Jeremia 43:12 - mzwDBL

¹² Mɛɛ kpaa nii do Ijipt harɛ voɡare deene ta, ásɛ dɛ ɡel Babelɔn kooro fuh ba voɡare kɛɛ dɛ́ paa kaa. Gɛ peteɡre yon laa kpanjeɡa dɛɛ kpɔ o batakaare ta la, ɡɛɛ Babelɔn kooro ɛɛ ba doŋa laa kpɔ Ijipt harɛ ta, dɛ́ pɔ ba nɛɛ le bela kaa.

Jeremia 43:12 ပူးပေါင်းရင်းမြစ်များ

Ɛsekeɛl 30:13

Nemenɛ Korowii ŋɔ, “Mɛɛ chɔɡ voɡaa, ne anɔ la baa ɛa a do bwɛjen Mɛmfes bwaa. Kooro aa Ijipt harɛ taa do kpa, ásɛ n kpɔ ɔmee kohona ba ta nɛra nɛɛ harɛ la ta bwa.

Aesaya 49:18

Ha sie nyiŋi bar dɛ́ na waa aa dɛ chiɡ! He nɛra dɛ́ cheme dɛ́ berɛ ba he be dem! N ŋwɛɛrɔ kɛ, maa ɛ Korowii maa lole saŋ bɛlbwa nɔ, he sie ɛɛ lɛ he nɛra nɛɛ, kɛŋɔ hanfale sie yon lɛ o baŋa kwaa ne nɔnloɡa aa wera ta la.

Aesaya 19:1

Waa aa chiɡ Ijipt harɛ ta, Korowii bol baɡle Aesaya chaahna ta laanee nɔ. Hé na! Korowii cheɡɛ bam ta, dɛɛ ba Ijipt harɛ ta wɔrɔbe nɛ. Voɡare aa lɔ bela bwa jum jah o sie, asɛ bela tena bwa bwara yɔr.

Jeremia 48:7

Moab harɛ tena, hé kpɔ he te dawɛ he bokpeɡa ne kondɔɔh ta, kɛ ba dɛ ba heyaa yoi dɛ́ pɔ he nɛ, dɛ́ kpɔ voɡ Kemɔs kaa harɛfale ta, o ne o nomonome ne o kerekpoŋra.

Jeremia 46:25

Koranar Bwa Kooro, Israel tena aa dɛ tomɔ ŋɔ, “N dɛ ba deŋnetɛra ne bala ba ta Tebes tena voɡ Amɔn, ne Ijipt harɛ ne o voɡa dɛ koranar bwa nɛ. N dɛ ba n lawɛ Ijipt kooro ne nɛra baa kpɔ ba te dawɛ o nɛɛ bwa.

Yela 104:2

asɛ nii bare cheme, dɛ paɡri nyundua kɛŋɔ tɛnte,

Job Tɔn 40:10

Job, dɛ ɡɛɛ yaa, baɡle he nyanyini ne he kan haa doa, baɡle kɛŋɔ he kan nɛra ɛɛ duuri.

Ɛsta 6:9

Ásɛ dɛ ɡel he nomonjena tenten la bɛl kpɔ koolaala la do naate, ó so jaaɡɔ la ta, ásɛ nomoa la tɔ o sie, dɛ́ kpɔɔ ɡaaɡe bwɛɛ nɔ fɔɡbaahna, dɛ́ kpɔ takpeɡ dɛɛ ŋɔ, ‘Kenii kooro ɛɛ tɛ ɡɛ nɛn nɔ sɔn.’ ”

2 Samoɛl 5:21

Filisti tena chwao ɡel ba voɡare bela, asɛ Kooro Devid ne o laa tena paa kaa.

Kaala 12:12

Awola jwaana la tenten la, mɛɛ valɛ Ijipt harɛ ta bwaa, dɛ́ kpo bibanloɡle bɛlbwa waa ɛ binyoa, ne kondɛɛre bɛlbwa ɡe biloɡle ombal. Mɛɛ chɔɡ voɡa aa lɔ Ijipt harɛ ta bwaa. Menee Korowii.

Kolosi 3:14

Anɔ nɔ habɔɔ, hɛ́ɛ nyin nɛn. Nɛnnyinii dɛ́ won ɡel he dɔ nyopɛo dɛ́ ɛ anɔ bwa kɛrɛdɛ ka tonɛ.

Kolosi 3:12

Heyaa Korowii bidɛɛɡa waa le heyaa tɛ o te, dɛ laa he doŋa bwa kpɔ he nɛ, dɛɛ nyin heyaa kɛrɛdɛ. Anomanta, hé kpoŋe dadɛɛɡe dɛ́ dɔ tedoma, dɛ́ ta tea dɛ́ɛ tɛ dɔŋa, dɛ́ɛ pwɛr he te, dɛ́ɛ tɛ nɛra sie, dɛ́ dɔ bambile tɛɛ ba.

Ɛfesos 6:11

Bɔnsam dɔ baradeɛre kɛrɛdɛ ɡa. Anomanta, hé kpɔ Korowii laa laala bwa do dɛ́ won yoo,

Ɛfesos 4:24

O tɛ heyaa dafale bɛl soo siwi waa kwaara, o do kɛ o tenten la ásɛ he won ɛ nɛndɛɛɡa tenten, he waa bwa do kɛrɛdɛ o be. Anomanta, hé kpɔ dafale la.

Tɔn Pɔɔl Aa Chwerɛ Rom Tena 13:12

Tɔpere waa kaa bɔr chaah la aa kanɛ kpa. Tɔɔ perɔ tonɛ. Hé ɡel ya ɡel waa aa ɛ biro bini waa ɛɛ, dɛ́ kpɔ bochaah laala do dɛ́ won yo biro bini wa.

