2 Belaa Hosaya bibaa Asaria ne Karea bibaa Johanan, dɛ deŋnekpeɡ baala bane ba ŋɔ n be ŋɔ, “He dɛ teŋe nyosone! Korowii yaa dɛ tomɔ ta hen tomɛ ŋɔ yá ɡel Ijipt laŋa.
Kooro Sedekia berɔ ɛ Kooro Nebukadnesa waa ɡela o ŋwɛɛ Korowii sɔn ta ŋɔ, wɛɛ kpɔ o tenee do o lɔɡa la deŋnekpeɡ. O taŋ deŋne, o ta o liire charɛ dɛ ba Korowii Israel tena aa dɛ tomɔ la be.
Asɛ nɛra la bane ŋɔ, “Hé ba ya vɔrɔwe Jeremia vɔrɔwa, dɛkalkɛ sɔfore waa baa dɛ bol la ɛɛ do lee, wejerema ɡe webaɡla aa tonɛ, ɡɛɛ Korowii keamere ɡe waa la ɛɛ ba cheɡa. Anomanta, hé ɡel ya nyin waane dawɛ o nɛ, dɛ́ ɡel waa waa dɛ bol la noe.”
ba bwa iro la Gedalia be Mispa. Banee Nɛtanea bibaa Ismael, ne Karea bibaala Johanan ne Jonatan, ne Tanhumet bibaa Seraya, ne Efai bibaala baa le Nɛtɔfa, ne Jaasania waa ɛ Maaka te, dɛ baala baa ja ba nɛɛ bwa.
Ismael aa kpo Gedalia habɔɔ la, Johanan ne laa nomonome la bwa baa ja o nɛɛ la tɔ nɛra baa ka Mispa Ismael fe laɡ ba dɛɛ kaa la sie. Haahna ne laa tena, bechale dɛ koodem nomonome baa le Gebeɔn bwa.
Kɛ chae Korowii aa na ya sum dɛɛ cha yaa la, on kpeɡa, ɡɛ Korowii Tɔn la aa baɡla ŋɔ, “Korowii dɛ ba nɛra baa dɛ ɛ sɔnnyin la ne harɛ, dɛɛ sune nɛra baa dɛ pwɛr ba te nɛ.”
He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”