Jeremia 41:5 - mzwDBL

⁵ dɛ baala fifraanuatoro fonɛ ba tampona dɛ kɛɛ ba laala, dɛ kpɔ keri mɔne ba bwara, a baɡle kɛŋɔ ba lɔ lwe ta, dɛ le bwɛɛre Sɛkem ne Silo dɛ Samaria ba. Dɛ ba kpoŋe mea ne daawiile a sɔɔh aa soma, dɛ́ kpɔ ba ɛ sarahare Korowii Dea.

Jeremia 41:5 ပူးပေါင်းရင်းမြစ်များ

Mumpar 33:18

Waa le Mɛsopoteemea la, o kaa bwɛjen Sɛkem waa lɔ Keenan harɛ ta, dɛ ka baŋre o tɛnte dea bɛne bwɛjen la.

Mumpar 34:2

Hivi tena Kooro Hamɔ bibaa Sɛkem nao dɛ lawɔ, dɛ ɡuɡru o ne o chɔ.

Mumpar 37:12

Awola bɛl, o dɔɔranar la kpɔ o mɛɛ kondɛɛra la kaa dibɔr Sɛkem pera,

2 Samoɛl 10:4

Anomanta, Kooro Hanun lawɛ Kooro Devid toroma la dɛ fonɛ bɛlbwa tampona pera ta, dɛ teŋni ba laala baa doa la muŋkela bɔra ta, dɛ ɡel ba ba kaa.

1 Koranar 12:1

Kooro Rɛhoboam la bwɛjen Sɛkem, dɛ Israel tena bwa cheme bela, dɛ́ chiɡu kora ta.

1 Koranar 12:25

Kooro Jɛroboam ɡelɔ ba ma danjwɛkpeɡ bar bwɛjen Sɛkem waa chɔ Efrem deŋɡarere ta dɛ lɛo cheɡ. O le bela dɛ berɛ ka ma danjwɛkpeɡ bar Pɛnoɛl ɡe.

1 Koranar 16:24

Kooro Omri yawɛ deŋɡare bɛl, taraken baa dɛ yerɔ Samaria, dɛ le Sɛma be. O yawɔ suuɡapoŋa a tɔɡre aa ɛ kilore fifraanumɛl dɛ anuatoro, asɛ dɛ vɔrɔwe bwɛɛ bela dɛ ma danjwɛɛ baro, dɛ kpɔ Sɛma sɔn pao dɛɛ yerɔ Samaria.

1 Koranar 16:29

Kooro Asa aa di kora Juda harɛ ta bene fifraatoro dɛ anuatoro taa Kooro Omri bibaa Kooro Ahab di kora Israel harɛ ta. O di kora Israel harɛ, dɛ so Samaria bene fifraanɛ dɛ anɛ.

2 Koranar 25:9

O kaa fuh Korowii Dea ne koodem, dɛ Jerusalam deremi bwa. O fuh nomonjena dedɛɛɡe te bɛlbwa,

1 Webena 19:4

Anomanta, Kooro Hanun lawɛ Kooro Devid toroma la dɛ fonɛ bɛlbwa tampona pera ta, dɛ teŋni ba laala baa doa la muŋkela ta, dɛ ɡel ba bá kaa.

Yela 102:14

Yan yaa ɛ he toroma sie dɛ lɛ bwɛjen Saayɔn wa, a lole kɛŋɔ o bwa paɡrɔ kwaraa.

Yela 78:60

O ɡel o Tɛnte Dea waa lɔ Silo, waa ɡela ba baŋro o ɛ o dobɔr harɛ nɔ ta la.

Aesaya 15:2

Debɔn tena teehnɔ kaa deŋɡare ta, bela ba voɡ aa lole dɛ́ ka wi. Moab harɛ ta nɛra bwa ɛɛ wi bwɛjena Nɛbo ne Medeba waa, dɛ́ fonɛ ba nyuune ne tampona bwa ta, aa baɡle suna dii.

