Jeremia 46:21 - mzwDBL

²¹ Laa tena baa kaa yaɡ ba ŋɔ bá ba yo tɛɛ ba aa kpeɡe dɛ́ won yo, ba do kɛŋɔ nabiiri aa jea ken. Ba ɡe ɛɛ berɔɔ chwa kaa baa wola won che ba naa ta, dɛkalkɛ ba wenaale tɔpere la telo, saŋ telo kɛ bá dɔ deŋnetɛra.

Jeremia 46:21 ပူးပေါင်းရင်းမြစ်များ

2 Samoɛl 10:6

Amɔn tena la aa na Kooro Devid bandia kɛŋɔ o mee le ba we-ɛɛla ta la, ba kaa kpɔ Siiria laa tena kaɡboŋa fifraanɛ baa dɛ valɛ le bwɛjena Bɛt Rehob ne Soba, ne Maaka Kooro ne o laa tena kaɡboŋ, dɛ laa tena kaɡboŋa fi dɛ banɛ baa le Tob harɛ ta ɡe ba ba cha ba.

2 Koranar 7:6

dɛkalkɛ Korowii ɡelɔ Siiria laa tena la no ɡbɔɡa kɛŋɔ torɔɡore, ne jaɡre nakpale sii dɛ laa tena damanta ɡbɔɡa kɛŋɔ baa dɛ ba ba be, asɛ ba ŋɔ dɔŋa be ŋɔ, “Hé na, Israel kooro kaa kpɔ Hiti ne Ijipt koranar ŋɔ, ba laa tena ba yo yaa.”

Yela 37:13

Korowii dɛ mamɛ nyubinikpeɡ tena, o jemɔ kɛŋɔ ba chɔɡa tɔpere telo tonɛ.

Sɛɡla 15:17

He di dɔkpɔɡa dɔr komɛlbwa aa wola toole a ta bela baa dɛ nyini, bɔ kɛŋɔ haa di nao waa do noo dɔr bela baa haeh.

Aesaya 10:3

Ɛrɛɛ hɛɛ ba ɛɛ awola Korowii aa dɛ ba he deŋne tɛra, ne wenaale aa le bojaŋ ba he nɛɛ laɔ? Umee hɛɛ ba chwae ka marɔɔ? Leperaa hɛɛ ba he kondɔɔh la ɡela ɔ?

Aesaya 34:7

Wɛɛ kpoo nɛra baa dɔ kpeɡri kɛŋɔ kpɔɡ bini nae, ne banɔ la baa do kɛŋɔ nabali bwaa, ásɛ harɛ la bwa sɔ chal ne no.

Jeremia 18:17

Gɛ peu yon ta le wee leebɔr la, ɡɛɛ mɛɛ ba ba lɔe peɡre ba dɔma sie. Ba wenaale tɔpere ta la, mɛɛ berɛ habɔɔ kpo ba, maa n sie berɛ dɛ́ cha ba.’ ”

Jeremia 46:22

Ijipt tena ɛɛ chwao dɛɛ si kɛ harɛkon ken ɡɛ saŋ baa na ba dɔma bala. Kpanfɛre nee ba dɔma ɛɛ ba bala bá yoo ba kɛŋɔ baala baa dɛ teŋe daa,

Jeremia 46:5

Bɔkwaa mɛɛ na nɔɔ? Ɔmee kohona chole Ijipt laa tena nɛɛ ba le habɔɔ chwa dɛɛ kaa. Babelɔn laa tena yoo ba dɛ pɔ ba banyoola nɛ. Ba kpɔ bochela chwa dɛɛ le, bɛlbwa aa kee dɛɛ nyiŋi, ɔmee kohona su ba bwa. Men Korowiirii bola.

Jeremia 46:9

Jaɡre ne kwaa aa do kɛ torɔɡore ba vɔwɛ dɛɛ pɛla, hé le dɛ́ ka yo. Nɛra haa soɡe jaɡre ta, hé kpɔ sibeɡra le. Banyoola, hé le dɛɛ kaa, Itiopia ne Lebya harɛre baala, hé kpɔ kwaa baa kpɔa dɛɛ tɔ ɡbemɡbe dɛɛ yo laa kpoŋe, ásɛ Lidia baala harɛ ba tori.

