Jeremia 44:22 - mzwDBL

²² Korowii aa wola won so nyiŋi he nyubinikpeɡ we-ɛɛla ne waa waa kia hɛɛ ɛ la, anee ɡela he harɛ la berɛ kon baa taahno, dɛ berɛ dimɡbia nomɛlbwa aa wola o ta soɡe hale ba le fini la.

Jeremia 44:22 ပူးပေါင်းရင်းမြစ်များ

Jeremia 25:18

Jerusalam ne Juda bwɛɛre nɛra, ba ne ba koranar ne nomonome bwa, ásɛ a ɡel ba harɛ berɛ dimɡbia, nɛra bambile teŋe baa mamɛ dɛɛ taah ba dɛ kpoŋe ba le fini.

Malakae 2:17

He ɡelɔ Korowii mee le he wobol ta. He dɛ pɛɛ ŋɔ “Ɛrɛɛ ya ɡel o mee leɔ?” He ŋɔ, “Korowii sie dɛ lɛ nɛra baa dɛ ɛ wechɔɡa nɛ, dɛ berɛ ŋɔ leperaa Korowii o waa aa dɔ kasinteŋ la dɔɔ?”

Jeremia 44:12

Kɛ Juda tena baa kaa dɛɛ nyin kɛ ba ka so Ijipt harɛ ta la te, mɛɛ chɔɡ ba bwaa. Nomonome ne bechale bwaa dɛɛ ba laa kɛɛ lɔr ta sewa Ijipt harɛ ta. Nɛra ɛɛ nao ba bambile teŋe, dɛ yerɛ ba sɔn dɛɛ taah ba, dɛɛ nyiŋi ba nyubaah.

Jeremia 25:38

Korowii vɛh o nɛra kɛŋɔ nyujente yon chwa le o sɔɔhbɔr la ken. Harɛ la berɛ pua hɛŋle ɡbo harɛ, dɛkalkɛ Korowii cheɡɛ o bandia kohona ta ɡel ba dɔma ba chɔɡ ba harɛ.

Jeremia 25:11

He harɛ nɔ bwa ɛɛ berɛ dimɡbiaa, nɛra na ba nyoa kpo, ásɛ harɛre aa baro cheme la nɛra do Babelɔn kooro lɔɡa, dɛɛ tomɔ bene fifraanuanɛ.

Jeremia 18:16

Ba harɛ ɛɛ berɛ dimɡbiaa, dɛ́ berɛ waa nɛra aa na dɛɛ mamɛ tɔpere bɛlbwa, ásɛ nɛra baa teŋa baa kaa bwa nyoa kpo dɛɛ viiɡi nyuune.

Aesaya 43:24

He ta daawiile kalamus a sɔɔh aa soma yawɛ bá fuh tɛ mɛ, á ba ɛ kɛŋɔ he tɛ mɛ he saraha kwaa bodɛɛɡa á su n siwi. Kɛ he wechɔɡa kan dɛ ɛɛ mɛ bone, he wedoŋa ɡe ɛɛ le n mee.

Aesaya 7:13

Ate, Aesaya chaŋe ŋɔ, “Kooro Devid naanar, hɛ́ɛ no. Hae haa dɛ ha nɛra ba mee le ta maɡrɛ, asɛ he berɛ dɛɛ nyin he ha Korowii ɡe naa?

Tɔn Pɔɔl Aa Chwerɛ Rom Tena 9:22

Gɛɛ a do Korowii be. Nɛwɛnyina ɛ o viine waa maa. Bane chɛ chɔɡa. O ma bane ɡe ásɛ ba ba na som o be. Dɛ o fe dɛ nyin o baɡle o bandia nɛra baa chɛ chɔɡa la nɛɛ dɛ́ ɡel nɛra na o kpeɡri, kɛ o lawɛ bambile,

Emɔs 2:13

Taraken, mɛɛ tiɡrii do harɛ kɛŋɔ torɔɡo yon che bone kohona dɛ tire kon ta la.

Daneɛl 9:12

He ɡelɔ waa he fa aa bola dawɛ ya nɛɛ kɛŋɔ, hɛɛ kpɔ deŋnetɛraa ba ya ne ya koranar nɛɛ la ɛ ɡɛ. Harɛ nɔ ta bwa, he ta nɛra deŋne tɛrɛ ɡɛ haa tɛr bwɛjen Jerusalam tena deŋne nɔ bwa.

