Jeremia 43:11 - mzwDBL

¹¹ Wɛɛ ba yo Ijipt tenaa dɛ́ pɔ ba nɛ, ásɛ banɔ la weechɔɡa aa kpoo ba la serewe, banɔ la baa laɡ ba la, bá laɡ ba kaa, ásɛ banɔ la ɡe baa kpoo ba laa ta la, bá kpoo ba.

Jeremia 43:11 ပူးပေါင်းရင်းမြစ်များ

Job Tɔn 20:29

Waa Korowii aa lea cheɡ nyubinikpeɡ tena laanee la, ɡɛɛ baa ba nae.”

Jeremia 15:2

Asɛ dɛ ba bɔɔre ŋɔ, ‘Leperaa yaa ba kaala aa,’ hé ŋɔ ba be ŋɔ waa Korowii aa dɛ bol laanee nɔ, ‘Weechɔɡaa dɛ́ kpoo bane, baa kpoo bane ɡe laa taa, ásɛ lɔr kpoo bane ɡe, mɔɔ ba lawɛ bane laa ta kaa bojaŋ harɛre ta.’

Jeremia 25:15

Korowii Israel tena aa dɛ tomɔ la ŋɔ, “Jeremia, lɛ numol nɔ, sen aa lɔ o bini do kɛŋɔ n bandia danana ne, mɛɛ ba kpɔe tɛ nɛra bá nyɔ dɛ́ tɛr ba deŋne. Kpɔ kaa harɛre nɛra maa tomɛ ba be la be, dɛ́ ɡel bá nyɔ.

Jeremia 25:19

Ijipt kooro ne o bonɔɔna ne o nomonome dɛ o nɛra bwa,

Jeremia 42:22

Anomanta, hé lii waa nɔ. Laa ne lɔr, dɛ weechɔɡaa dɛ́ kpoo heya, harɛ haa dɛ nyin he ka so o ta la ta.”

Jeremia 44:12

Kɛ Juda tena baa kaa dɛɛ nyin kɛ ba ka so Ijipt harɛ ta la te, mɛɛ chɔɡ ba bwaa. Nomonome ne bechale bwaa dɛɛ ba laa kɛɛ lɔr ta sewa Ijipt harɛ ta. Nɛra ɛɛ nao ba bambile teŋe, dɛ yerɛ ba sɔn dɛɛ taah ba, dɛɛ nyiŋi ba nyubaah.

Jeremia 44:13

Mɛɛ tɛr banɔ la baa lɔ Ijipt harɛ la deŋnee, ɡɛ maa kpɔ laa ne lɔr dɛ weechɔɡa chɔɡ Jerusalam tena la.

Ɛsekeɛl 29:11

Nɛn kɛɛ ol bɛlbwa aa o taa kpɔ. Bene fifraanaarɛ habɔɔ laa aa, nomɛlbwa kɛɛ komɛlbwa aa won so bela.

Ɛsekeɛl 5:12

He bɔne he bini bɔre batoro naa, weechɔɡa kɛɛ lɔree dɛ́ kpoo bɔrbeŋkpoŋ nɛra bwɛjen la bini. Baa kpɔ tokobii kpoo bɔrbeŋkpoŋ nɛra ɡe bwɛɛ la dahare, ásɛ bɔrbeŋkpoŋ nɛra baa kaa la ɡe, n lɔ ba peɡre, dɛ́ ti ba n tokobi ne.

Sekaria 11:9

Ate, n ŋɔ peera la be ŋɔ, “Maa won ɛ he teɡre kpa. Anɔ la aa sewɛ la, a sewɛ, anɔ la baa kpo la, ba kpoora, ásɛ anɔ la aa ka la di a bala ola.”

Wepila 13:10

Dɛ Korowii ŋɔ bá lawɛ nomɛlbwa laa ta naa, baa lawɔɔ. Dɛ nomɛlbwa kweh kere dɛ kpɔ kpo nɛn aa, kere nee baa ba o ɡe kpoe. Anɔ dɛ baɡle kɛŋɔ a chɛ kɛ Korowii nɛra ba wa aa toɡra dɔ bambile, dɛ́ lawɛ waa baa dɛ yaradaa la bini kiŋkiŋ.