Jeremia 48:44

Nomɛlbwa koh ɔmee kohona la waa chwa dɛɛ kaa laa, wɛɛ le bɔɔ binii. Bɛlbwa ɡe waa ŋɔ wɛɛ leo la, belii dɛɛ ba o lawa, dɛkalkɛ Moab tena deŋnetɛra saŋ telo ń kpɔ ba ta ba nɛ. Men Korowiirii bola.

Jeremia 49:8

Bwɛjen Dedan tena, hé laa berɛ dɛ́ chwa! Hé ka sɔh bwebɔɔne aa luŋa bini, n dɛ ba Esɔ naanar chɔɡa, dɛkalkɛ tɔpere telo kɛ ń tɛr ba deŋne.

Jeremia 50:11

Korowii ŋɔ, “Babelɔn harɛ tena, he baa pa n nɛra laala laa ta kaa, asɛ he sie lɛ hɛɛ hɛɡre kɛŋɔ nao waa dɛ tiɡri mea, kɛɛ jaɡ-bala aa dɛ dooɡe lɔŋɔre ken.

Jeremia 50:27

Hé kpoo ba laa tena bwa. Babelɔn tena bwɛɛlɛ! Ba deŋnetɛra tɔpere telo.”

Ɛsekeɛl 30:22

Anomanta, men Nemenɛ Korowii ne Ijipt kooro dɔɔ. Mɛɛ ku o nɔɔraa, ásɛ kere la le o nɔn ta le harɛ.

Ɛsekeɛl 35:5

Edom tena, he fa ɛ Israel tena dɔm, dɛ ɡel ba dɔma kpoo ba ba wenaale tɔpere, ba wechɔɡa baa ɛa deŋnetɛraa.

Hosia 9:7

Tɔpera Korowii aa tɛr ba deŋne la dɛ tel, tɔpere waa bɔ ba kem la telo. Gel Israel tena jemɛ a ɡɛ waa nɔ. Ba wechɔɡa warɔ, ba ɡaeh we-ɛɛla ɡe do kan nomanta, ba ŋɔ Korowii keame la ɡɛnɔ, nɛn Korowii Doma aa lɔ o nɛɛ la ɛ choɡla te.

Emɔs 6:4

Mpare baa ɛa dɛ kpɔ bala nyena mɛɛ a taa hɛɛ chɔ, dɛɛ yale he kanedɛɛɡa ta. Hé kpoo pebiiri aa wera, ne nabali aa do bwara dɛɛ chwe.

Obadia 1:13

A ta chɛ kɛ he jo n nɛra be bwɛjen la ta he sie lɛ ba wenaale wa, dɛ́ kpɔ kpeɡri pa ba kondɔɔh kaa ba chɔɡa tɔpere wee.

Maeka 7:4

Ba bini nɛndɛɛɡe kwaraa do kɛŋɔ jabalnadaŋɛ. Onɔ la o wa aa toɡra ɡe do kɛŋɔ sɔɔh daa ken. Tɔpere telo kɛŋɔ Korowii tɛr ba deŋne ɡɛ waa cheɡɛ keamere baa dɛ daah ba nɛɛ kah ba la, ba wilo taraken kwara.

Matiu 22:4

Anee o berɛ kwaa tomɛ banfala dɛ ŋɔ ba be ŋɔ, ‘Hé ka ŋɔ nɛra maa yer ba la be ŋɔ ba tonɛ kondikwaa la. N kpoo nabala ne nae aa do noorare kohona, anomanta, n tonɛ komɛlbwa kɛ bá ba.’

Mmarare 32:15

Israel tena, he kpeɡo dɛ je, kɛ dɛ berɛ ɛ deŋnekpeɡ tena. He bare, dɛ do tɔɡre he bwara do wer. He berɛ habɔɔ kpo Korowii waa ta heya, dɛ vɛh he Lɛɛ waa do kɛ Bwetal dɛɛ tɛ heyaa mkpa la.