Jeremia 16:6

Suuɡa tena ne nyaara bwaa dɛɛ ba serewa he harɛ nɔ ta. Nomɛlbwa aa ban huɡe kɛɛ dɛ́ wii ba. Bɛlbwa aa konee kpɔ mɔn o te kɛɛ dɛ́ fonɛ o nyu, á baɡle kɛ o dɛ di suna.

Jeremia 41:4

Tɔ aa pera, mɔɔ bɛlbwa jemɛ Gedalia kpoe waa la,

Jeremia 47:5

Gasa tena dɛ di suna kohona, baa fonɛ ba nyuune á baɡle kɛŋɔ ba dɛ ɛ lwe, ásɛ Askɛlɔn tena hel jeiih ken a wa. Saŋ besoo Filisti tena kabora ɛɛ ba wii ka tel ɔ?

Jeremia 48:37

Ba bwa fonɛ ba nyuune, dɛ fonɛ ba tampona ɡe, asɛ dɛ mɔne ba nɔɔra keri ne, bɛlbwa kpɔ lweyal tɔ, a bwa baɡle kɛŋɔ ba lɔ lwe ta.

Jeremia 7:12

Hé la Silo bela n fa aa tɔ sie le cheɡ ŋɔ hɛɛ tom mɛ la, dɛ́ ka na waa maa ɛa bela, n nɛra Israel tena wechɔɡa baa ɛa la wa.

Jeremia 7:14

Anomanta, ɡɛ maa ɛ Silo laanee mɛɛ ba n Dea maa lea cheɡ ŋɔ hɛɛ tom mɛ o bini, dɛɛ hwɛɡɛ o ta la ɛɛ. Dea nɔ maa kpɔa tɛ he ne he naawa nɔ ɛɛ doo kɛŋɔ maa ɛ Silo la.

Joel 2:13

He bɛ he laala kɛɛ á baɡle he suna dii, hé ɡel he suna dii baɡle kɛ he bambile chɔɡɔ.” Hé charɛ he liire dɛ́ berɛ ba Korowii haa dɛ tomɔ be, o bambile too dɛ dɔ tedoma tɛ nɛn. O baah aa di warawara, o nyina ta jaɡa dɔe. O kpɔ nɛra wechɔɡa dɛɛ kɛ ba saŋ bɛlbwa, waa wola ba deŋne tɛr.

Mmarare 14:1

Mosis berɔ ŋɔ, “He ɛ Korowii haa dɛ tomɔ nɔ bii, anomanta, he bɛ nɛn waa sewa waa koh dɛɛ mɔne he bwara kɛɛ dɛɛ fonɛ he tili bɔra dɛɛ ta, ɡɛ nɛra baa wola Korowii tomɛ yon dɛɛ ɛ la.

Josua 18:1

Israel tena aa yo harɛ la tonɛ la, ba bwa kaa cheme bwɛjen Silo ta, belaa sɔfore la ne ba bala baŋre Korowii Dea Cheremibɔr,

Josua 24:32

Gɛ saŋ baa le Ijipt harɛ ta dɛɛ ba la, ba kpɔ Josef hoɡa kaa dɛ ka huɡe Sɛkem. Harɛ Jekɔb aa yawa le Sɛkem bibaa Hamɔ bibaala be suuɡapoŋa lafa la ta. Harɛ la baa ɛ Josef naanar kapɛrɛ kon.

Sitɔɔla 18:31

Gɛ saŋ Korowii Tɛnte Dea aa lɔ Silo la bwa, dɛ ba ta teŋɔ dɛɛ tomɛ voɡa Maeka aa ɛa la.

Sitɔɔla 9:1

Gedeɔn bibaa Abemɛlɛk la Sɛkem o nya nimambii ne o nɛra bwa be, dɛ ka ŋɔ bá bɔɔ Sɛkem tena ŋɔ,

1 Samoɛl 1:7

Bena bɛlbwaa Penina na dɛɛ ɛo ɡɛ waa nɔ. Saŋ bɛlbwa baa la Korowii Dea kaa tomɔ la, o yon muɡli o baah ó wi, hale dɛ́ vɛh kondikwaa kwaraa dii.