Ɛsekeɛl 5:13

N sie aa beɡre ń ba tɛr he deŋne n bandia kohona ne tonɛ n baah sɔɔh mɛ la, hɛɛ jemɔ kɛŋɔ men Korowiirii bola a ɛ ɡɛ.

Jeremia 44:6

Anomanta, n kpɔ n bandia ba ta Juda bwɛɛre nɛ, ne Jerusalam fɔɡbaahna, dɛ kpaa nii do a ta. A bwa kuuɡo dɛ berɛ dimɡbeeni dɛ do ɔma, nomɛlbwa aa wola nyin kɛ o nyiŋi, dɛ ba le fini.

Jeremia 44:2

Koranar Bwa Kooro, Israel tena aa dɛ tomɔ la ŋɔ, “He ɡbabir na chɔɡa maa chɔɡ Jerusalam ne Juda bwɛjena la bwa. Hale a bwa berɛ dimɡbia, nomɛlbwa aa wola a ta soɡe,

Jeremia 29:19

Gɛ waa nɔ bwa ɛɛ ba ba nɛɛ, dɛkalkɛ ba ta n waa maa cheɡɛ n bonɔɔna baa ɛ n keamere nɛɛ dɛ bol ba be keraŋwɛnɛ bwa la noɛ. Ba deno vɛh n waa la noe.’ ” Korowiirii bola.

Jeremia 26:6

Dɛ he ta teŋɔ dɛɛ ɛ deŋnekpeɡ aa, ate waa maa ɛ Silo laanee mɛɛ ba n Dea bonɔ ɛɛ, ásɛ harɛre nɛra bwa kpɔ bwɛjen Jerusalam sɔn ɛ kon baa taahno.”

Jeremia 24:9

Mɛɛ kpɔ wenaale kohonaa ba ta ba nɛ, ásɛ harɛre nɛra bwa ɔmɛ kohona. Nɛra ɛɛ dɛɛ mam baa dɛɛ muɡli ba baah, dɛɛ taah ba bobɛlbwa maa lɔ ba peɡre bwa.

Jeremia 15:6

He berɛ habɔɔ kpo mɛ, he deno na teŋɛ dɛɛ vɛɛh mɛ. Anomanta, mɛɛ kpɔ nɔnee dawɛ he nɛ dɛ́ chɔɡ heya, maa won dɔ tedoma tɛ heyaa kpa. Korowiirii bola.

Aesaya 1:24

Anomanta, Korowii, Koranar Bwa Kooro, Israel Kpeɡnɛn la ŋɔ, “Namete he berɛ n dɔma n bwaawee ir he nɛ. Mɛɛ tɛr he deŋnee bɔ kem ásɛ n baah sɔɔh mɛ.

Mumpar 19:13

dɛkalkɛ ɡɛ ba wechɔɡa aa le nɛra bwa mee baa bola la kan to. Anomanta, Korowii tomɛ yaa ŋɔ yá ba chɔɡ bwɛɛ nɔ.”

Mumpar 6:3

Anee Korowii ŋɔ, “Maa ɡel n Doma waa dɛ tɛ mkpa la do nɛwɛnyini bini saŋ bɛlbwa dɛɛ la. Baa wonoo sewɛ. Taraken, nɛn aa biɡra kwaraa la, anee bene lafa fifraanɛ ɡbo, dɛ o sewɔ.”

Jeremia 4:4

Hɛɛ teŋɛ fɔo he ne men Korowii haa dɛ tom mɛ aa fɔwa la ta, dɛ́ kpɔ he te bwa tɛ mɛ, he Juda ne Jerusalam tena bwa. Gɛ laa aa, n baah ɛɛ diu kohona, he wechɔɡa haa ɛa la wa, ásɛ nomɛlbwa aa won sɔɔh o nyoa.

Jeremia 21:12

Kooro Devid naanar, waa Korowii aa dɛ bol laanee nɔ. ‘Hé na kɛŋɔ waa aa wera dɛ toɡre lole tɔpere bɛlbwa, hé lɛ nɛra baa dɛ fiɡ ba le ba dɔɔranar nɔn ta, nɛra baa lɛ ba laala bwa la. Dɛ ɡɛ laa aa, n bandia ɛɛ fuuh kohona kɛŋɔ nii ken, bɛlbwa aa wola won sɔɔh o nyoa, wechɔɡa haa ɛa la wa.