Sefania 2:11

Korowii ɛɛ ɡeloo ɔmee kohona chole ba nɛ, dɛ́ chɔɡ ba voɡare aa lɔ harɛ la ta bwa. Ásɛ harɛ bɛlbwa ta nɛra ɛɛ tomɔ, bɛlbwa ɛɛ dɛɛ tomɔɔ o ɡbaɡba harɛ taa.

Jeremia 51:44

Mɛɛ tɛr voɡ Baal waa lɔ Babelɔn deŋnee, dɛ́ ɡel o uɡe komɛlbwa waa dia. Harɛre nɛra aa berɛ dɛɛ tomɔ dɛ́ kpɔ kwaa baa tɛo kpa. Babelɔn danjwɛɛ bwa dɛ́ ba kuuɡa.

Jeremia 50:2

“Bol Babelɔn harɛ waa baɡle harɛre nɛra bwa. Ir fraŋkaa, á baɡle waa aa dɛ ba! Bɛ wobɛlbwa kpɔ sɔh, ŋɔ, ‘Babelɔn dɛ́ ba paɡra. Baa paɡre ba voɡ Maadukuu, ásɛ sihiih kpo Babelɔn harɛ voɡa aa ɛ kii kwaa la bwa.’

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Aesaya 61:5

Nɛŋhɔɔhra ɛɛ tomɛ heyaa, dɛɛ teɡɛ he peera, dɛ berɛ dɛɛ parɛ he kooni dɛɛ nyiŋi he daa kooni ta.

Aesaya 59:17

O kpɔ waa aa toɡra ɛ laa batakaare, dɛ kpɔ lɛɛ waa lɛ heyaa la ɛ buni ɡbɛrɛ pi. Dɛ ta tea kohona kpɔ deŋnetɛra waa kpɔa dɛɛ ba ba bɔ nɛra kem la berɛ yal, dɛ kpɔ tɔ.

Aesaya 52:1

Bwɛjen Jerusalam, ir! Ir nyu ne! Kpɔ bokpeɡa tɔ he te kɛŋɔ yal ken. Jerusalam, Korowii bwɛɛ waa do ɡoroŋ, kpɔ he yadɛɛɡe tɔ dɛ dɔ jirima. Nɛra baa wola Korowii tomɛ, dɛ kah doŋa te bɛlbwa, aa won jo he bwɛɛ nɔ ta kpa.

Aesaya 46:1

Korowii ŋɔ, “Babelɔn tena voɡa Bel ne Nɛbo baa dɛ toma la di sihiih, ba paa dawɛ keeɡore ta a ɛ bontɔɡa a chea dɛɛ koh.

Aesaya 21:9

Na, baa bɛl waa cheɡɛ kon waa do kɛ torɔɡo bini ne jaɡre dɛ ba. Asɛ nɛn waa dɛ daah la ŋɔ, “Bwɛjen Babelɔn paɡrɔ! O paɡrɔ! Voɡare aa lɔ o ta bwa, ba paɡre a bwa burbur ken bil harɛ.”

Yela 132:18

Sihiih ɛɛ kpo o dɔmaa kohona, kɛ o te kora ɛɛ dɔ jirimaa kɛrɛdɛ.”

Yela 132:16

Mɛɛ swee Saayɔn sɔfore andɛɛɡaa wobɛlbwa baa dɛ ɛ ta, ásɛ o nɛra ba wa aa toɡra ɛɛ ɡo silɛɛ yela saŋ bɛlbwa.

Aesaya 46:2

Voɡa la ta wone lɛ a te, ba dɔma cheɡɛ a bwa kaa.

Jeremia 43:13

Wɛɛ kuuɡi bwea baa paaɡa dɛɛ duura Hɛleopɔles Ijipt harɛ ta laanee, dɛ́ fuh Ijipt voɡa deene ɡe bwa.’ ”

Jeremia 49:27

Mɛɛ do nii Damaskɔs danjwɛɛre taa, ásɛ a fuh Kooro Bɛn Hadad koodem dekpeɡa.”

Ɛsekeɛl 29:11

Nɛn kɛɛ ol bɛlbwa aa o taa kpɔ. Bene fifraanaarɛ habɔɔ laa aa, nomɛlbwa kɛɛ komɛlbwa aa won so bela.

Daneɛl 11:8

Wɛɛ pa ba voɡa baa loɡa, ne suuɡaswɛm dɛ suuɡapoŋa koŋkwaa a yoɡ aa kpeɡa, dɛ́ kaa a bwa ne Ijipt harɛ. A habɔɔ deŋnesɔɔhna aa ba tama la,

Jeremia 10:11

Korowii berɔ ŋɔ, “Ŋɔ ba be ŋɔ voɡare aa wola wone ta nyundua ne harɛ nɔ la, a dɛ ba chɔɡa le harɛ nɔ ta kwaraa.”

Jeremia 10:15

A waa ta tɔnɔ bɛlbwa dɔe, dɛ ɛ kwaa a wa aa dɔ wesoma. A chɔɡa saŋ telo Korowii ba naa, wɛɛ chɔɡ a bwaa.

Jeremia 25:19

Ijipt kooro ne o bonɔɔna ne o nomonome dɛ o nɛra bwa,

Ɛsekeɛl 29:19

Anomanta, Nemenɛ Korowii ŋɔ, wɛɛ kpɔ Ijipt harɛɛ do Babelɔn Kooro Nebukadnesa nɔn ta, ásɛ o pa Ijipt harɛ ta kondɔɔh bwa laa ta kaa, á ɛ o laa tena kembɔr.