Jeremia 45:1 - mzwDBL

¹ Waa Korowii keame Jeremia aa bol Nɛrea bibaa Baruk be, ɡɛ saŋ Juda Kooro Josia bibaa Jehoiakim aa di kora bene anaarɛ ta la, dɛ Baruk dɛ chwerɛ waa Jeremia aa dɛ bol.

Jeremia 45:1 ပူးပေါင်းရင်းမြစ်များ

2 Koranar 24:1

Kooro Jehoiakim kora dii saŋ, Babelɔn Kooro Nebukadnesa kpɔ o laa tena dɛ ka lɛ Juda harɛ dɔɔh, asɛ Kooro Jehoiakim do o lɔɡa bene atoro dɛɛ tomɔ. Kɛ o berɔ le Kooro Nebukadnesa habɔɔ.

2 Webena 36:5

Kooro Jehoiakim di bene fifraanɛ dɛ anue mɔɔ dɛ di kora Juda harɛ ta. O soɡe Jerusalam di kora bene fi dɛ beŋkpoŋ. O ɛ wechɔɡa dɛ jo Korowii waa dɛ tomɔ nɛ.

Jeremia 25:1

Kooro Josia bibaa Jehoiakim aa di kora bene anaarɛ ta la, Korowii bol waa men Jeremia be nɛra bwa baa lɔ Juda harɛ ta wa. Dɛ Babelɔn Kooro Nebukadnesa ɡe di benanyoa beŋkpoŋ o kora ta.

Jeremia 26:1

Kooro Josia bibaa Jehoiakim aa dena ba di kora Juda harɛ ta la, Korowii bol waa aa teŋa nɔ men Jeremia be ŋɔ,

Jeremia 32:12

dɛ kpɔa tɛ Nɛrea bibaa Baruk, o nabaa sɔne Maseeya. Hanamɛl ne danseɛ tena baa jaa dɛ ɛɡre ba nɔɔra la, dɛ Juda tena baa soɡe dembaah bela la bwa la siwi ta.

Jeremia 32:16

Maa kpɔ danseɛ tɔn la tɛ Baruk habɔɔ la, n soŋe Korowii ŋɔ,

Jeremia 36:1

Juda Kooro Josia bibaa Jehoiakim aa di kora bene anaarɛ ta la, Korowii bol waa men Jeremia be ŋɔ,

Jeremia 36:2

“Ir dɛ kpɔ tɔn chwerɛ Israel ne Juda tena, dɛ harɛre aa jaa waa maa bol he be, dɛ́ le Kooro Josia bere saŋ ba le fini.

Jeremia 36:26

Ate, Kooro la do o bibaa Jeramiil, ne Asriel bibaa Seraya dɛ Abdeel bibaa Sɛlɛmia ŋɔ bá ba lawɛ Baruk ne men Korowii keame Jeremia ba tɛo. Kɛ Korowii lawɛ yaa sɔh.

Jeremia 36:32

Anomanta, men Jeremia kpɔ tɔnfale tɛ Nɛrea bibaa Baruk waa ɛ n karake la. Asɛ o chwerɛ wobɛlbwa a fa aa lɔ loɡle tɔn la bini dɛ anɔ la bwa aa jaa n kpɔ tɛo la.

Jeremia 36:4

Anomanta, men Jeremia yerɛ Nɛrea bibaa Baruk, dɛ kpɔ waa bwa Korowii aa bol n be la tɛo ó chwerɛ. Asɛ Baruk chwerɛ a bwa do tɔn bini.

Jeremia 45:2

A habɔɔ la, Korowii Israel tena aa dɛ tomɔ ŋɔ ń bol Baruk be ŋɔ,

Jeremia 46:2

Ijipt harɛ waa tɔ sie. Waa nɔ kaalɔ dɛɛ tɛ Ijipt Kooro Neko ne o laa tena. Onee Babelɔn Kooro Nebukadnesa yo dɛ pɔ o nɛ bwɛjen Kaakɛmes, o bɛne Yufretis Moo nyoa, ɡɛ saŋ Juda Kooro Josia bibaa Jehoiakim aa di kora bene anaarɛ ta.

Jeremia 51:59

Waa men Jeremia aa kpɔa tɛ Nɛrea bibaa Seraya, baa dɛ yerɛ o nabaa Maaseya laanee teŋa nɔ. Dɛ onee dɛɛ cha Juda Kooro Sedekia ɡɛ saŋ waa di kora bene anaarɛ, asɛ o ne o la Babelɔn harɛ ta.

Daneɛl 1:1

Kooro Jehoiakim aa di kora Juda harɛ ta bentooro te ta la, Babelɔn Kooro Nebukadnesa kpɔ o laa tena la ka chɔ bar bwɛjen Jerusalam dɛ yo bwɛɛ la tena.