Jeremia 4:31 - mzwDBL

³¹ N dɛ no lɔŋɔ kɛ haah loltea aa lɔɔ, wɛɛ eeh dɛɛ lolɛ o biloɡle. A kaa ɛ kɛŋɔ Jerusalamee do kɛŋɔ haah waa dɛ wi o hweera pi, dɛɛ tɛɡre nɔɔra ŋɔ, “Akwe, n na wa, ba dɛ ba dɛ́ ba kpo mɛ.”

Jeremia 4:31 ပူးပေါင်းရင်းမြစ်များ

Mumpar 27:46

Belaa Rebɛka ŋɔ Aesek be ŋɔ, “N sie aa Hiti bitoli nɔ nɛɛ lɛ. N kii ba kɔkɔkɔ. Dɛ Jekɔb ŋɔ wɛɛ mo ba bini bɛlee yaa, mɛɛ sewɔɔ hɛo.”

Job Tɔn 10:1

Job berɔ bol Korowii be ŋɔ, “N soɡa bini pe mɛ, mɛɛ bol waa maa wola ɔmɛ. No n tebinichɔɡ waa nɔ.

Yela 120:5

N na waa kɛŋɔ maa soɡe Mɛsɛk ne Keda tena baa ɛ nyubinikpeɡ tena baah.

Aesaya 1:15

He ir nɔɔra dɛɛ soŋ mɛ naa, mɛɛ laa sie kpɔ he nɛ. Hale he soŋ mɛ ɡɛ bɛlbwa kwaraa noo, maa no. Nɛra haa kpoora chal maa he nɔɔra bwa.

Aesaya 13:8

Ɔmee ɛɛ chole ba nɛɛ, ba bwara wee ba chweeh, baa beɡre ba te kɛŋɔ loltea aa lɔ haah. Ba nyoa ɛɛ kpoo kohonaa, ásɛ sihiih kpo ba, baa nyiŋi dɔŋa.

Aesaya 21:3

A ɡɛ waa maa naa la ɡelɔ n bwadabii wee mɛ chweeh ken, kɛŋɔ loltea aa lɔ haah ken. Waa maa noa la ɡelɔ maa won ɛ wobɛlbwa, n ɛo chinchaŋ waa maa naa la wa.

Aesaya 26:17

He ɡelɔ ya bwara ɛɛ nyɛɡ yaa wi, kɛŋɔ haah loltea aa lɔɔ ken.

Aesaya 42:14

Korowii ŋɔ, “Maa mwaala ne biɡro, n dɛ nyin waane dɛ́ ɛ, kɛ n helɔ jeiih ken. Taraken te, mɛɛ do lɔŋɔree kɛŋɔ haah loltea aa lɔɔ ken. N eehnɔ, n hweera bwa pi.

Aesaya 6:5

Anee n ŋɔ, “Akwe! N na wa. Wechɔɡa ɡboo n nyoa wobol bwa, asɛ n so nɛra wechɔɡa aa lɔ ba nyoo baah ta, dɛ berɛ na Koojen, Nemenɛ Korowii nɔ.”

Jeremia 10:19

Jerusalam tena dɛ dooɡe lɔŋɔre ŋɔ, “Ya na wa, bola baa do yaa wa! Yaa won chah ya ŋwɛra! Ya liiro kɛ yaa koh ya weela taa, kɛ yaa le a nyoa.

Jeremia 13:21

Dɛ nɛra haa dɛ lii ba he daamanar baa yo heya, dɛ pɔ he nɛɛ he do ba lɔɡa aa, bɔkwa waa hɛɛ ba bola ɔ? Hɛɛ doo kɛŋɔ haah loltea aa lɔɔ wɛɛ ba lola ken.

Jeremia 14:18

N leɔ kaa kpɔɡ bini naa, n dɛ na nɛra baa kpoo ba laa ta, n berɔ ba bwɛjen la bini ɡe aa, n dɛ na nɛra lɔr aa kpo ba ba serewe. Korowii keamere ne sɔfore bwa lɔ harɛ la ta, baa jemɛ waa Korowii aa ŋɔa bá ɛ.”

Jeremia 15:18

Ɛrɛɛ n bonyɛɡa aa wola tonɛ, asɛ ba do mɛ bol kohona, maa wola chaah dɔ nɔɔ? He do kɛŋɔ nenabɔɔ kɛɛ bule hwel saŋ, nee aa wola toole a ta tɛ mɛ kɛɛ?”

Jeremia 18:21

Anomanta, ɡel lɔr kpoo ba bii, kɛɛ ba serewe laa ta. Gel ba haahna ɛ luhaahna dɛ bɛ bii dɔ, ásɛ dɛ ɡel ba kpoo ba jaranar, ásɛ ba bonɔɔna ɡe serewe laa ta.

Jeremia 22:23

He soɡe Lɛbanɔn deene baa kpɔ peleme daa ɛa bini, he bwara sɔɔhne, kɛ he waa dɛ ba sum doe hɛɛ pɛmɛ, kɛŋɔ haah loltea aa lɔɔ ken!”

