Jeremia 44:17 - mzwDBL

¹⁷ Yaa ɛ waa yaa ŋɔa yaa ɛo laanee. Yaa ɛ saraharee tɛ ya voɡ waa ɛ Nyundua Haŋkooro la, dɛ́ fuɡe sen ɛ saraha tɛo ɡɛ ya naawa ne koranar dɛ nomonome fa aa dɛ ɛ Juda bwɛɛre ta ne Jerusalam fɔɡbaahna la. A ɡɛ saŋ la, ya dɔ kondikwa kohona asɛ ya wobɛlbwa do wer, wenaale bɛlbwa ta ya nɛɛ balɛ.

Jeremia 44:17 ပူးပေါင်းရင်းမြစ်များ

2 Koranar 17:16

Ba ɡel Korowii baa dɛ tomɔ la mmarare bwa ta teŋa, dɛ loɡɛ nabali anɛ, dɛ ɛa voɡa dɛɛ toma. Dɛ paaɡe ba voɡ Asera dajaŋa dɛɛ tomɛ weweela ne voɡ Baal.

2 Koranar 22:17

dɛkalkɛ ba vɛɛh mɛ, dɛ ka fuh konsɔɔhsoma voɡa ta, dɛɛ muɡli n baah voɡa ba ɡbaɡba aa ɛa ne. N baah ɛɛ di ba nɛɛ bonɔ kohonaa, aa wola sɔɔh bwa.

2 Webena 28:23

O kpoo kwaa ɛ sarahare Damaskɔs tena baa yoo dɛ pɔ o nɛɛ voɡare ta, dɛkalkɛ o liiro ŋɔ, “Siiria koranar voɡa aa cha ba nomanta, mɛɛ kpoo kwaa ɛ sarahaa tɛa, ásɛ a cha mɛ.” Kɛ anee ɡela o ne Israel tena lɔ harɛ.

Nehemia 9:34

Ya koranar ne nomonome ne sɔfore, dɛ ya naawa ta he Mmarare ta teŋɛ. Ba ta waa haa do ba a ta ne waa haa kah ba ta teŋɛ.

Yela 106:6

Ya ɛ wechɔɡa kɛ ya naawa ken, ya ɛ nyubinikpeɡ dɛ koni.

Yela 12:4

A ɡɛ nɛra la dɛ ŋɔ, “Ya nyoa ɛɛ yoo tɛ yaa. Yaa bol anɔ la yaa dɛ nyinii. Nomɛlbwa toole dɛ́ tɔ yaa ŋwɛnɛ.”

Kaala 16:3

dɛ ŋɔ, “Korowii fe den kpoo yaa Ijipt harɛ ta kwaraa naa, a fe bɔ. Yaa lɔ bela dɛ ola su viine, yaa di kondikwa ɡɛ yaa dɛ nyin. Dɛ a bɛlbwa ta yaa nyae, asɛ he kpɔ yaa ba ta pua hɛŋle ɡbo harɛ ta bonɔ lɔr kpo yaa ya bwa ɛɛ ba serewa nɔ.”

Aesaya 48:5

A waa ɡela n bol waa aa dɛ ba bala kerekere la, dɛ bol waa aa dɛ ba chiɡa mɔɔ á chiɡ, ásɛ he bɛ ba ŋɔ he voɡaa ɡela a chiɡ.

Jeremia 1:16

Mɛɛ ba bol n nɛra waa dɛ́ tɛr ba deŋne, ba nyubinikpeɡ ne habɔɔ baa bera kpo mɛ la wa, ba fuh daawiile ɛ sarahare voɡare ane ta, dɛɛ tomɛ kwaa ba ɡbaɡba aa kpɔ nɔn ɛ.

Jeremia 11:12

Juda bwɛɛre ne nɛra baa lɔ Jerusalam ɛɛ wiu yerɛ voɡa baa dɛ fuh konsɔɔhsoma a ta laanee, kɛ wekpeɡa la balaa, aa won cha ba.

Jeremia 18:15

Kɛ n nɛra te soh n wa. Ba fuh daawiile dɛɛ tɛ voɡa a wa aa wola tɔnɔ dɔe. Ba lɔ na, dɛ ɡel ŋwɛnɛbena la ta kpɔe, dɛ kaa kpɔ ŋwɛnɛfala baa wola a ta jemɛ ta.

Jeremia 19:13

Jerusalam deene bini ne Juda koranar deene, ne saldor baa fuh daawiile dɛɛ tɛ weweela, dɛ bela baa fuɡe sen ɛ saraha dɛɛ tɛ voɡare bwa ɛɛ kah doŋaa kɛŋɔ Tɔfɛt ken.”

Jeremia 44:21

“He dɛ lii kɛŋɔ sarahare he ne he naawa ne koranar, nomonome ne nɛra baa lɔ harɛ la ta aa ɛa Juda bwɛɛre ta ne Jerusalam fɔɡbaahna la, Korowii aa a waa jemɛ, kɛɛ o soh a waa kɛɛ?

