Jeremia 46:12 - mzwDBL

¹² Harɛre nɛra bwa ɛɛ no he sihiih haa dia waa, bɛlbwa no he wii haa dɛ wi bobɛlbwa. Laa tena ɛɛ lɔ naa dɛ́ laa dɔŋa, dɛ́ bwa choɡli.”

Jeremia 46:12 ပူးပေါင်းရင်းမြစ်များ

Jeremia 46:6

Laa tena baa ɡbaŋa kwara ta wone chwa le kaa. Ba lɔ naa weekaŋle nyunduabɔr Yufretis Moo ta dɛ choɡli.

Jeremia 14:2

“Juda harɛ nɛra dɛ wi, o bwɛjena nɛra bwara ɛɛ nyɛɡ, ba chɔ harɛ di suna dɛɛ ɡbaɡre, harɛ la chɔɡa wa, asɛ Jerusalam tena wi dɛɛ nyin chae.

Aesaya 19:2

Korowii ŋɔ, “Mɛɛ kpɔ naɡraa ta Ijipt tena nɛ ba ɡbo yo dɔŋa, dɔɔ ne nime yo, chamena ne o chamenate yo, bwɛjen ne o bwɛjen dɔŋ yo, ásɛ koranar ɡe yo dɔŋa.

Sefania 1:10

A ɡɛ tɔpere la, hɛɛ no wii le bwɛjen Jerusalam Pɛŋa Doonyoa bela, dɛ́ no wii le bwɛɛ la bwɛfala pera, ásɛ ɡbɔɡa kohona ɛɛ le deŋɡarere aa bɛne bwɛɛ la dor.

Jeremia 51:54

Korowii berɔ ŋɔ, “Hé no lɔŋɔre aa dɛ le Babelɔn harɛ, o nɛra dɛ wi harɛ la chɔɡa wa.

Jeremia 49:21

Edom harɛ baa paɡre tonaa, harɛ ɛɛ jiɡruu ásɛ harɛre nɛra ɛɛ no Edom tena lɔŋɔre, hale dɛ ka le Mposwɛm ta.

Jeremia 48:34

Hɛsbɔn ne Eleale tena lɔŋɔre dɛ le, hale aa tel Jahas tena be. A tel Soar tena be, dɛ kpoŋe kaa Horonaim ne Eɡlat Sɛleseya. Hale neerare aa lɔ Nimrim nenabɔɔ bwa hweehrɔ.

Aesaya 10:4

Wobɛlbwa toole hé ɛ kpa, nemenɛ hé ja nɛra baa laɡ ba laa ta, kɛɛ banɔ la baa ka kpoo la nɛ. Anɔ nɔ bwa habɔɔ, o baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

1 Samoɛl 5:12

Banɔ la baa wola serewɛ la, ɔɡra ɔɡ ba ba wi dɛɛ yerɛ ba voɡa ŋɔ á ba lɛɛ ba.

Aesaya 24:11

Ba dɛ wi sen waa fɔɡbaahna, silɛɛ bwa tonɔ, sum ɡboo kaa. Hɛɡra toole harɛ ta kpa.

Jeremia 2:36

Ɛrɛɛ hɛɛ ɡaaɡe kohona dɛɛ charɛ he we-ɛɛla ɡɛ nɔɔ? Ijipt tena ɛɛ neɡre heyaa kɛŋɔ Asiiria tena ɡe fa aa neɡre heyaa la.

Jeremia 47:2

O ŋɔ, “Na ɡɛ he dɔma aa wara dɛ le weekaŋle nyunduabɔr dɛɛ ba, ba do kɛŋɔ nee waa sua dɛ do ɔma. Dɔma la dɛ ba ba lɔ tɔ Filisti tena harɛ ne komɛlbwa aa lɔ o ta nɛ. Baa lɔɔ tɔ nɛra baa soɡe bwɛjena ta la nɛɛ, ásɛ nɛra ɔmɛ dɛɛ do lɔŋɔre kohona dɛɛ nyin chae, nomɛlbwa waa lɔ harɛ la ta ɛɛ wiu kohona.

Jeremia 50:46

Babelɔn harɛ baa paɡre tonaa, harɛ ɛɛ jiɡruu, ásɛ harɛre nɛra ɛɛ no Babelɔn tena lɔŋɔre.”

Neehum 2:5

Niniwe laa nomoa le o laa tena baa kpeɡa, kɛ ba lɔ nakpale ŋwɛnɛ ta dɛɛ ba. Ba chwao dɛ ka marɛ bwɛjen la danjwɛ, dɛ kpɔ kon tɔ ba te ɡbemɡbe.