrɛ kohona, dɛ kpoo ba kɛŋɔ waa kpoo ba dɔma la.

Aesaya 27:9

Dɛ Korowii ɛɛ kpɔ Israel tena wechɔɡaa kɛ ba aa, atane baa kuuɡi kwaa baa kpoo kwaa a ta ɛ saraha dɛɛ tɛ ba voɡare la buruburu kɛŋɔ fula ken, dɛ́ teŋni ba voɡhaah Asera dajaŋa, ne bwea baa paaɡa dɛ fuh daawiile dɛɛ tɛo a ta la bwa ta.

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 43:2

He dɛ ɡale vile aa, ń ja he nɛ, haa morɛ, wobɛlbwa aa heyaa ɛ. He jo nii ta naa, haa fuh. Aa heyaa nyaa, á ba ɛ kɛŋɔ hɛɛ fuuh.

Aesaya 44:1

Korowii ŋɔ, “Israel tena haa ɛ Jekɔb naanar, hé no! He ɛ n bonɔɔna n le heyaa tɛ n te.

Aesaya 45:23

N ŋwɛɛ n ɡbaɡba, maa nentanee ta dɛ́ berɛ kpɛla. N nyoa wobol bɛlbwa toɡrɔ. Nomɛlbwa ɛɛ ɡuŋ mɛ harɛɛ, ásɛ dɛ che n sɔn ta ŋwɛɛ kɛŋɔ ba Dɔɔree men.

Jeremia 1:19

Baa yoi, kɛ baa won pɔ he nɛ, dɛkalkɛ n ja he nɛɛ ásɛ dɛ lɛɛ, men Korowiirii bola.”

Jeremia 10:24

Kpɔ kasinteŋ ŋwɛnɛ ta toɡ mɛ, he bandia ne laa, ɡɛ laa aa, hɛɛ chɔɡ mɛɛ.

Jeremia 15:20

Mɛɛ ɡeloo he do kpeɡri kɛŋɔ danjwɛkpeɡ tɛ nɛra nɔ, danjwɛkpeɡ tenten baa kpɔ ayaawa ɛo. Baa yoi kɛ baa won pɔ he nɛ, dɛkalkɛ n ja he nɛɛ dɛ́ lɛɛ. Men Korowiirii bola.

Jeremia 23:4

Mɛɛ berɔɔ le sitɔɔla baa nyiŋi ba nɛ, ásɛ bɛlbwa aa ɔmɛ kɛɛ dɛ́ nyoɡre kpa. Men Korowiirii bola.”

Jeremia 25:9

wɛɛ yerɛ nɛra baa lɔ weekaŋle nyunduabɔr, ne o bonɔɔ Babelɔn Kooro Nebukadnesaa, ásɛ ba ba yo nɛra baa soɡe Juda ne harɛre aa bara cheme bwa. Wɛɛ chɔɡ ba bwaa kwaraa ken, ásɛ ba do kɛ komɛl waa doŋa nɛra na dɛɛ mamɛ, harɛ la bwa chɔ pɛɛ saŋ bɛlbwa dɛɛ la.

Jeremia 30:10

Anomanta, n nɛra, he bɛ ɔmɛ, Israel tena, he bɛ ɡel he bambile chɔɡ. Mɛɛ lɛ heyaa le bojaŋ harɛre taa ba, he naanar baa laɡ ba kaa bojaŋ harɛfale ta la. Ásɛ he berɛ dɔ deŋnesɔɔhna ne bosɔɔhna, nomɛlbwa aa heyaa aah kpa.

Jeremia 30:11

Mɛɛ ja he nɛɛ, ásɛ dɛ lɛ heya. Mɛɛ chɔɡ harɛre nɛra maa lɔ heyaa peɡre ba bini bwaa, kɛ he te, maa den chɔɡ heyaa kwaraa. Mɛɛ tɛr he deŋnee, kɛ mɛɛ sune he nɛɛ dɛ́ nyiŋi heya kɛrɛdɛ. Men Korowiirii bola.”

Jeremia 4:27

Waa Korowii aa dɛ bol laanee nɔ, “Harɛ la bwa dɛ́ ba dimɡbia bera, kɛ maa den chɔɡ o bwa kwaraa.

Jeremia 5:10

Mɛɛ ɡeloo dɔma ba teŋni n nɛra daa kooni nɔna ta, kɛ baa den chɔɡ a bwa kwaraa. Mɛɛ ɡeloo ba teŋni a kpala bwa ta, dɛkalkɛ ba cheɡɔ tɛ nɛra baa wola men jemɛ la.

Jeremia 5:18

Korowii berɔ ŋɔ, “Ane a bwa, tɔpere la telaa, maa he bwaa chɔɡ kwaraa.

Jeremia 51:46

He bɛ ɡel he bambile chɔɡ kɛɛ dɛɛ ɔmɛ, waa haa dɛ no harɛ la ta wa. Bena bɛlbwa hɛɛ dɛɛ no wefalaa, hɛɛ no yoi waa harɛ taa, kooro ne o dɔŋ kooro ɛɛ dɛɛ yoo.

Daneɛl 2:35

Belaa buni la, ne choh, ne ayaawa, ne suuɡapoŋ, dɛ suuɡaswɛm la bwa den kuuɡi buɡ la ta, dɛ do kɛŋɔ baa lɔ kwaa pɛla ta lɔmɔɡa saŋ a pɛɡa chɔ la ken. Asɛ peu ta dɛ kpɔa kaa, bɛlbwa ta kae. Kɛ bwekuŋi waa baa lɔ kon waa do kɛ nɛn la, baa ɛ bwejen tenten dɛ tɔ harɛ nɔ ta bwa.”

Habakuk 3:2

N Naa Korowii, n no he waa haa ɛa la. He we-ɛɛla nomanta, n cheɡɔ n bwara ɛɛ chel. Berɛ ɛ a ɡɛ wejena la ya saŋ nɔ ta, ásɛ dɛ ɡel ya jemɛ a wa, ásɛ wechɔɡa bɛlbwa yaa ɛ he baah di la, hé sune ya nɛ.

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

We-ɛɛla 18:10

dɛkalkɛŋɔ n cheɡɛ he habɔɔ. N nɛra warɛ bwɛjen nɔ ta. Anomanta, mɛɛ che he mun taa, ásɛ nomɛlbwa bɛ won ɛɛ wobɛlbwa.”

1 Kɔrent 11:32

Ya Dɔɔ aa dɛ nyiŋi ya waa bini taraken nɔ, o dɛ tɛr ya deŋne ásɛ ya ɡel wechɔɡa ɛɛ, ásɛ ya bɛ nɛra baa dɔ harɛ nɔ ta liire wɛɛ ba ban bolchɔɡe pae la nɛɛ ja.

2 Timoti 4:17

Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.

Josua 1:5

Korowii berɔ ŋɔ Josua be ŋɔ, “Nomɛlbwa toole dɛ́ won pɔ he nɛɛ wobɛlbwa ta he soɡa bini. Gɛ maa ja Mosis nɛɛ la, ɡɛɛ mɛɛ ba he ɡe nɛɛ jae maa wola habɔɔ le bwa.

Josua 1:9

Bɛ soh kɛŋɔ maa ŋɔ he be ŋɔ he che kiŋkiŋ dɛ́ dɔ bambile la! Bɛ ɔmɛ, bɛ ɡel he bwara ɡe yɔr. Men, Korowii haa dɛ tom mɛ la, n teŋɛ he nɛɛ bobɛlbwa haa kaa.”

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.