Jeremia 40:7 - mzwDBL

⁷ Juda laa nomonome la bwa ne ba laa tena baa peɡra dɛ do kpɔɡ bini la noɔ kɛŋɔ Babelɔn kooro le Ahikam bibaa Gedalia ɛ ba harɛ nomoa, wɛɛ nyiŋi bela harɛ la ta. O kpɔ baala ne haahna dɛ bechale baa nyaa, baa wola ba te lawɛ kaa bojaŋ harɛfale ta Babelɔn la,

Jeremia 40:7 ပူးပေါင်းရင်းမြစ်များ

2 Koranar 25:12

Kɛ o ɡel nyaara baa lɔ Juda harɛ la bane ŋɔ baa ɛ toma daa kooni ne kooni aa lɔ bela la ta.

2 Koranar 25:4

Babelɔn laa tena la kuuɡi danjwɛɛ waa bar Jerusalam la. Kooro Sedekia ne Jerusalam laa tena kpɔ doonyoa bɛl waa chɔ danjwɛɛre anɛ baah ta, ba kpɔ bela dɛɛ kaa kooro bodɛɛɡe waa du daa ta, dɛ le kpɔ sie chaɡɛ kaa Jɔɔdan Fɛlembɔjen ta jwaana,

Jeremia 39:10

Kɛ o ɡel nɛra baa nyaa dɛ do Juda harɛ ta bini bane baa wola komɛlbwa dɔe kwaraa la, asɛ dɛ kpɔ daa kooni ne kooni tɛɛ ba.

Jeremia 39:14

tomɛ nɛra ŋɔ bá ka kpɔ mɛ le koodem dembaah bela ba. Ba kpɔ mɛ do Ahikam bibaa Gedalia, o ɡe mɛɛ aa ɛ Safan la nɔn ta, ŋɔ ó nyiŋi n nɛɛ kɛrɛdɛ dɛ́ tel n ne n bwɛ. Gɛɛ a do n berɛ ka so n nɛra bini.

Jeremia 39:4

Juda Kooro Sedekia ne o laa tena bwa aa na ɡɛ la, ba chwao le bwɛjen la bini dɛ kpɔ doonyoa bɛl waa lɔ danjwɛɛre anɛ ane baah ta le, dɛ kpɔ sie chaɡɛ kaa Jɔɔdan Fɛlembɔjen ta jwaana.

Jeremia 39:9

Nebusaradan waa chɔ kooro laa tena baa dɛ daahno nyoa, lawɛ nɛra baa kaa dɛ do Jerusalam, dɛ banɔ la baa baa ja o nɛɛ la bwa kaa Babelɔn harɛ ta.

Jeremia 41:1

Korobie anuanɛ ta la, Nɛtanea bibaa Ismael, waa ɛ koobie, dɛ berɛ ɛ kooro nomonome la bini bɛl la, o iro dɛ lawɛ baala fi ja o nɛɛ ba la Ahikam bibaa Gedalia be Mispa. Ismael nabaa sɔne Elisama. Kondikwaa dii saŋ aa tela, ba bwa pɛ so dɛɛ di kwaa la,

Jeremia 41:10

Ismael lawɛ nɛra baa ka Mispa la bwa, kooro bihaahna ne banɔ la baa jaa dɛ ka bela. Dɛ Nebusaradan waa chɔ kooro laa tena baa dɛ daahno nyoa, le Ahikam bibaa Gedalia o chɔ ba nyoa. Waa laɡ ba la, o ɡale Jɔɔdan Moo dɛ kpɔ sie chaɡɛ Amɔn tena harɛ pera dɛɛ kaa bane.

Jeremia 41:11

Karea bibaa Johanan ne laa nomonome la bwa baa ja o nɛɛ la no hiribiwaa Nɛtanea bibaa Ismael aa ɛa la.

Jeremia 43:6

Ba berɔ tɔ baala ne haahna ne bechale, dɛ kooro bihaahna Nebusaradan waa chɔ laa tena baa dɛ daah kooro nyoa sie kaa. Nebusaradanee kpɔ ba do Ahikam bibaa Gedalia, ne men Jeremia maa ɛ Korowii keame, dɛ Nɛrea bibaa Baruk nɔn ta dɛ tɔ ba sie ba kaa.

Jeremia 52:16

Kɛ o ɡel nyaara baa lɔ Juda harɛ la bane ŋɔ baa ɛ toma daa kooni ne kooni aa lɔ bela la ta.

Ɛsekeɛl 45:16

Harɛ la ta nɛra bwa kpɔ koŋkɛɛla ba tɛ kooro waa lɔ Israel harɛ ta ó ɛ saraha.