Jeremia 44:25

Koranar Bwa Kooro, Israel tena aa dɛ tomɔ la ŋɔ, ‘He ne he haahna we-ɛɛla dɛ baɡle waa haa ŋwɛɛra dɛ ŋɔ hɛɛ sɛoh fuh daawiile dɛ́ fuɡe sen ɛ sarahare tɛ Nyundua Haŋkooro la.’ Hé teŋɛ he nyobaɡa la ta! Hé ka ɛ ɡɛ haa ŋwɛɛra la!

Jeremia 44:9

He deno soh nyubinikpeɡ wa he naawa aa ɛa Juda bwɛɛre ne Jerusalam fɔɡbaahna, ne Juda koranar ne ba haahna, dɛ he ne he haahna ɡe la kɛɛ?

Jeremia 7:17

Haa ba we-ɛɛla na Juda bwɛjena ne Jerusalam fɔɡbaahna aa?

Jeremia 7:18

Ba bechale cheɡɛ damara ba bil, ba mɛɛnanar ɛɛ mar nii, asɛ haahna kpɔ noo koo men ta, dɛ charama dɛ wɔɔra kɛŋɔ paanoo, dɛɛ tɛ ba voɡ baa dɛ yerɔ Nyundua Haŋkooro la. Ba berɔ fuɡe sen dɛ kpɔ ɛ sarahare tɛ voɡare ane ɡe, dɛ kpɔ dɛɛ muɡli n baah.

Ɛsekeɛl 20:32

He ɛ he liire kɛŋɔ he fee do ɡɛ harɛre nɛra bane aa doa, dɛɛ tomɛ voɡa baa kpɔ daa ne bwea ɛa. Aa ɡɛɛ maɡre.

Ɛsekeɛl 20:8

Kɛ Israel tena ɛɛ mɛ deŋnekpeɡ, baa n waa no, ba ta voɡa la pae ta, ba ta Ijipt tena voɡare maa kia la ɡe ta leɛ. Anomanta, n ŋɔ mɛɛ kpɔ n bandiaa ba ta ba nɛɛ Ijipt harɛ ta.

Ɛsekeɛl 23:41

Ba yon so kane aa wera ta, asɛ teebur che ba sie, ba kpɔ daawiile a sɔɔh aa soma, ne ɔleve noo aa ɛ n kwaa la chɔŋɛ o ta.

Ɛsekeɛl 8:16

O berɔ kpɔ mɛ ba o Dea la dembaah bela, doonyoa bela pato la ne kon baa dɛ ɛ saraha o ta la baah ta, dɛ baala fifraanɛ dɛ banue lɔ bela. Ba habɔɔ chaɡɛ Korowii Dea la, asɛ ba sie chaɡɛ wee leebɔr pera baa tomɛ wee.

Habakuk 1:16

Anomanta, ba kpoo kwaa dɛɛ tɛ ba dɔɔne, dɛ fuh daawiile a sɔɔh aa soma dɛɛ tɛa dɛɛ toma, dɛkalkɛ a ɡɛ kwaa laanee dɛɛ tɛɛ ba ba kondɛɛɡa, ne kondikondɛɛɡa tenten bwa.

Nɛra Kura 30:12

Dɛ o jaa la noɔ dɛ kaoh ŋɔ ó kpɔ ntam kɛɛ nyobaɡa kwaa la la, kɛ a ta chɛ kɛ ó ɡel a chɔ aa, Korowii ɛɛ kpɔɔ kɛo, dɛkalkɛŋɔ o jaa kaoh.

Nɛra Kura 30:2

“Dɛ nomɛlbwa baɡɛ Korowii nyoa kɛɛ dɛ ŋwɛɛ ntam waane ta naa, o bɛ ɡel a chɔ. Ó ɛ wobɛlbwa waa ŋɔa wɛɛ ɛo la.

Amanesoma Mak Aa Chwera Tɔn 6:26

Waa nɔ we kooro la nɛɛ kɛrɛdɛ, kɛ o ntam waa ŋwɛɛra la ne nɛra baa soɡe bela la nomanta, waa nyin kɛŋɔ o koni o ntam la.

Mmarare 23:23

Anɔ la aa le he nyoa la, nyiŋi kɛrɛdɛ dɛ́ ɛa, dɛkalkɛŋɔ henee ta tea dɛ baɡɛ Korowii haa dɛ tomɔ nɔ nyoa.

Felepae 3:19

Ŋwɛnɛ ɡɛ nɛra nɔ aa kpɔ o ta la dɛ kaa ba ne seo ta. Ba kpɔ tea ne bwadabii waa ɡwaa Korowii. Waa aa ɛ sihihwaa la, a nee baa ta nyoa. Ba liire bwa lɔ harɛ nɔ ta kwaa ta.

1 Pita 1:18

He jemɔ kɛŋɔ Korowii aa lɛ heyaa le he naawa wesale he fa aa lɔ a ta la ta la, harɛ bonɔ kwaa aa dɛ chɔɡ kɛŋɔ suuɡapoŋ kɛɛ suuɡaswɛm ne laa o yawɛ heya.

Sitɔɔla 11:36

O bie la ŋɔ, “N mɛɛ, he dɔɔ baɡɛ Korowii nyoa. Kpɔ mɛ ɛ ɡɛ haa baɡɔ nyoa la. Korowiirii tɛ kpeɡri he won kpoo he dɔma Amɔn tena tɔ he wel la.