Jeremia 23:2

Anomanta, waa Korowii Israel tena aa dɛ tomɔ la aa dɛ bol sitɔɔla aa chɛ kɛ bá nyiŋi o nɛra nɛɛ laanee nɔ, “He ta n nɛra la nɛɛ nyiŋe dɛ doŋ ba, dɛ ɡel ba lɔ peɡre. Taraken, n dɛ ba he deŋne tɛra, he wechɔɡa haa ɛa la wa.

Jeremia 29:18

Mɛɛ kpɔ laa ne lɔr dɛ weechɔɡaa ba ta ba nɛ, ásɛ harɛre nɛra bwa hah ba. Bobɛlbwa maa lɔ ba peɡre kaa la, nɛra ɛɛ na baa ba bambile teŋe ba nyoa kpo waa aa puu ba la wa. Nɛra ɛɛ dɛɛ mam baa, ba berɛ kon nɛra aa na dɛɛ taahno.

Jeremia 30:14

He daamanar bwa soh he wa, bɛlbwa toole dɛɛ nyiŋi heyaa kɛrɛdɛ kpa. N baa yo heya kɛ he dɔm, dɛ tɛr he deŋne kohona, dɛkalkɛ he wechɔɡa ne he nyubinikpeɡ kan kɛrɛdɛ.

Jeremia 34:22

Mɛɛ do baa ásɛ ba berɛ ba bwɛjen nɔ ta. Baa ba yo nɛra baa lɔ o taa dɛ́ laɡ ba, ásɛ dɛ fuh o bwa. Mɛɛ ɡeloo Juda harɛ bwɛɛre do kɛŋɔ pua hɛŋle ɡbo harɛ ta ken, nomɛlbwa aa won so a ta. Men Korowiirii bola.’ ”

Jeremia 42:18

Koranar Bwa Kooro, Israel tena aa dɛ tomɔ la ŋɔ, ‘Gɛ maa kpɔ n bandia kohona ba ta nɛra baa lɔ Jerusalam nɛɛ la, ɡɛɛ dɛ he kaa Ijipt harɛ ta naa, mɛɛ ba n bandia kpɔe ba ta he nɛ. Nɛra ɛɛ nao dɛɛ taah heya ba bambile teŋe, dɛɛ mamɛ heya. He siwi aa harɛ nɔ nae ba kpa.’ ”

Jeremia 48:9

Hé paaɡe bwea a che tɛ Moab harɛ, dɛkalkɛ aa biɡri ba chɔɡo. Moab bwɛɛre dɛ ba dimɡbia bera, nomɛlbwa aa belaa so kpa.”

Ɛsekeɛl 39:23

Harɛre ta nɛra ɛɛ jemɔɔ kɛŋɔ, Israel tena wechɔɡa baa ɛa laanee ɡela ba dɔma laɡ ba laa ta kaa bojaŋ harɛfale ta, dɛkalkɛ ba le n habɔɔ. N laa sie kpɔ ba nɛɛ dɛ kpɔ ba do ba dɔma nɔn ta, ba kpoo ba keri ne.

2 Koranar 17:15

Ba vɛh waa Korowii aa do ba a ta la, dɛ vɛh fɔo o ne ba naawa aa fɔwa, ne kaeh waa kah ba la. Ba teŋɛ voɡa aa ɛ konsale nɛ, dɛ ɡbabir ɡe ɛ nɛnsale. Ba chaa harɛre aa bar ba la nɛra nawee we-ɛɛla, dɛ kpɔ ba da. Dɛ Korowii ŋɔ ba be ŋɔ, “He bɛ ɡɛ baa dɛ ɛ la ɛ.” Kɛ ba ɡarɔ ɛ ɡɛ Korowii aa kah ba ŋɔ ba bɛ ɛ la.

Jeremia 5:9

A ta chɛ kɛŋɔ ń tɛr ba deŋne waa nɔ wa aa? A ta chɛ kɛ n bɔ harɛ waa do ken nɔ nɛra kem aa? Men Korowiirii bola.

Daneɛl 9:11

Ya Israel tena bwa koni he Mmara la, dɛ vɛh kɛŋɔ yaa no he waa. Asɛ he ɡel taahna waa baa ŋwɛɛ ntam dɛ chwera he bonɔɔ Mosis Mmara la ta la ba ya nɛ, dɛkalkɛ ya ɛ wechɔɡa dɛ jo he nɛ.