Jeremia 43:10 - mzwDBL

¹⁰ Ásɛ dɛ berɛ ŋɔ ba be ŋɔ men Koranar Bwa Kooro, Israel tena aa dɛ tom mɛ ŋɔ, ‘Mɛɛ kpɔ n bonɔɔ Kooro Nebukadnesa waa ɛ Babelɔn kooroo ba bonɔ, dɛ́ ɡel ó kpɔ o kookara ba cheɡ bwekuŋe haa huɡa nɔ ta. Wɛɛ baŋre o tɛnte deaa ó do kɛŋɔ koodem.

Jeremia 43:10 ပူးပေါင်းရင်းမြစ်များ

1 Koranar 20:12

Kooro Bɛn Hadad aa no ɡɛ waa la, dɛ o ne o koranar soɡe ba tɛnte deene lɔɡre dɛ nyɔ sen dɛɛ lɛ ba sie. Asɛ o ŋɔ o laa tena la be ŋɔ, “Hé kpɔ he te dɛ́ ka yo.” Anomanta, ba iro kpɔ ba te dɛ ka yo bwɛjen Samaria.

1 Koranar 20:16

Laa tena la leɔ webaŋa, ɡɛ saŋ wee aa cheɡɛ nyufala. Dɛ Kooro Bɛn Hadad ne o koranar fifraatoro dɛ banɛ baa ja o nɛɛ soɡe ba tɛnte deene bini dɛ nyɔ sen dɛɛ dɛɛ.

Yela 18:11

O kpɔ biro bɔle o bwa, baama aa bira kpirkpir, tenɛ bwaala, dɛ baro cheme.

Yela 27:5

Hɛɛ lɛɛ mɛɛ n wenaale tɔpere, dɛ́ kpɔ nɔn tɔ n nɛ he Dea dɛ́ laɡ mɛ sɔh bela, dɛ́ kpɔ n naa cheɡ bodɛɛɡe.

Yela 31:20

He kwaa ba dɛɛ sɔh he lɔɡa, dɛɛ le vɔrɔwa nɛnchɔɡa aa dɛ vɔrɔwe ba waa la wa. He laɡ ba dɛɛ sɔh he lɔɡa bela haa soɡa, dɛɛ lee ba ba dɔma chɛɡa nyoa.

Aesaya 44:28

Men Korowii berɔ bol Saeros ɡe waa ŋɔ, ‘Henee dɛɛ ba n nɛra nɛɛ nyiŋa, dɛ́ ɛ waa maa dɛ nyin la bwa ka tonɛ,’ dɛ berɛ ŋɔ, ‘Hé kwaa pa Jerusalam ne men Korowii Dea la mun.’ ”

Aesaya 45:1

Korowii le Saeros ŋɔ ó ɛ kooro, dɛ leo ŋɔ ó pɔ harɛre nɛra nɛ. O leo ŋɔ ó yo harɛre, dɛ́ pɔ ba koranar nɛɛ dɛ lɛ́ ba kpeɡri ba be. Korowiirii dɛ́ ya bwɛjena doonyoone ɡbeni tɛo. O ŋɔ Saeros be ŋɔ,

Jeremia 1:15

N dɛ ba nɛra baa lɔ weekaŋle nyunduabɔr harɛre ta bwa yera cheme. Ba koranar ɛɛ bao ba cheɡ ba kookane Jerusalam doonyojena ta, dɛ́ ba yoo ba, dɛ́ kuuɡi o danjwɛjena aa baro, dɛ Juda bwɛɛre bwa ɡe.

Jeremia 43:9

“Kpɔ bwekuŋe ane Juu tena la siwi ta, dɛ́ huɡa choh ta bela baa kpɔ berekese ma ŋwɛnɛ ó kaa nyundua, dɛ́ kaa Ijipt kooro koodem waa lɔ Tapanes la doonyoa.

Jeremia 46:13

Babelɔn Kooro Nebukadnesa aa baa yo Ijipt harɛ tena la, Korowii bol waa men Jeremia be ŋɔ,

Jeremia 49:38

Mɛɛ kpoo ba koranar ne nomonomee, dɛ́ ba cheɡ n kora bela dɛɛ nyiŋi ba nɛ.

Ɛsekeɛl 5:12

He bɔne he bini bɔre batoro naa, weechɔɡa kɛɛ lɔree dɛ́ kpoo bɔrbeŋkpoŋ nɛra bwɛjen la bini. Baa kpɔ tokobii kpoo bɔrbeŋkpoŋ nɛra ɡe bwɛɛ la dahare, ásɛ bɔrbeŋkpoŋ nɛra baa kaa la ɡe, n lɔ ba peɡre, dɛ́ ti ba n tokobi ne.

Daneɛl 2:21

Onee dɛɛ beɡre tɔpera ne saŋ, onee dɛɛ chiɡ nɛn kora ta, dɛ́ berɛ iru kora ta. Onee dɛɛ tɛ wejerema wejema, dɛɛ tɛ lem ne waa mun noe.

Matiu 22:7

A ɛ kooro la bandia kohona dɛ ɡel o tomɛ o soojare ba ka kpoo banɔ la baa kpoo o bonɔɔna la, asɛ dɛ fuh ba bwɛjen la ɡe.