Jeremia 30:6

Hé pɛɛ no! Baa lɛɛ won kpoŋe tea dɛ́ lolɛ bie aa? Aah ɛrɛɛ mɛɛ na baala ba bwara aa kpeɡa, ba nɔɔra dawɛ ba teene ta kɛŋɔ haah loltea aa lɔɔ nɔɔ? Nomɛlbwa siebɔr ɡwaŋɔ kohona.

Jeremia 45:2

A habɔɔ la, Korowii Israel tena aa dɛ tomɔ ŋɔ ń bol Baruk be ŋɔ,

Jeremia 48:41

Baa pɔ bwɛjen Kereɔt nɛɛ, dɛ́ chɔɡ ba dekpeɡa bwa. Awola tɔpere la, Moab banyoola ɛɛ ɔmɔɔ kɛŋɔ haah loltea aa lɔɔ ken.

Jeremia 49:22

Hé na, dɔma dɛ́ ba ba yo Bosra tena, kɛŋɔ kee yon le nyundua dɛ́ paɡri kena dɛ́ ba ta jal la ken. Awola tɔpere la, Edom banyoola ɛɛ ɔmɔɔ kohona, kɛŋɔ haah loltea aa lɔɔ la ken.”

Jeremia 49:24

Damaskɔs tena ɡwɛɡrɔ, ba kpɔ ɔmee chwa kaa, asɛ bochela ne weweele su ba bwa, kɛŋɔ haah loltea aa lɔɔ la ken.

Jeremia 50:43

Babelɔn kooro no ba wa, ɔmee ɡel o bwara yɔr. Weweele ne bambiteŋa ɡel o ɔmɛ kɛŋɔ haah loltea aa lɔɔ ken.

Jeremia 6:2

Bwɛjen Saayɔn wer kohona, kɛ mɛɛ chɔɡoo,

Wiile 1:17

Jerusalam do kɛŋɔ nɛn waa ta nɔn dɛɛ nyin nomɛl ó ba chao, kɛ nomɛlbwa toole dɛ́ ba larawe o bwara. Korowii do nɛra baa soɡa bar Israel, asɛ ba ba yoo laa, dɛɛ ɛo kɛŋɔ kondoŋ bɛl ken.

Wiile 1:20

N Naa Korowii, na n suna maa dɛ di, n loo kuu, n bambile chɔɡ n wechɔɡa wa. Nɛŋkpoa lɔ fɔɡbaahna, hale nɛra ɛɛ serewe deremi ta.

Wiile 2:21

Bechale ne nomonome bwa serewɔ chɔ fɔɡbaahna, ya dɔma kpoo bonɔɔna ne toli laa ta. He ta ba nɛɛ sune dɛ kpoo ba awola he baah aa dia la.

Hosia 13:13

Ba nyu som kɛ baa dɔ bɔr dɛ́ so, kɛ dɛ ɡɛn dɛ vɛh waa la. Ba do kɛ bechala baa dɛ ba o lola waa wola bala nyin.

Maeka 4:10

Jerusalam tena, hé ɡbaɡre dɛ́ɛ pɛmɛ kohona, kɛŋɔ haah loltea aa lɔɔ. A chɛ kɛ he le bwɛjen nɔ ta, dɛ́ ka so kpɔɡ bini. A chɛ kɛ he dɔma lawɛ heya kaa bojaŋ harɛ Babelɔn, ásɛ mɔɔ Korowii ba lɛ heyaa le ba nɔn ta.

Maeka 4:9

Bɔkwa waa bala hɛɛ dooɡe lɔŋɔre nɔɔ? He ta kooro dɔe kpa kɛɛ? Nɛn waa bol waa dɛɛ ja heyaa sewɔ, a kpɔ weweele ta he nɛɛ hɛɛ pɛmɛ kɛŋɔ haah loltea aa lɔɔ waa?

Maeka 7:1

N waa sum kohona! N do kɛŋɔ nɛn waa ɡaaɡa dɛɛ nyin daa nɔna lɔmɔɡa saŋ, waa wola daa bɛlbwa nɔn waa ka o ta kɛɛ ɡrepo nɔna o daa ta nae dɛ́ di. Ba tɔɔ ɡrepo nɔna, ne fiɡ daa nɔna aa soma la bwa.

Matiu 21:5

“Ŋɔ Saayɔn tena be ŋɔ bá nyiŋi na! Ba kooro dɛ ba ba be! O pwɛre. O soɡe keeɡo bie ta, keeɡo bale taa o so.”

1 Kɔrent 9:16

Maa won koh Amanesoma nɔ bola waa dɛɛ baɡle n te, dɛkalkɛŋɔ Korowiirii dɛɛ do mɛ asɛ mɛɛ bol. Dɛ n ta bolaa, mɛɛ dɔ waa.

1 Tesalonika 5:3

Gɛ saŋ nɛra aa ba ŋɔ, “Bobɛlbwa sɔɔhnɔ, ya dɔ deŋnesɔɔhna name te” la, belaa dɛ harɛchɔɡ la ɛɛ ba ba piɡra. Wɛɛ piɡruu kɛŋɔ haah naa kpoŋe tea asɛ lol tea lɔɔ la ken. Gɛ saŋ la, baa bɔree dɔ dɛ chwa ka sɔh.